Sheridan Voysey

You are here:

Home
Article author Sheridan Voysey

ទិវាបន្ទាបខ្លួន

February, នំម៉ាណាប្រចាំថ្ងៃBy Sheridan Voysey 22/02/2023

នោះក៏បន្ទាបព្រះអង្គទ្រង់ ទាំងចុះចូលស្តាប់បង្គាប់ រហូតដល់ទីមរណៈ គឺទ្រង់ទទួលសុគតជាប់ឈើឆ្កាងផង។ ភីលីព ២:៨ ជាញឹកញាប់ ខ្ញុំច្រើនតែអស់សំណើច នឹងថ្ងៃបុណ្យជាតិមិនផ្លូវការជាច្រើន ដែលគេបាននាំគ្នាបង្កើតឡើង នៅសហរដ្ឋអាមេរិក។ គ្រាន់តែក្នុងខែកុម្ភៈ គេមានទិវានំផ្អែម ទិវាអ្នកលេបផ្លែដាវ និងថែមទាំងមានទិវាអបអរនំរបស់ឆ្កែទៀតផង។ អ្វីដែលគួរឲ្យចាប់អារម្មណ៍បំផុតនោះ គឺគេបានហៅថ្ងៃនេះថា ទិវាបន្ទាបខ្លួន។ គេបានទទួលស្គាល់ជាសកលថា ការបន្ទាបខ្លួន ជាគុណធម៌មួយ ដែលសមនឹងឲ្យយើងអបអរ។ តែគួរឲ្យស្តាយណាស់ ដែលគេមិនតែងតែឲ្យតម្លៃការបន្ទាបខ្លួនឡើយ។ នៅសម័យបុរាណ គេបានចាត់ទុកការបន្ទាបខ្លួន ជាចំណុចខ្សោយ មិនមែនគុណធម៌នោះទេ ហើយគេក៏បានឲ្យតម្លៃមកលើកិត្តិសព្ទវិញ។ គេបានលើកទឹកចិត្តមនុស្សឲ្យអួតសំញែងជោគជ័យរបស់ខ្លួន ហេតុនេះហើយ គេតែងតែព្យាយាមលើកដំកើងខ្លួនឯងជានិច្ច គឺមិនដែលបន្ទាបចុះទេ។ ការបន្ទាបខ្លួនគឺមានន័យថា ដាក់ខ្លួនឲ្យទាបជាងគេ ប្រៀបដូចជាអ្នកបម្រើ ដែលទៀបជាងចៅហ្វាយនាយអញ្ចឹងដែរ។ តែអ្នកប្រវត្តិសាស្រ្តបានមានប្រសាសន៍ថា ផ្នត់គំនិតនេះក៏បានផ្លាស់ប្តូរ នៅពេលដែលគេធ្វើគុតព្រះយេស៊ូវនៅលើឈើឆ្កាង។ កាលនោះ ព្រះដែលមានសិរីរុងរឿងជាព្រះ បានលះបង់សិរីល្អ ដើម្បីធ្វើជា “អ្នកបម្រើ” ហើយបានបន្ទាបព្រះកាយដល់អស់ព្រះជន្ម ដើម្បីសង្គ្រោះមនុស្សជាតិឲ្យរួចពីបាប(ភីលីព ២:៦-៨)។ ការបន្ទាបព្រះកាយរបស់ព្រះអង្គ បាននាំឲ្យមនុស្សមានការយល់ដឹងជាថ្មី អំពីការបន្ទាបខ្លួន។ នៅចុងសតវត្សរ៍ទី១ ដោយសារការអ្វីដែលព្រះយេស៊ូវបានធ្វើ សូម្បីតែអ្នកនិពន្ធដ៏ល្បីល្បាញដែលមិនជឿព្រះ ក៏បានចាត់ទុកការបន្ទាបខ្លួនជាគុណធម៌ផងដែរ។…

Read article

ភាពផុសផុលកើតមាន

February, នំម៉ាណាប្រចាំថ្ងៃBy Sheridan Voysey 19/02/2023

នោះបើរាស្ត្រអញ ដែលបានហៅ តាមឈ្មោះអញ … នោះអញនឹងស្តាប់ពីលើស្ថានសួគ៌។ ២របាក្សត្រ ៧:១៤ ក្រុងអារូគុនជាក្រុងតូចមួយ នៅតំបន់ខាងលិចនៃប្រទេសអូស្រ្តាលី ដែលមានជនជាតិដើមរស់នៅ ៧កុលសម្ព័ន្ធ។ ដំណឹងល្អបានមកដល់ក្រុងអារូគុនមួយសតវត្សរ៍ហើយ តែជួនកាល ប្រជាជននៅទីនោះ តែងមានការសងសឹកភ្នែកឲ្យធួននឹងភ្នែក។ កាលពីឆ្នាំ២០១៥ ភាពតានតឹងរវាងកុលសម្ព័ន្ធបានកើតមាន ហើយពេលដែលមានរឿងឃាតកម្មមួយកើតឡើង គ្រួសារជនរងគ្រោះក៏បានសងសឹក ដោយតម្រូវឲ្យមានការស្លាប់របស់នរណាម្នាក់ក្នុងគ្រួសាររបស់ឃាតករ។ តែរឿងដ៏គួរឲ្យកត់សំគាល់ក៏បានកើតឡើង នៅដើមឆ្នាំ២០១៦។ ប្រជាជនអារូគុនក៏បានចាប់ផ្តើមស្វែងរកបំណងព្រះទ័យព្រះ ដោយការអធិស្ឋាន។ ការប្រែចិត្តក៏បានកើតមាន បន្ទាប់មក មនុស្សជាច្រើនបានទទួលបុណ្យជ្រមុជទឹក ខណៈពេលដែលភាពផុសផុលបានកើតមានយ៉ាងឆាប់រហ័សក្នុងក្រុងនោះ។ ប្រជាជនមានអំណរយ៉ាងខ្លាំង បានជាពួកគេនាំគ្នារាំនៅតាមផ្លូវ ហើយគ្រួសាររបស់ជនរងគ្រោះមិនបានសងសឹកឡើយ តែផ្ទុយទៅវិញ ពួកគេក៏បានអត់ឱនទោសឲ្យគ្រួសាររបស់ឃាតករ។ មិនយូរប៉ុន្មាន មានមនុស្ស១ពាន់នាក់ បានចូលរួមថ្វាយបង្គំព្រះ ជារៀងរាល់សប្តាហ៍នៅព្រះវិហារ ក្នុងក្រុងដែលមានប្រជាជនរស់នៅតែ១៣០០នាក់ប៉ុណ្ណោះ។ យើងឃើញថា ភាពផុសផុលដូចនេះ កើតមានក្នុងព្រះគម្ពីរផងដែរ គឺដូចនៅសម័យស្តេចហេសេគា ពេលដែលហ្វូងមនុស្សងាកបែរមករកព្រះវិញ(២របាក្សត្រ ៣០) និងនៅថ្ងៃបុណ្យទី៥០ ពេលដែលមនុស្សរាប់ពាន់នាក់ បានប្រែចិត្តទទួលជឿព្រះ(កិច្ចការ ២:៣៨-៤៧)។ ភាពផុសផុលជាកិច្ចការដែលព្រះទ្រង់បានធ្វើ តាមពេលវេលាដែលព្រះអង្គបានកំណត់ តែមុននឹងមានភាពផុសផុលកើតឡើង រាស្រ្តរបស់ព្រះអង្គត្រូវតែអធិស្ឋាន។ គឺដូចដែលព្រះទ្រង់បានប្រាប់ស្តេចសាឡូម៉ូនថា “នោះបើរាស្ត្រអញ ដែលបានហៅ…

Read article

កិច្ចការថ្មីៗដែលត្រូវធ្វើ

January, នំម៉ាណាប្រចាំថ្ងៃBy Sheridan Voysey 06/01/2023

ចូរបង្កើតកូនឲ្យចំរើនជាច្រើនឡើង ឲ្យមានពេញពាសលើផែនដីចុះ។ លោកុប្បត្តិ ១:២៨ ថ្មីៗនេះ ខ្ញុំបានធ្វើការរុករកឃើញដ៏អស្ចារ្យមួយ។ ពេលខ្ញុំដើរតាមផ្លូវដីមួយខ្សែ ចូលទៅក្នុងកន្លែងដែលមានដើមឈើដុះច្រើន នៅក្បែរផ្ទះខ្ញុំ ខ្ញុំក៏បានរកឃើញកន្លែងក្មេងលេងមួយ ដែលបានលាក់កំបាំងក្នុងព្រៃ។ មានជណ្តើរធ្វើពីមែកឈើសម្រាប់ឲ្យក្មេងៗតោងឡើងកន្លែងខ្ពស់មួយ ដើម្បីមើលទេសភាព និងមានទោងមួយចំនួន ធ្វើពីខ្សែកាបចាស់ៗ ចងជាប់នឹងមែកឈើ ហើយថែមទាំងមានស្ពានយោលតូចមួយ សម្រាប់ឆ្លងពីមែកឈើមួយ ទៅមែកឈើមួយទៀត។ មាននរណាម្នាក់បានធ្វើឲ្យឈើ និងខ្សែកាបចាស់ៗ ប្រែក្លាយជាកន្លែងផ្សងព្រេងដ៏ប៉ិនប្រសប់។ លោកប៉ុល ទួន័រ(Paul Tournier) ជារូបវិទូស្វីសជឿថា ព្រះបានបង្កើតយើងមក សម្រាប់ឲ្យធ្វើដំណើរផ្សងព្រេង ព្រោះព្រះបានបង្កើតយើងមក ឲ្យមានរូបភាពដូចព្រះអង្គ(លោកុប្បត្តិ ១:២៦-២៧)។ ពីដើមឡើយ ព្រះអង្គបានធ្វើការទ្រង់ ក្នុងចក្រវាល(ខ.១-២៥) ហើយព្រះអង្គក៏បានបង្កើតមនុស្ស ដែលអាចជ្រើសរើសយកការល្អ ឬការអាក្រក់ ដោយព្រះអង្គមិនខ្លាចផលវិបាកនៅថ្ងៃក្រោយឡើយ(៣:៥-៦) ហើយខណៈពេលដែលព្រះអង្គបង្គាប់យើងថា “ចូរបង្កើតកូនឲ្យចំរើនជាច្រើនឡើង ឲ្យមានពេញពាសលើផែនដីចុះ”(១:២៨) យើងក៏បានទទួលការបណ្តាលចិត្ត ឲ្យចេះឆ្នៃប្រឌិត ហ៊ានប្រថុយ និងបង្កើតអ្វីដែលថ្មី ខណៈពេលដែលយើងគ្រប់គ្រងពិភពលោក ឲ្យមានផលផ្លែ។ ដំណើរផ្សេងព្រេងទាំងនេះ អាចមានតូច មានធំ តែដែលល្អបំផុតនោះគឺ វាអាចមានប្រយោជន៍ដល់អ្នកដទៃ។ ខ្ញុំជឿថា អ្នកបង្កើតកន្លែងក្មេងលេងក្នុងព្រៃនោះ នឹងមានមនុស្សរកកន្លែងនោះឃើញ…

Read article

ទីបន្ទាល់ដែលនាំឲ្យមានការផ្លាស់ប្តូរ

December, នំម៉ាណាប្រចាំថ្ងៃBy Sheridan Voysey 02/12/2022

កុំឲ្យអ្នកណាមើលងាយអ្នក ដោយព្រោះនៅក្មេងនោះឡើយ ចូរធ្វើជាគំរូដល់ពួកអ្នកជឿ ដោយពាក្យសំដី កិរិយាប្រព្រឹត្ត សេចក្តីស្រឡាញ់ សេចក្តីជំនឿ និងសេចក្តីបរិសុទ្ធ។ ១ធីម៉ូថេ ៤:១២ កាលពីឆ្នាំ ២០១១ បន្ទាប់ពីខ្ញុំ និងភរិយាខ្ញុំបានរៀបការរយៈពេលមួយទសវត្សរ៍ ដោយគ្មានកូន យើងក៏បានផ្លាស់ទៅរស់នៅប្រទេសក្រៅ ដើម្បីចាប់ផ្តើមជាថ្មី។ វាជាការផ្លាស់ប្តូរទីលំនៅដ៏រំភើបរីករាយ តែខ្ញុំត្រូវចាកចេញពីអាជីពជាអ្នកផ្សាយវិទ្យុ។ ខ្ញុំនឹកការងារនេះណាស់។ ខ្ញុំមានអារម្មណ៍ថាជាប់គាំងគំនិត ហើយក៏បានសុំយោបល់ ពីលោកលាម(Liam) ជាមិត្តភក្តិខ្ញុំ។ ខ្ញុំប្រាប់គាត់ត្រង់ៗថា ខ្ញុំមិនដឹងថា ព្រះទ្រង់កំពុងត្រាស់ហៅខ្ញុំឲ្យធ្វើអ្វីទៀតទេ។ គាត់ក៏បានសួរខ្ញុំថា តើខ្ញុំមិនធ្វើការនៅស្ថានីយវិទ្យុទៀតទេ? ខ្ញុំក៏បានប្រាប់គាត់ថា ខ្ញុំមិនធ្វើការជាអ្នកផ្សាយវិទ្យុទៀតទេ។ គាត់ក៏បានសួរទៀតថា “តើទំនាក់ទំនងប្តីប្រពន្ធរបស់អ្នកមានសុខទុក្ខយ៉ាងណាហើយ?” ខ្ញុំមានការភ្ញាក់ផ្អើល ពេលដែលគាត់ផ្លាស់ប្តូរប្រធានបទ ទៅជជែកអំពីជីវិតអាពាហ៍ពិពាហ៍របស់ខ្ញុំវិញ។ ខ្ញុំក៏បានប្រាប់លោកលាមថា យើងជួបរឿងដ៏ឈឺចាប់ជាមួយគ្នា តែយើងក៏ឆ្លងកាត់ទុក្ខលំបាក ដោយទំនាក់ទំនងកាន់តែជិតស្និទ្ធ។ គាត់ក៏និយាយដោយទឹកមុខញញឹមថា “ការប្ដេជ្ញាចិត្ត គឺជាចំណុចស្នូលនៃដំណឹងល្អ។ លោកិយត្រូវការគំរូនៃទំនាក់ទំនងប្តីប្រពន្ធដែលមានការប្ដេជ្ញាចិត្ត ដូចនេះឯង! អ្នកប្រហែលមិនបានដឹង អំពីឥទ្ធិពលដែលអ្នកបានបញ្ចេញមកលើអ្នកដទៃ លើសពីអ្វីដែលអ្នកបានធ្វើ ក្នុងនាមជាអ្នកជឿព្រះ”។ ពេលដែលលោកធីម៉ូថេកំពុងជួបការលំបាកក្នុងការងារបម្រើព្រះ សាវ័កប៉ុលមិនបានដាក់គោលដៅ សម្រាប់ការងាររបស់គាត់នោះទេ។ ផ្ទុយទៅវិញ គាត់បានលើកទឹកចិត្តលោកធីម៉ូថេ ឲ្យរស់នៅ…

Read article

ព្រះអង្គដើរជាមួយខ្ញុំ

November, នំម៉ាណាប្រចាំថ្ងៃBy Sheridan Voysey 28/11/2022

ព្រះគុណនៃព្រះ ដែលនាំសេចក្តីសង្គ្រោះមកដល់មនុស្សទាំងឡាយ បានលេចមកហើយ។ ទីតុស ២:១១ កាលពីរបីឆ្នាំមុន មានក្រុមចម្រៀងដំណឹងល្អមួយក្រុម បានច្រៀងបទខ្លីមានចំណងជើងថា “ព្រះយេស៊ូវដើរជាមួយខ្ញុំ”។ បទចម្រៀងដែលពួកគេបានច្រៀងនេះ ក៏បានក្លាយជាបទចម្រៀងដ៏ល្បីល្បាញ។ ទំនុកច្រៀងនៃបទចម្រៀងនេះ បានបង្កប់ទៅដោយរឿងដ៏មានអំណាចមួយ។ ក្រុមចម្រៀងនេះត្រូវបានបង្កើតឡើង ដោយតន្ត្រីករហ្សាស ឈ្មោះ ឃើទីស លុនឌី(Curtis Lundy) កាលគាត់កំពុងទទួលការព្យាបាលការញៀនថ្នាំ ក្នុងកម្មវិធីព្យាបាលមួយ។ បន្ទាប់ពីគាត់បានលើកទឹកចិត្តអ្នកផ្តាច់ថ្នាំញៀនដទៃទៀត ឲ្យរួមគ្នាបង្កើតជាក្រុមចម្រៀង ហើយគាត់បានទទួលការបណ្តាលចិត្ត ពីបទទំនុកសកលចាស់មួយបទ គាត់ក៏បាននិពន្ធបទខ្លីធ្វើជាទំនុកសកលនៃក្តីសង្ឃឹម ដល់អ្នកដែលកំពុងរស់នៅក្នុងកន្លែងព្យាបាលអ្នកញៀនថ្នាំ។ សមាជិកក្រុមចម្រៀងម្នាក់បានរៀបរាប់អំពីបទចម្រៀងនេះថា “កាលនោះ យើងកំពុងច្រៀងបទនោះ ដើម្បីជួយឲ្យជីវិតយើងបានប្រសើរឡើង។ យើងកំពុងទូលសូមព្រះយេស៊ូវឲ្យសង្គ្រោះយើង និងជួយយើងឲ្យរួចផុតពីការញៀនថ្នាំ”។ សមាជិកក្រុមម្នាក់ទៀត ក៏បានរកឃើញថា ការឈឺចាប់ដ៏រាំរៃរបស់នាងបានថយចុះ ពេលនាងច្រៀងបទចម្រៀងនោះ។ ក្រុមចម្រៀងនោះ មិនគ្រាន់តែច្រៀងនូវពាក្យពេចន៍ ដែលគេបានកត់នៅលើក្រដាស់ប៉ុណ្ណោះទេ តែថែមទាំងអធិស្ឋានតាមរយៈបទចម្រៀងនេះ សូមការប្រោសលោះពីព្រះអម្ចាស់ផងដែរ។ បទគម្ពីរ ទីតុស ២:១១-១៤ បានឆ្លុះបញ្ចាំង អំពីបទពិសោធន៍របស់ពួកគេយ៉ាងក្បោះក្បាយ។ ព្រះទ្រង់បានបង្ហាញព្រះអង្គទ្រង់ តាមរយៈព្រះគ្រីស្ទ ដើម្បីប្រទានសេចក្តីសង្រ្គោះ ដល់មនុស្សទាំងអស់(ទីតុស ២:១១)។ ជីវិតអស់កល្បជាផ្នែកមួយនៃអំណោយនៃសេចក្តីសង្រ្គោះ(ខ.១៣) ហើយព្រះទ្រង់កំពុងធ្វើការក្នុងយើង ក្នុងពេលសព្វថ្ងៃ…

Read article

ប្រព្រឹត្តចំពោះគ្នាជាបងប្អូនប្រុសស្រីក្នុងព្រះគ្រីស្ទ

October, នំម៉ាណាប្រចាំថ្ងៃBy Sheridan Voysey 27/10/2022

មនុស្សដែលក្មេងជាងអ្នក នោះទុកដូចជាប្អូនវិញ ឯស្ត្រីចាស់ៗ ទុកដូចម្តាយ ហើយពួកស្ត្រីដែលក្មេងជាងអ្នក ទុកដូចជាប្អូនដែរ ដោយសេចក្តីបរិសុទ្ធសព្វគ្រប់។ ១ធីម៉ូថេ ៥:១-២ ពេលដែលអ្នកដឹកនាំម្នាក់បានសួរខ្ញុំថា តើខ្ញុំចង់ទៅនិយាយជាមួយគាត់ នៅកន្លែងដាច់ដោយឡែកទេ ខ្ញុំក៏បានឃើញឃែរិន(Karen) កំពុងអង្គុយនៅក្នុងបន្ទប់ប្រឹក្សាផ្លូវចិត្ត ដោយភ្នែកពណ៌ក្រហម និងទឹកភ្នែកជោកថ្ពាល់។ ឃែរិនមានអាយុ៤២ឆ្នាំ។ គាត់ចង់រៀបការ ហើយបុរសម្នាក់កំពុងបង្ហាញចំណាប់អារម្មណ៍ចំពោះគាត់។ តែបុរសនោះជាចៅហ្វាយនាយរបស់គាត់ ហើយថែមទាំងមានប្រពន្ធទៀត។ បន្ទាប់ពីបងប្រុសគាត់បានធ្វើបាបគាត់ ហើយឪពុកគាត់ក៏ខ្វះសេចក្តីស្រឡាញ់ ចំពោះគាត់ គាត់ក៏បានដឹងថា គាត់ងាយនឹងរងគ្រោះដោយសារមនុស្សប្រុស។ ការមានសេចក្តីជំនឿឡើងវិញ បានផ្តល់ឲ្យគាត់នូវព្រំដែនថ្មី សម្រាប់រស់នៅ តែគាត់នៅតែចង់មានគ្រួសារ ហើយការរស់នៅដោយមិនឃើញមានបុរសណាម្នាក់ មានសេចក្តីស្រឡាញ់ពិតប្រាកដចំពោះគាត់ គឺប្រៀបដូចជាទារុណកម្មសម្រាប់អ្នក។ បន្ទាប់ពីយើងបានជជែកគ្នាហើយ ខ្ញុំ និងឃែរិនក៏បានឱនក្បាលអធិស្ឋានជាមួយគ្នា។ ហើយនៅក្នុងការអធិស្ឋានដ៏មានអំណាច ដោយស្មោះត្រង់ ឃែរិនក៏បានសារភាពនៅចំពោះព្រះ អំពីការល្បួងដែលគាត់កំពុងជួប និងបានប្ដេជ្ញាចិត្តថា នឹងឈប់មានទំនាក់ទំនងជាមួយចៅហ្វាយនាយរបស់គាត់ទៀត ហើយថ្វាយសេចក្តីប្រាថ្នារបស់គាត់ដល់ព្រះ។ គាត់ក៏បានចាកចេញពីបន្ទប់ប្រឹក្សាយោបល់ ដោយមានអារម្មណ៍ធូរស្រាលក្នុងចិត្ត។ នៅថ្ងៃនោះ ខ្ញុំក៏បាននឹកចាំ អំពីការបង្រៀនរបស់សាវ័កប៉ុល ឲ្យយើងប្រព្រឹត្តចំពោះគ្នាទៅវិញទៅមក ដូចជាបងប្អូនប្រុសស្រី ក្នុងជំនឿ(១ធីម៉ូថេ ៥:១-២)។ របៀបដែលយើងចាត់ទុកអ្នកដទៃជាអ្វីមួយ ជាកត្តាកំណត់របៀបដែលយើងទំនាក់ទំនងជាមួយពួកគេ ហើយក្នុងលោកិយដែលងាយនឹងបដិសេធន៍…

Read article

រឿងនោះមិនទាន់ចប់នៅឡើយទេ

September, នំម៉ាណាប្រចាំថ្ងៃBy Sheridan Voysey 23/09/2022

សូមឲ្យរាជ្យទ្រង់បានមកដល់ សូមឲ្យព្រះហឫទ័យទ្រង់បានសំរេចនៅផែនដី ដូចនៅស្ថានសួគ៌ដែរ។ ម៉ាថាយ ៦:១០ ពេលដែលខ្សែភាពយន្តរបស់ជនជាតិអង់គ្លេស មានចំណងជើងថា កាតព្វកិច្ចការពារប្រជាជន បានឈានចូលដល់ភាគបញ្ចប់ ទស្សនិកជនចង់ដឹងថា ការប្រយុទ្ធប្រឆាំងនឹងក្រុមឧក្រិដ្ឋជននឹងមានលទ្ធផលដូចម្តេច នៅចុងបញ្ចប់។ តែទស្សនិកជនជាច្រើនមានការខកចិត្តយ៉ាងខ្លាំង ពេលដែលភាគបញ្ចប់បានបង្ហើបឲ្យដឹងថា ការអាក្រក់នឹងឈ្នះការល្អ នៅទីបញ្ចប់។ អ្នកគាំទ្រម្នាក់បាននិយាយថា គាត់ចង់ឲ្យគេចាប់តួអង្គដែលជាមនុស្សអាក្រក់ យកទៅកាត់ទោស។ គាត់ចង់ឲ្យរឿងនេះមានការបញ្ចប់ដ៏ត្រឹមត្រូវ។ លោកភីធ័រ បឺហ្គ័រ(Peter Berger) ជាអ្នកជំនាញផ្នែកសង្គមវិទ្យា បានកត់សំគាល់ឃើញថា យើងស្រេកឃ្លានចង់បានក្តីសង្ឃឹម និងយុត្តិធម៌ គឺសង្ឃឹមថា ការអាក្រក់នឹងទទួលបរាជ័យ ហើយអ្នកធ្វើការអាក្រក់នឹងទទួលទោស។ ពិភពលោកដែលមនុស្សអាក្រក់ជាអ្នកឈ្នះ គឺបានប្រាសចាកផ្នត់គំនិតរបស់យើង ដែលចូលចិត្តគិតថា ការល្អគួរតែឈ្នះការអាក្រក់ ក្នុងពិភពលោកនេះ។ អ្នកគាំទ្រដែលកំពុងមានការខកចិត្តនោះ កំពុងតែបង្ហាញចេញនូវការស្រេកឃ្លានរបស់មនុស្សជាតិ ដោយមិនដឹងខ្លួន គឺស្រេកឃ្លានចង់ឲ្យពិភពលោកមានភាពត្រឹមត្រូវឡើងវិញ។ ក្នុងសេចក្តីអធិស្ឋានរបស់ព្រះអម្ចាស់ ព្រះយេស៊ូវបានមានបន្ទូលអំពីភាពពិតនៃការអាក្រក់។ ការអាក្រក់មិនគ្រាន់តែកើតមានរវាងមនុស្សនិងមនុស្ស ដែលតម្រូវឲ្យមានការអត់ទោសប៉ុណ្ណោះទេ(ម៉ាថាយ ៦:១២) ប៉ុន្តែ ថែមទាំងតម្រូវឲ្យមានការរំដោះ ឲ្យរួចពីការអាក្រក់ទ្រង់ទ្រាយធំទៀតផង(ខ.១៣)។ ទោះជាយ៉ាងណាក៏ដោយ ព្រះអង្គបានបង្ហាញភាពពិតនៃការអាក្រក់ គឺដើម្បីឲ្យយើងមានសង្ឃឹមឡើង។ នគរស្ថានសួគ៌ជាកន្លែងដែលគ្មានការអាក្រក់ ហើយនគរស្ថានសួគ៌កំពុងចុះមកដល់ផែនដី(ខ.១០)។ ថ្ងៃមួយ ព្រះទ្រង់នឹងជំនុំជម្រះដោយយុត្តិធម៌ នៅគ្រាចុងក្រោយ…

Read article

រកឃើញកន្លែងជ្រកកោន

September, នំម៉ាណាប្រចាំថ្ងៃBy Sheridan Voysey 07/09/2022

ដ្បិតទ្រង់បានធ្វើជាទីមាំមួនដល់មនុស្សកំសត់ទុគ៌ត ក្នុងគ្រាដែលមានទុក្ខលំបាក ជាទីជ្រកកោនឲ្យរួចពីព្យុះសង្ឃរា។ អេសាយ ២៥:៤ ខ្ញុំ និងភរិយាខ្ញុំធ្លាប់ស្នាក់នៅក្នុងសណ្ឋាគារចាស់ដ៏ស្រស់ស្អាតមួយ នៅមាត់សមុទ្រដែលមានបង្អួចកញ្ចក់ធំៗ និងជញ្ជាំងថ្នក្រាស់ៗ។ នៅពេលរសៀលថ្ងៃមួយ មានខ្យល់ព្យុះមួយបានវាយប្រហារមកលើតំបន់នោះ ធ្វើឲ្យសមុទ្រមានទឹករលកធំៗ ហើយខ្យល់បក់បោកមកត្រូវបង្អួចបន្ទប់យើង ដូចគេវាយសន្ធាប់ទ្វារទាំងកំហឹង។ តែយើងនៅតែមានសន្តិភាពក្នុងចិត្ត។ ជញ្ចាំងទាំងនោះរឹងប៉ឹងណាស់ ហើយគ្រឹះរបស់សណ្ឋាគារក៏មាំមួនណាស់ដែរ! ខណៈពេលដែលខ្យល់ព្យុះកំពុងតែបញ្ចេញកំហឹងនៅខាងក្រៅ បន្ទប់របស់យើងជាកន្លែងជ្រកកោនដ៏សុខសាន្ត។ ការនិយាយអំពីកន្លែងជ្រកកោន គឺជាប្រធានបទដ៏សំខាន់ ក្នុងព្រះគម្ពីរ ដោយព្រះទ្រង់ផ្ទាល់ជាកន្លែងជ្រកកោនដែលសុខសាន្តបំផុត។ គឺដូចដែលហោរាអេសាយបានថ្លែងថា “ដ្បិតទ្រង់បានធ្វើជាទីមាំមួនដល់មនុស្សកំសត់ទុគ៌ត ក្នុងគ្រាដែលមានទុក្ខលំបាក ជាទីជ្រកកោនឲ្យរួចពីព្យុះសង្ឃរា ជាម្លប់បាំងកំដៅ”(អេសាយ ២៥:៤)។ ម្យ៉ាងទៀត រាស្រ្តរបស់ព្រះក៏បានផ្តល់ទីជ្រកកោន ដល់អ្នកដែលត្រូវការផងដែរ ទោះនោះជាទីក្រុងពំនាក់នៅសម័យបុរាណ (ជនគណនា ៣៥:៦) ឬជាការស្វាគមន៍ដល់ “ជនបរទេស” ដែលត្រូវការជម្រកក្តី(ចោទិយកថា ១០:១៩)។ សព្វថ្ងៃនេះ យើងនៅតែអាចប្រើគោលការណ៍ដដែលនេះ ពេលណាវិបត្តិមនុស្សធម៌បានកើតឡើង ក្នុងពិភពលោកនេះ។ ក្នុងពេលបែបនោះ យើងអាចអធិស្ឋានសូមព្រះនៃទីជ្រកកោន ប្រើយើង ជារាស្រ្តព្រះអង្គ ឲ្យជួយជនងាយរងគ្រោះ ឲ្យរកឃើញកន្លែងសុវត្ថិភាព។ ខ្យល់ព្យុះដែលបានបកបោកប៉ះសណ្ឋាគារដែលពួកខ្ញុំបានស្នាក់នៅ ក៏បានស្ងប់ទៅវិញនៅពេលព្រឹកថ្ងៃបន្ទាប់ ដោយបន្សល់ទុក នូវទេសភាពសមុទ្រដ៏ស្ងប់ស្ងាត់ និងពន្លឺព្រះអាទិត្យដ៏កក់ក្តៅ ដែលធ្វើឲ្យសត្វរំពេហោះហើរលើវេហារ…

Read article

ចំណុចខុសគ្នាដែលមានប្រយោជន៍

AugustBy Sheridan Voysey 15/08/2022

ព្រមទាំងមានចិត្តសុភាព ហើយស្លូតបូតគ្រប់ជំពូកទាំងអត់ធ្មត់ ហើយទ្រាំទ្រគ្នាទៅវិញទៅមក ដោយស្រឡាញ់។ អេភេសូរ ៤:២ បន្ទាប់ពីខ្ញុំបានរៀបការជាមួយមើរីន(Merryn) បាន២២ឆ្នាំ ជួនកាល ខ្ញុំឆ្ងល់ថា តើជីវិតអពាហ៍ពិពាហ៍របស់យើង អាចដំណើរការទៅបាន ដោយរបៀបណា? ខ្ញុំជាអ្នកនិពន្ធ មើរីនជាអ្នកធ្វើស្ថិតិ។ ខ្ញុំធ្វើការជាមួយអក្សរ នាងធ្វើការជាមួយលេខ។ ខ្ញុំចង់បានភាពស្រស់ស្អាត នាងចង់បានដំណើរការ។ ដូចនេះ យើងហាក់ដូចជាមកពីពិភពពីរផ្សេងគ្នាអញ្ចឹង។ ពេលមានការណាត់ជួប មើលីនតែងតែទៅដល់មុនម៉ោង តែជួនកាល ខ្ញុំមានភាពយឺតយ៉ាវ។ ខ្ញុំចូលចិត្តសាកល្បងមុខម្ហូបថ្មីៗ ដែលមានក្នុងមីនុយ តែនាងចូលចិត្តកុម្មង់មុខម្ហូបដដែល។ បន្ទាប់ពីយើងបានទៅដល់វិចិត្រសាលប្រហែល២០នាទី ខ្ញុំទើបតែចាប់ផ្តើមដើរមើលផ្ទាំងគំនូរ ខណៈពេលដែលមើរីនបានដើរមើលចប់មុនខ្ញុំ ហើយបានទៅអង្គុយរង់ចាំខ្ញុំនៅកន្លែងញាំកាហ្វេ នៅជាន់ក្រោម ដោយមិនដឹងថា ខ្ញុំនឹងចំណាយពេលយូរប៉ុណ្ណាទៀតទេ។ យើងបានផ្តល់ឱកាសជាច្រើន ដល់គ្នាទៅវិញទៅមក ឲ្យរៀនអត់ធ្មត់។ យើងក៏មានចំណុចដែលដូចគ្នាផងដែរ ដូចជា ការចូលចិត្តប្រភេទនៃភាពកំប្លែងដូចគ្នា ការចូលចិត្តធ្វើដំណើរកម្សាន្ត និងមានជំនឿលើព្រះដូចគ្នា ដែលបានជួយឲ្យយើងអធិស្ឋាន នៅពេលដែលយើងមានជម្រើសផ្សេងគ្នា ហើយត្រូវធ្វើការលះបង់ តាមដែលចាំបាច់។ ដោយសារចំណុចដូចគ្នាទាំងនេះ ចំណុចខុសគ្នារបស់យើងថែមទំាងមានប្រយោជន៍ចំពោះទំនាក់ទំនងរបស់យើងទៀតផង។ មើលរីនបានជួយឲ្យខ្ញុំរៀនបន្ធូរអារម្មណ៍ ខណៈពេលដែលខ្ញុំជួយនាង ឲ្យចម្រើនឡើង ក្នុងការលត់ដំ ខាងវិញ្ញាណ។ ការសម្របខ្លួននឹងចំណុចខុសគ្នាដែលយើងមាន…

Read article

ព្រះអង្គត្រាស់ហៅឲ្យលូតលាស់

July, នំម៉ាណាប្រចាំថ្ងៃBy Sheridan Voysey 23/07/2022

ដ្បិតបើមានសេចក្តីទាំងនោះចំរើនឡើង ក្នុងចិត្តអ្នករាល់គ្នាហើយ នោះអ្នករាល់គ្នាមិននៅទំនេរ ឬឥតផលខាងឯដំណើរស្គាល់ព្រះយេស៊ូវគ្រីស្ទ ជាព្រះអម្ចាស់នៃយើងរាល់គ្នាឡើយ។ ២ពេត្រុស ១:៨ នៅផ្កាថ្មបំពង់ ជាសត្វដែលមានលក្ខណៈចម្លែកខុសគេ។ គេប្រទះឃើញពួកវាតោងជាប់នឹងថ្ម និងសម្បកសត្វសមុទ្រ ដោយមានរូបរាង្គ ដូចបំពង់ផ្លាស្ទីកទន់ៗ ដែលរេរាំទៅតាមចរន្តទឹករលក។ វារស់នៅដោយជីវិតដែលចាំតែទទួលចំណី ដោយស្រូបយកជីវជាតិពីទឹកសមុទ្រ គឺមានលក្ខណៈខុសគ្នាយ៉ាងខ្លាំងពីជីវិតដ៏សកម្ម កាលពួកវាទើបតែពេញវ័យ។ ក្នុងដំណាក់កាលដំបូងនៃជីវិតរបស់ផ្កាថ្មបំពង់ ពួកវាមានលក្ខណៈដូចកូនក្អុក ដោយមានខួរឆ្អឹងខ្នង និងខួរក្បាល ដែលជួយពួកវាស្វែងរកអាហារ និងជៀសចេញពីគ្រោះថ្នាក់។ ពេលវាមិនទាន់ពេញវ័យ វាធ្វើការផ្លាស់ទី ក្នុងទឹកសមុទ្រ នៅពេលថ្ងៃ ប៉ុន្តែ មានរឿងមួយកើតឡើង ពេលពួកវាពេញវ័យ។ វាក៏បានតោងជាប់ថ្ម ឈប់ផ្លាស់ទី និងលូតលាស់ទៀត។ វាក៏បានចាប់ផ្តើមរំលាយខួរក្បាលខ្លួនឯងធ្វើជាចំណី។ វាលែងមានខួរឆ្អឹងខ្នង ហើយក៏បានរស់នៅដូចរុក្ខជាតិ ដែលរេរាំចុះឡើងតាមចរន្តទឹកសមុទ្រ។ រឿងនេះ បានធ្វើឲ្យខ្ញុំនឹកចាំ អំពីសាវ័កពេត្រុស ដែលបានលើកទឹកចិត្តយើង មិនឲ្យរស់នៅបែបនេះឡើយ។ ការមានភាពពេញវ័យខាងវិញ្ញាណ គឺមានន័យថា យើងមានចំណែកជានិស្ស័យនៃព្រះ(២ពេត្រុស ១:៤) ដូចនេះ ព្រះទ្រង់បានត្រាស់ហៅអ្នក និងខ្ញុំឲ្យចម្រើនឡើង ក្នុងព្រះគុណ ក្នុងការស្គាល់ព្រះគ្រីស្ទ(៣:១៨) និងលូតលាស់ខាងវិញ្ញាណ ឲ្យមានសេចក្តីឧស្សាហ៍…

Read article

Sheridan Voysey

នំម៉ាណាប្រចាំថ្ងៃ - Daily Manna

Useful links

Contact info

[email protected]

Newsletter signup