នោះ​ផ្សែង​នៃ​គ្រឿងក្រអូប​ក៏​ផ្សាយ​ឡើង ជាមួយនឹង​សេចក្តី​អធិស្ឋាន​របស់​ពួក​បរិសុទ្ធ ចេញ​អំពី​ដៃ​នៃ​ទេវតា​នៅ​ចំពោះ​ព្រះ។ វិវរណៈ ៨:៤

លោក​បណ្ឌិត ហ្គែ​រី គ្រី​នបឺ​ក(Dr. Gary Greenberg) បាន​យក​ដីខ្សាច់​ពី​ឆ្នេរ​សមុទ្រ​នា​ៗ នៅ​ទូទាំង​ពិភពលោក មក​ពង្រីក​មើល ហើយ​ថតរូប​ដែល​បាន​ពង្រីក​នោះ ដោយ​ជា​ញឹកញាប់ គាត់​បាន​បង្ហាញ​ឲ្យ​គេ​ឃើញ​ពណ៌​ដ៏​ស្រស់​ស្អាត ចេញពី​កំទេច​រ៉ែ សម្បកខ្យង និង​បំណែក​តូច​ល្អិត​នៃ​ផ្កាថ្ម ដែល​មាននៅ​ក្នុង​ដ៏​ខ្សាច់។

គាត់​បាន​រក​ឃើញថា នៅក្នុង​ដីខ្សាច់​មាន​ធាតុផ្សំ​ជាច្រើន លើស​ពី​អ្វី​ដែល​អាច​មើលឃើញ​ដោយ​ភ្នែកទទេ។ នៅក្នុង​ការសិក្សា​អំពី​ដី​ខ្សាច់ ការវិភាគ អំពី​ធាតុផ្សំ​នៅក្នុង​ដីខ្សាច់ ដោយ​ប្រើ​មីក្រូទស្សន៍ អាច​បង្ហាញ​ឲ្យ​គេ​ដឹង អំពី​ភាព​សឹក​រេច​​រឹល​នៅ​តំបន់ឆ្នេរ ចរន្ត​របស់​ទឹកសមុទ្រ និង​ផល​ប៉ះពាល់​ដែល​ពួក​វា​អាច​មាន​មក​លើ​តំបន់ឆ្នេរ។ សូម្បីតែ​គ្រាប់​ខ្សាច់​មួយ​គ្រាប់ អាច​ផ្តល់​​នូវ​ការយល់​ដឹង ដែល​មានតម្លៃ​យ៉ាង​ខ្លាំង!

ការអធិស្ឋាន​មួយដង ប្រៀប​ដូចជា​គ្រាប់​ខ្សាច់​មួយ​គ្រាប់ ដែល​មានតម្លៃ​យ៉ាង​ខ្លាំង។ ព្រះគម្ពីរ​ក៏បាន​ចែង​អំពី​តួនាទី​ដ៏​មានអំណាច​របស់​ការអធិស្ឋាន នៅក្នុង​ការ​មកដល់​នៃ​នគរ​ព្រះ។ ក្នុង​បទ​គម្ពីរ វិវរណៈ ជំពូក៨ សាវ័ក​យ៉ូហាន​បានឃើញ​ទេវតា​ឈរ នៅ​ក្បែរ​អស​នា នៅ​ពីមុខ​បល្ល័ង្ក​ព្រះអង្គ ដោយ​កាន់​ពានមាស​មួយ ដែល​ផ្ទុក​ទៅ​ដោយ “សេចក្តី​អធិស្ឋាន​របស់​រាស្រ្ត​ទាំងអស់​របស់​ព្រះ”។ បន្ទាប់មក “រួច​ទេវតា​ក៏​យក​ពាន ទៅ​ដាក់​ពេញដោយ​ភ្លើង ពីលើ​អាសនា បោះ​ទៅលើ​ផែនដី នោះ​កើតមាន​សំឡេង ផ្គរលាន់ ផ្លេកបន្ទោរ និង​កក្រើក​ដី”(ខ.៣,៥)។

បន្ទាប់ពី​ទេវតា​បាន​បោះ​ពានមាស​ដែល​ផ្ទុក​ទៅ​ដោយ​សេចក្តី​អធិស្ឋាន និង​ភ្លើង​នៅ​ខាងក្នុង ភ្លាមៗនោះ ទេវតា៧អង្គ កាន់​ត្រែ៧ ក៏​រៀបនឹង​ផ្លុំ​ឡើង(ខ.៦) ដើម្បី​ប្រកាស់​អំពី​ថ្ងៃ​ចុងក្រោយ​នៃ​ផែនដី​ចាស់ និង​អំពី​ការ​យាង​មកវិញ​របស់​ព្រះគ្រីស្ទ។

ជួនកាល យើង​ប្រហែល​មាន​អារម្មណ៍​ថា ការអធិស្ឋាន​របស់​យើង​មិនសូវ​មានតម្លៃ ឬមានប្រយោជន៍​ទេ ប៉ុន្តែ ព្រះ​ទ្រង់​មិនដែល​មើល​រំលង​សេចក្តី​អធិស្ឋាន​ណាមួយ​ឡើយ។ ព្រះអង្គ​ឲ្យ​តម្លៃ​សេចក្តី​អធិស្ឋាន​នី​មួយៗណាស់ បាន​ជា​ការអធិស្ឋាន​មាន​តួនាទី​ដ៏​សំខាន់ នៅក្នុង​ការ​យាង​មក​នៃ​នគរ​ព្រះអង្គ។ ការអធិស្ឋាន​ដែល​ហាក់ដូចជា​តូចតាច​សម្រាប់​យើង អាច​មានតម្លៃ​យ៉ាង​ខ្លាំង​ចំពោះ​ព្រះអង្គ!—James Banks

ហេតុអ្វី​អ្នក​គិតថា ព្រះយេស៊ូវ​សព្វព្រះទ័យ​ឲ្យ​យើង​អធិស្ឋាន សូម​នគរ​ព្រះ​មកដល់(ម៉ាថាយ ៦:១០)? តើ​អ្នក​អាច​បន្ត​មាន​ភាព​ស្មោះត្រង់ ក្នុង​ការអធិស្ឋាន​ដូចម្តេច​ខ្លះ នៅ​ថ្ងៃនេះ?

ឱព្រះវរបិតា ដែល​គង់នៅ​ស្ថានសួគ៌ ទូលបង្គំ​សូម​អរព្រះគុណ​ព្រះអង្គ ដែល​បាន​ឲ្យ​តម្លៃ​មក​លើ​ការអធិស្ឋាន​ទូលបង្គំ​យ៉ាង​ខ្លាំង! សូម​ព្រះអង្គ​ជួយ​ទូលបង្គំ​ឲ្យ​ត្រៀមខ្លួន​ជាស​ម្រេច សម្រាប់​នគរ​ព្រះអង្គ ដោយ​អធិស្ឋាន​យ៉ាង​ស្មោះត្រង់ នៅ​ថ្ងៃនេះ។

To learn more about the act of prayer, visit ODBU.org​/SF120.

គម្រោងអានព្រះគម្ពីររយៈពេល១ឆ្នាំ : ទំនុកដំកើង ៦៣-៦៥ និង រ៉ូម ៦