ពេលដែលកំពុងទឹក នៅក្រោយផ្ទះខ្ញុំ មានការបាក់ស្រុត ខ្ញុំក៏បានដឹងថា ខ្ញុំមិនអាចជួសជុលវាដោយខ្លួនឯងបានទេ ។ ដូចនេះ ខ្ញុំក៏បានឲ្យគេមកធ្វើការវាយតម្លៃ ហើយបានឲ្យជាង ម្នាក់ មកសាងសង់កំពុងទឹកថ្មីមួយឲ្យខ្ញុំ ។
ពេលដែលការសាងសង់រួចរាល់ហើយ ខ្ញុំក៏បានពិនិត្យមើលកំពង់ទឹកថ្មីនោះ យ៉ាងម៉ដ្ឋចត់ ហើយក៏បានកត់សំគាល់ឃើញមានបញ្ហាមួយចំនួន។ ដើម្បីស្វែងរកការប្រឹក្សាយោបល ជាបន្ថែម ខ្ញុំក៏បានទូរស័ព្ទទៅមន្ត្រីត្រួតពិនិត្យសំណង់ប្រចាំតំបន់ ហើយខ្ញុំក៏បានជួបរឿងដ៏គួរឲ្យភ្ញាក់ផ្អើល ។ ជាងម្នាក់នោះ មិនមានបណ្ណអនុញ្ញាតិឲ្យសាងសង់ឡើយ ។ ដោយសារគាត់បាន ធ្វើការសាងសង់ ដោយមិនបានឆ្លងកាត់ការត្រួតពិនិត្យរបស់រដ្ឋ នោះគាត់បានបំពានច្បាប់សាងសង់ជាច្រើនចំណុច ។
ហេតុការណ៍នេះបានធ្វើឲ្យខ្ញុំនឹកចំា អំពីសេចក្តីពិតដ៏សំខាន់មួយ(ក្រៅពីការសុំឲ្យគាត់បង្ហាញបណ្ណអនុញ្ញាតិ មុនពេលសាងសង់)គឺ ជាញឹកញាប់ បើសិនជាយើងមិនមានការទទួលខុសត្រូវចំពោះអំណាចដែលគ្រប់គ្រងលើយើងទេ នោះយើងមិនអាចធ្វើអ្វីមួយឲ្យអស់ពីចិត្តបានឡើយ ។
ក្នុងព្រះគម្ពីរ យើងឃើញថា គោលការណ៍នេះត្រូវបានបកស្រាយ នៅក្នុងរឿងប្រៀបប្រដូចពីរ ក្នុងចំណោមរឿងប្រៀបប្រដូចរបស់ព្រះយេស៊ូវ(ម៉ាថាយ ២៤:៤៥-៥១ ២៥:១៤-៣០)។ ក្នុងករណីទាំងពីរ យ៉ាងហោចណាស់ មានអ្នកបម្រើម្នាក់បានធ្វើខុស នៅពេលចៅហ្វាយរបស់ខ្លួនមិនបាននៅពិនិត្យមើលការងាររបស់គាត់ ។ ប៉ុន្តែ នៅក្នុងព្រះគម្ពីរសុភាសិត ជំពូក៦ មានអ្នកបម្រើមួយប្រភេទទៀត ដែលមិនបានប្រព្រឹត្តដូចគាត់ទេ ។ យើងឃើញថា សត្វស្រម៉ោចគឺជាសត្វគំរូ ដែលធ្វើកិច្ចការរបស់ខ្លួនបានយ៉ាងប្រសើរ ទោះបីជាវាមិនឃើញមាននរណានៅត្រួតពីលើវាក៏ដោយ ។
ចុះចំណែកយើងវិញ? តើយើងធ្វើការបានល្អ តែនៅពេលដែលមានអ្នកពិនិត្យមើលយើងឬ? ឬតើយើងដឹងទេថា កិច្ចការដែលយើងធ្វើ គឺសម្រាប់ថ្វាយដល់ព្រះទេ? ដូចនេះ យើងត្រូវធ្វើឲ្យអស់ពីចិត្ត ជានិច្ច គឺទោះបីជាគ្មានមនុស្សមានអំណាចណាម្នាក់ នៅពិនិត្យមើលយើងក៏ដោយ ។ – Dave Branon
