នំម៉ាណាប្រចាំថ្ងៃ

«អញស្គាល់ទីលំនៅរបស់ឯងហើយ គឺជាកន្លែងដែលមានបល្ល័ង្ករបស់អារក្សសាតាំងនោះ តែឯងកាន់ខ្ជាប់តាមឈ្មោះអញ ហើយមិនបានលះចោលសេចក្ដីជំនឿដល់អញចេញឡើយ ទោះក្នុងគ្រាដែលគេបានសំឡាប់អាន់ទីប៉ាស ជាស្មរបន្ទាល់ស្មោះត្រង់របស់អញ នៅកណ្ដាលពួកឯងរាល់គ្នា ជាកន្លែងដែលអារក្សសាតាំងនៅនោះផង»។ វិវរណៈ ២:១៣
ទីក្រុងពើកាម៉ុស ត្រូវបានសាងសង់ឡើង នៅលើកំពូលកូនភ្នំ ដែលមានរូបរាង្គដូចកោន ដែលមានកម្ពស់ជាង៣០០ម៉ែត្រ ។ ទីក្រុងនេះជាមជ្ឈមណ្ឌលដ៏រឹងមាំនៃសាសនារបស់ជនជាតិក្រិក ដែលមានព្រះវិហារ និងទីសក្ការៈផ្សេងៗ ដែលគេបានសង់នៅលើកំពូលភ្នំ សម្រាប់ព្រះហ្ស៊ូស ព្រះនាងអាធីណា ព្រះឌីអូនីសូស និងព្រះអាក្លេពាស ។
ម្យ៉ាងទៀត ទីក្រុងពើកាម៉ុសបានក្លាយជាទីក្រុងដំបូង ដែលគេបានសាងសង់ទីសក្ការៈសម្រាប់អធិរាជរបស់ចក្រភពរ៉ូម៉ាំង ដែលកំពុងមានជីវិតរស់នៅក្នុងសម័យនោះ ធ្វើឲ្យទីក្រុងនេះក្លាយជាមជ្ឈមណ្ឌលជាផ្លូវការ នៃសាសនារបស់អធិរាជ ប្រចាំតំបន់អាស៊ី ។ ក្នុងន័យខាងវិញ្ញាណ ទីក្រុងនេះជាកន្លែងងងឹតយ៉ាងខ្លាំង បានជាព្រះគ្រីស្ទបានហៅទីក្រុងនេះថាទីលំនៅរបស់សាតាំង ។ គឺនៅក្នុងកន្លែងដ៏ងងឹត ពហុវប្បធម៌ និងការថ្វាយបង្គំរូបព្រះនោះហើយ ដែលពួកជំនុំនៅទីក្រុងពើកាម៉ុសបានបង្ហាញភាពស្មោះស្ម័គ្រចំពោះព្រះនាមរបស់ព្រះគ្រីស្ទ ដែលជាទង្វើខុសច្បាប់ ។ ការប្តូរផ្តាច់ចំពោះព្រះនាមព្រះអម្ចាស់យេស៊ូវគ្រីស្ទ គឺបានបង្ហាញថា អ្នកជឿទាំងនេះមានចិត្តស្មោះស្ម័គ្រចំពោះព្រះ ដែលបង្ហាញអង្គទ្រង់ឲ្យគេស្គាល់ ជាព្រះដែលបានយកកំណើតជាមនុស្ស ក្សត្រដែលមានព្រះជន្មរស់ឡើងវិញ និងជាព្រះ ។ វាមិនមែនជារឿងតូចតាចទេ នៅពេលដែលគេប្រកាន់ខ្ជាប់តាមព្រះយេស៊ូវ ក្នុងកន្លែងដែលមនុស្សនឹងរាប់បញ្ចូលព្រះអង្គ ទៅក្នុងចំណោមព្រះក្លែងក្លាយរបស់សាសន៍ដទៃ ជាតួអង្គមួយ ក្នុងចំណោមតួអង្គរបស់សាសនាជាច្រើន តែគេមិនអាចទ្រាំទ្របាន ចំពោះការប្រកាសថា ព្រះអង្គគឺជាក្សត្រ ដែលក្រៅពីព្រះអង្គគ្មានព្រះណាទៀត ហើយគ្មាននរណាទៀត ដែលសក្តិសមនឹងឲ្យគេថ្វាយបង្គំ ដូចព្រះអង្គ ។
លោក អាន់ទីប៉ាស បានធ្វើជាគំរូនៃភាពស្មោះស្ម័គ្រចំពោះព្រះនាមព្រះគ្រីស្ទ ។ ជាក់ស្តែង គាត់មិនបានលើកដំកើងស្តេចសេសា ដូចលើកដំកើងព្រះយេស៊ូវគ្រីស្ទទេ ។ ហេតុនេះហើយ គាត់បានបដិសេធមិនព្រមបន្ថែមបន្ថយ ទោះគាត់ត្រូវបាត់បង់ជីវិតក៏ដោយ ។
លទ្ធិពហុនិយម ដែលគេបានបង្ហាញក្នុងទីក្រុងពើកាម៉ុស ក៏ជាសញ្ញាសំគាល់ នៃវប្បធម៌លោកខាងលិច ក្នុងសម័យបច្ចុប្បន្ន ដែលច្រើនតែផ្តល់ឲ្យនូវការទទួលយកដូចគ្នា ចំពោះការអះអាងនៃជំនឿសាសនាផ្សេងៗ ស្មើនឹងការអះអាងអំពីព្រះគ្រីស្ទ ។ គេនឹងមានចិត្តសប្បាយឥតទាស់ បើសិនជាយើងគ្រាន់តែរាប់បញ្ចូលព្រះយេស៊ូវទៅក្នុងចំណោមក្រុមព្រះរបស់គេ ប៉ុន្តែ គេមិនអាចទ្រាំទ្រ ចំពោះព្រះបន្ទូលដែលព្រះយេស៊ូវបានប្រកាសថា «បើមិនទៅតាមខ្ញុំ គ្មាននរណាអាចទៅព្រះវរបិតាបានទេ» (យ៉ូហាន ១៤:៦)។ ក្នុងសង្គមលោកខាងលិច នៅសតវត្សរ៍ទី២១ គេព្រមជឿថា ព្រះយេស៊ូវគឺជាផ្លូវមួយក្នុងចំណោមផ្លូវជាច្រើន តែគេមិនព្រមជឿថា ព្រះអង្គគឺជាផ្លូវតែមួយនោះឡើយ ។ ដូចនេះ យើងស្ថិតក្នុងការហ៊ុមព័ទ្ធនៃ «ទីសក្ការៈ» នៃលទ្ធិពហុនិយម និងមនុស្សដែលថ្វាយបង្គំអ្វីៗទាំងអស់ លើកលែងតែព្រះដែលមានព្រះជន្មរស់ ។
ព្រះទ្រង់បានដាក់យើង ជារាស្រ្តទ្រង់ ក្នុងចំណោមពួកគេ ។ អ្នកដែលនៅតែប្រកាន់ខ្ជាប់តាមព្រះនាមព្រះគ្រីស្ទ នឹងទទួលរងសម្ពាធរបស់វប្បធម៌នៅជុំវិញ ដែលព្យាយាមសង្កត់ពីលើយើងឲ្យដាច់ខ្យល់ ។ តើយើងនឹងមានភាពស្មោះស្ម័គ្រដូចពួកជំនុំ នៅទីក្រុងពើកាម៉ុសទេ ? ទាល់តែយើងបានជឿដូចពួកគេដែរថា មានតែព្រះយេស៊ូវទេ ដែលសក្តិសមនឹងឲ្យយើងមានការប្ដេជ្ញាចិត្ត និងការថ្វាយបង្គំ ទោះត្រូវលះបង់អ្វីក៏ដោយ ។

ខគម្ពីរជញ្ជឹងគិត៖ វិវរណៈ ២:១២-១៧
គម្រោងអានព្រះគម្ពីររយៈពេល១ឆ្នាំ៖ ១របាក្សត្រ ១៦-១៨ និង លូកា ២:១-២១

មីនុយ

មីនុយ

ពន្លឺក្នុងទីងងឹត

ប្រភេទ

អត្ថបទថ្មីៗ

ព្រះគ្រីស្ទឃុំគ្រងយើងជាប់

មានក្តីស្រឡាញ់ដើមឡើងវិញ

ប្ដេជ្ញាចិត្តចំពោះសេចក្តីពិត

ពន្លឺ​ក្នុង​ទី​ងងឹត

ប្រភេទ

អត្ថបទថ្មីៗ

ព្រះគ្រីស្ទ​ឃុំ​គ្រង​យើង​ជាប់

មាន​ក្តី​ស្រឡាញ់​ដើម​ឡើង​វិញ

ប្ដេជ្ញា​ចិត្ត​ចំពោះ​សេចក្តី​ពិត

ពន្លឺក្នុងទីងងឹត

ព្រះគ្រីស្ទឃុំគ្រងយើងជាប់

មានក្តីស្រឡាញ់ដើមឡើងវិញ

ប្ដេជ្ញាចិត្តចំពោះសេចក្តីពិត