សេចក្តីណាក៏ដោយ

រៀង​រាល់​ពេល​ល្ងាច​ថ្ងៃ​សុក្រ ព័ត៌មាន​ជាតិ ដែល​ក្រុម​គ្រួសារ​ខ្ញុំ​ទស្សនា បាន​បញ្ចប់​ការ​ផ្សាយ ដោយ​និយាយ​សង្កត់​ធ្ងន់ អំពី​រឿង​ដែល​ធ្វើ​ឲ្យ​ចិត្ត​រីក​រាយ​ឡើង។ ខុស​ពី​ព័ត៌មាន​ផ្សេង​ទៀត ព័ត៌មាន​ចុង​ក្រោយ​នោះ តែង​តែ​នាំ​មក​នូវ​ភាព​ស្រស់​ស្រាយ​ជា​និច្ច។ កាល​ពី​ពេល​ថ្មីៗ​នេះ រឿង​ដ៏​ល្អ សម្រាប់​ថ្ងៃ​សុក្រ បាន​ផ្តោត​ទៅ​លើ​អ្នក​យក​ព័ត៌មាន​ម្នាក់ ដែល​បាន​កើត​ជម្ងឺ​កូវីត១៩ ហើយ​ក៏​បាន​ជា​សះ​ស្បើយ​វិញ ហើយ​បន្ទាប់​មក គាត់​ក៏​បាន​សម្រេច​ចិត្ត​បរិច្ចាគ​ប្លាស្មា​របស់​គាត់ ដើម្បី​ជួយ​អ្នក​ដទៃ ប្រយុទ្ធ​ប្រឆាំង​នឹង​វីរុស​នេះ។ នៅ​ពេល​នោះ គណៈ​វិនិច្ឆ័យ​នៅ​តែ​មិន​ទាន់​ដឹង​ថា អង្គ​ការពារ​ខ្លួន​មាន​ប្រសិទ្ធិ​ភាព​យ៉ាង​ណា​ទេ។ ប៉ុន្តែ នៅ​ពេល​ដែល​មនុស្ស​ជា​ច្រើន​មាន​អារម្មណ៍​ថា អស់​សង្ឃឹម ហើយ​ការ​បរិច្ចាគ​ប្លាស្មា​(ដោយ​ប្រើ​ម្ជុល​ចាក់) មាន​ការ​ពិបាក នោះ​នាង​មាន​អារម្មណ៍​ថា “វា​ជា​ការ​លះបង់​ដ៏​តិច​តួច​របស់​នាង ដើម្ប​ប្រយោជន៍​ដល់​មនុស្​ស​ជាច្រើន”។

បន្ទាប់​ពី​បាន​ស្តាប់​ការ​ផ្សាយ​ព័ត៌មាន​ថ្ងៃ​សុក្រ​នោះ​ហើយ ខ្ញុំ និង​ក្រុម​គ្រួសារ​ខ្ញុំ​មាន​ការ​លើក​ទឹក​ចិត្ត គឺ​ហ៊ាន​និយាយ​ថា​យើង​មាន​ពេញ​ដោយ​ក្តី​សង្ឃឹម។ នេះ​ជា​អំណាច​នៃ​ពាក្យ “សេចក្តី​ណា​ក៏​ដោយ”  ដែល​សាវ័ក​ប៉ុល​បាន​ប្រើ ក្នុង​បទ​គម្ពីរ​ភីលីព ជំពូក៤ ដែល​បាន​ចែង​ថា “ឯ​សេចក្តី​ណា​ដែល​ពិត សេចក្តី​ណា​ដែល​គួរ​រាប់​អាន សេចក្តី​ណា​ដែល​សុចរិត សេចក្តី​ណា​ដែល​បរិសុទ្ធ សេចក្តី​ណា​ដែល​គួរ​ស្រឡាញ់ សេចក្តី​ណា​ដែល​មាន​ឈ្មោះ​ល្អ បើ​មាន​សគុណ​ណា ឬ​ជា​សេចក្តី​សរសើរ​ណា នោះ​ចូរ​ពិចារណា​ពី​សេចក្តី​ទាំង​នោះ​ចុះ”(ខ.៨)។ តើ​សាវ័ក​ប៉ុល​បាន​គិត​ដល់​ការ​បរិច្ចាគ​ប្លាស្មា​ដែរ​ឬទេ? ជា​ការ​ពិត​ណាស់ គាត់​មិន​បាន​គិត​ដល់​ទេ។ ប៉ុន្តែ តើ​គាត់​បាន​គិត​ដល់​ការ​ប្រព្រឹត្ត​ដោយ​ការ​លះ​បង់ ដើម្បី​អ្នក​ដទៃ ដែល​កំពុង​ត្រូវ​ការ​ជំនួយ ដែល​នោះ​ជា​អាកប្ប​ដែល​មាន​លក្ខណៈ​ដូច​ព្រះ​គ្រីស្ទ​ឬទេ? ខ្ញុំ​ជឿ​ជាក់​ថា ចម្លើយ​នោះ គឺ​បាទ។​

ប៉ុន្តែ ដំណឹង​ដែល​នាំ​ឲ្យ​មាន​សង្ឃឹម នឹង​មិន​មាន​ប្រសិទ្ធ​ភាព​ទេ បើ​គេ​មិន​បាន​ផ្សព្វផ្សាយ​នោះ។ ដូច​នេះ យើង​មាន​ឯក​សិទ្ធិ នៅ​ក្នុង​ការ​ធ្វើ​បន្ទាល់ អំពី​សេចក្តី​ល្អ​របស់​ព្រះ ដើម្បី​មើល និង​ស្តាប់​អ្វី​ៗ​ដែល​នៅ​ជុំវិញ​ខ្លួន​យើង ហើយ​បន្ទាប់​មក ផ្សាយ​ដំណឹង​ល្អ​ដល់​អ្នក​ដទៃ ដើម្បី​ឲ្យ​គេ​បាន​ទទួល​ការ​លើក​ទឹក​ចិត្ត។​—John Blasé

Share this post:
Facebook
Twitter
LinkedIn
WhatsApp

From the same category:

More articles