ការផ្លាស់ប្រែ នៅពេលចុងក្រោយ
ក្នុងចំណោមចោរពីរនាក់ ដែលគេបានឆ្កាងនៅក្បែរព្រះយេស៊ូវ មានម្នាក់ដែលបានប្រែចិត្តទទួលជឿព្រះអង្គ តែបន្ទាប់មក គាត់រស់នៅបានប្រហែល១ម៉ោងទៀតប៉ុណ្ណោះ។ គាត់ក៏បានស្លាប់ តែគាត់បានផ្លាស់ប្រែហើយ។ គាត់បានរស់នៅលើឈើឆ្កាង ក្នុងនាមជាមនុស្សកើតជាថ្មី មានអាកប្បកិរិយា និងទង្វើរថ្មី។ ប៉ុន្តែ ៩៩.៩៩% នៃជីវិតគាត់ មិនបានរស់នៅឲ្យមានប្រយោជន៍ឡើយ។ ដូចនេះ តើរយៈពេលតែពីរបីម៉ោងចុងក្រោយនៃជីវិតគាត់ ដែលមានការកើតជាថ្មីនោះ មានសារៈសំខាន់ទេ?