រឿងធម្មតា និងរឿងមិនធម្មតា

ជាងមួយសតវត្សហើយ ដែលក្នុងការប្រកួតវាយកូនហ្គោល កីឡាករអាចទទួលបានពិន្ទុខ្ពស់បំផុត ត្រឹមតែ៥៩ប៉ុណ្ណោះ នេះបើតាមការកត់ត្រាបីដងក្នុងប្រវតិ្ត នៃការប្រកួត PGA Tour មុនឆ្នំា២០១០។ បន្ទាប់មក ក្នុងឆ្នាំ ២០១០ លោកប៉ូល ហ្កោដូស(Paul Goydos)ប្រកួតបានពិន្ទុ៥៩ ហើយមួយខែក្រោយមក លោកស្ទូអាត អេបផលប៊ី(StuartAppleby)ក៏បានតាមទាន់បាន៥៩ពិន្ទុដែរ។ ហេតុនេះហើយ បានជាអ្នកនិពន្ធអំពីកីឡា បានស្ទង់មើលថា ជោគ ជ័យក្នុងវិស័យកីឡាវាយកូនហ្គោល ដែលគេប្រាថ្នាចង់បានបំផុត កំពុងតែក្លាយជារឿងធម្មតាទៅហើយ។ គួរឲ្យអស្ចារ្យណាស់ ដែលនៅក្នុងរដូវកាលតែមួយ មានកីឡាករដល់ទៅពីរនាក់បានពិន្ទុ៥៩ដូចគ្នា តែវាអាចជាកំហុសមួយ បើយើងគិតថាវាជារឿងធម្មតានោះ។ ចំពោះយើងដែលជាអ្នកដើរតាមព្រះយេស៊ូវគ្រីស្ទវិញ វាក៏ជាកំហុសមួយផងដែរ បើយើងគិតថា ភាពអស្ចារ្យ គឺជារឿងធម្មតា។ ឧទាហរណ៍ សូមយើងគិតអំពីការអធិស្ឋាន។ យើងអាចនិយាយទៅកាន់ព្រះអាទិករ នៅពេលណាក៏បាន ដែលទ្រង់បានបង្កើតសកលោកមក ដោយគ្រាន់តែមានបន្ទូលមួយព្រះឱសប៉ុណ្ណោះ! ទ្រង់មិនត្រឹមតែស្វាគមយើង ពេលយើងចូលក្នុងវត្តមានទ្រង់ប៉ុណ្ណោះទេ តែថែមទាំងបានអញ្ជើញយើង ឲ្យចូលក្នុងវត្តមានទ្រង់ ដោយចិត្តក្លាហាន ដោយពាក្យថា “ដូច្នេះ ត្រូវឲ្យយើងរាល់គ្នាមកដល់បល្ល័ង្កនៃព្រះគុណដោយក្លាហាន ដើម្បីនឹងទទួលសេចក្តីមេត្តា ហើយរកបានព្រះគុណសំរាប់នឹងជួយដល់ពេលត្រូវការចុះ”(ហេព្រើរ ៤:១៦)។ ការចូលក្នុងព្រះវត្តមានព្រះ មិនមែនជារឿងធម្មតាទេ តែមានពេលខ្លះ យើងបែរជាចាត់ទុកឯកសិទ្ធិនេះជារឿងធម្មតាទៅវិញ។ ទ្រង់ជាព្រះដ៏មានចេស្តា តែទ្រង់ក៏ជាព្រះបិតាដែលស្រឡាញ់យើង និងអនុញ្ញាតឲ្យយើងចូលទៅចំពោះទ្រង់ នៅពេលណា និងនៅថ្ងៃណាក៏បាន។ នេះហើយជាអ្វី ដែលខ្ញុំហៅថាការអស្ចារ្យនោះ។_ Bill Crowder

មីនុយ

មីនុយ

រឿងធម្មតា និងរឿងមិនធម្មតា

បទគម្ពីរប្រចាំថ្ងៃ

ប្រភេទ