ពន្លឺនៅថ្ងៃបុណ្យណូអែល

អញ​បានឃើញ​សេចក្តី​វេទនា​របស់​រាស្ត្រ​អញ ដែល​នៅ​ស្រុក​អេស៊ីព្ទ​ហើយ … ដូច្នេះ​អញ​បាន​ចុះ​មក ដើម្បីនឹង​ជួយ​ដោះ​គេ​ឲ្យ​រួច។ និក្ខមនំ ៣:៧-៨

មាន​ពេល​មួយ ខ្ញុំ​បានឃើញ​ដើម​គ្រីស្ទ​​ម៉ាស​មាន​ពន្លឺ​ភ្លឺ​ខ្លាំង។ ​មិនមែន​ភ្លឺ​ដោយសារ​មាន​ភ្លើងពណ៌​អគ្គីស​នី​បំភ្លឺ​នោះ​ទេ តែ​ដោយសារ​មាន​ភ្លើង​ឆេះ។ ក្រុម​គ្រួសារ​ខ្ញុំ​បាន​ទទួលការ​អញ្ជើញ ឲ្យ​ចូលរួម​កម្មវិធី​ជួបជុំ តាម​ប្រពៃណី​ចាស់​បុរាណ​របស់​ជនជាតិ​អាឡឺម៉ង់ ដោយមាន​បង្អែម​ប្រពៃណី និង​ដើមឈើ​មួយ​ដើម ដែល​មាន​ដុត​ទៀន​ពីលើ។ (ដើម្បី​សុវត្ថិភាព គេ​បាន​កាប់​ដើមឈើ​នោះ​ថ្មីៗ ហើយ​ដាក់​ទៀន​ដុត​បំភ្លឺ​ពីលើ​ដើមឈើ​នោះ តែមួយ​យប់​ប៉ុណ្ណោះ)។

មើល​ពី​ចម្ងាយ ដើមឈើ​នោះ​ហាក់ដូចជា​កំពុងតែ​មាន​ភ្លើង​ឆេះ ហើយ​ទិដ្ឋភាព​នោះ ក៏បាន​ធ្វើឲ្យ​ខ្ញុំ​នឹក​ចាំ អំពី​ពេល​ដែល​លោក​ម៉ូសេ​បាន​ជួប​ព្រះអម្ចាស់ ក្នុង​គុម្ព​បន្លា។ ពេល​លោក​ម៉ូសេ​កំពុង​ឃ្វាល​ចៀម នៅ​វាល​ហោ​ស្ថាន គាត់​ក៏​មានការ​ភ្ញាក់ផ្អើល ពេល​ដែល​បានឃើញ​គុម្ព​បន្លា​មួយ​ដើម​កំពុង​ឆាប​ឆេះ តែ​មិន​ចេះ​សុស​ទាល់​តែ​សោះ។ ពេល​គាត់​ចូល​ទៅ​ក្បែរ​គុម្ព​បន្លា​នោះ ដើម្បី​ពិនិត្យមើល ព្រះ​ទ្រង់​ក៏បាន​មាន​បន្ទូល​ហៅ​គាត់។ ព្រះបន្ទូល​ចេញពី​គុម្ព​បន្លា​នោះ មិនមែន​ជា​ការប្រកាស​អំពី​ការ​ជំនុំជម្រះ តែ​ជា​ការប្រកាស​អំពី​ការ​ជួយ​សង្គ្រោះ​រាស្ត្រ​អី​ស្រា​អែល។ ព្រះអម្ចាស់​បាន​ទត​ឃើញ​ទុក្ខ​វេទនា​របស់​រាស្ត្រ​ព្រះអង្គ ដែល​កំពុង​ជាប់​ជា​ទាសករ នៅ​ស្រុក​អេស៊ីព្ទ ហើយក៏​បាន “យាងចុះ​មក ដើម្បី​ជួយ​សង្គ្រោះ​ពួក​គេ”(និក្ខមនំ ៣:៨)។

ខណៈ​ពេល​ដែល​ព្រះ​ទ្រង់​បាន​ជួយ​សង្គ្រោះ​រាស្ត្រ​អ៊ីស្រាអែល ឲ្យ​រួច​ពី​ទឹកដី​អេស៊ីព្ទ មនុស្សជាតិ​ទាំងអស់​នៅតែ​ត្រូវការ​ការ​ជួយ​សង្គ្រោះ តែ​មិនគ្រាន់​តែ​ឲ្យ​រួចពីទុក្ខ​វេទនា​ផ្លូវកាយ​ប៉ុណ្ណោះទេ តែ​ឲ្យ​រួចពី​ផលវិបាក​នៃ​អំពើបាប និង​សេចក្តី​ហិន​វិនាស​អស់​កល្ប។ ជាច្រើន​រយ​ឆ្នាំក្រោយ​មក ព្រះអង្គ​ក៏បាន​ឆ្លើយតប​ចំពោះ​បញ្ហា​នេះ ដោយ​ប្រទាន​ពន្លឺ ដែល​ជា​ព្រះរាជបុត្រា ព្រះនាម​យេស៊ូវ​(យ៉ូហាន ១:៩-១០) ឲ្យ​យាងចុះ​មក មិនមែន​ដើម្បី​កាត់ទោស​លោកិយ តែ​ដើម្បី​សង្គ្រោះ​លោកិយ​តាមរយៈ​ព្រះអង្គ(៣:១៧)។—LISA M. SAMRA

តើ​​អ្នក​អាច​អបអរ​ដូចម្តេច​ខ្លះ ចំពោះ​ការ​ជួយ​សង្គ្រោះ​ដែល​ព្រះ​ទ្រង់ប្រទាន​មក តាមរយៈ​ព្រះយេស៊ូវ​? តើ​ការ​ប្រារព្ធ​ពិធី​អ្វីខ្លះ ដែល​នាំឲ្យ​យើង​ងាក​ទៅ​រក​ព្រះអង្គ?

ឱ​ព្រះវរបិតា​ដែល​គង់នៅ​ស្ថានសួគ៌ ទូលបង្គំ​សូម​អរព្រះគុណ​ព្រះអង្គ សម្រាប់​ការ​ចាត់​ព្រះយេស៊ូវ​ជា​ពន្លឺ​នៃ​លោកិយ ឲ្យ​យាងចុះ​មក​សង្គ្រោះ​យើងខ្ញុំ។

For further study, read Mystery of the Manger: Exploring the Whole Story of Christmas at DiscoverySeries.org​/HP161.

គម្រោងអានព្រះគម្ពីររយៈពេល១ឆ្នាំពេញ : អេសេគាល ៤៥-៤៦ និង ១យ៉ូហាន ២

Share this post:
Facebook
Twitter
LinkedIn
WhatsApp

From the same category:

More articles