ការលើកទឹកចិត្តដែលនាំឲ្យជីវិតផ្លាស់ប្តូរ

ឯបា​ណា​បាស គាត់​គិត​ចង់​យក​យ៉ូហាន ដែល​ហៅថា​ម៉ាកុស ទៅជាមួយ​ផង តែ​ប៉ុល​មិន​ចូលចិត្ត​នឹង​យក​គាត់​ទៅ​ទេ។ កិច្ចការ ១៥:៣៧-៣៨

កាល​លោក​ថូម៉ាស អេ​ឌី​សិន(Thomas Edison) មាន​អាយុ៧ឆ្នាំ គាត់​មិន​ចង់ទៅ​សាលា ហើយក៏​រៀន​ខ្សោយ។ ថ្ងៃមួយ គ្រូបង្រៀន​ថែមទាំង​ហៅ​គាត់​ថា មនុស្ស​វង្វេងស្មារតី​ទៀតផង។ គាត់​ក៏បាន​ប្រញាប់​រត់​ទៅផ្ទះ​វិញ។ នៅ​ថ្ងៃបន្ទាប់ ម្តាយ​របស់​គាត់ ​ជា​គ្រូបង្រៀន​ដែល​មាន​គរុកោសល្យ ក៏បាន​ទៅ​និយាយ​ជាមួយ​គ្រូ​របស់​គាត់ ហើយក៏​បានសម្រេច​ចិត្ត​បង្រៀន​គាត់​នៅ​ផ្ទះវិញ។ ដោយមាន​ជំនួយ​ពី​សេចក្តី​ស្រឡាញ់ និង​ការ​លើកទឹកចិត្ត​របស់​ម្តាយ​គាត់ (និង​ប្រាជ្ញា​ដែល​ព្រះ​ប្រទាន​គាត់) គាត់​ក៏បាន​ក្លាយជា​អ្នកច្នៃប្រឌិត​ដ៏​ល្បីល្បាញ។ ក្រោយមក គាត់​ក៏​សរសេរ អំ​ពី​អ្វីៗដែល​ម្តាយ​គាត់​បាន​ផ្តល់​ឲ្យ​គាត់ ដែល​បាន​លើកទឹកចិត្ត​គាត់​ឲ្យ​បន្តដំណើរ​ទៅមុខ​ទៀត។

ក្នុង​បទ​គម្ពីរ កិច្ចការ ជំពូក ១៥ យើង​ឃើញថា លោក​បា​ណា​បាស និង​សាវ័ក​ប៉ុល​បាន​ធ្វើការ​បម្រើ ជា​បេសកជន​ជាមួយគ្នា រហូតដល់​ពេល​មួយ​ពួក​គេ​មានការ​ខ្វែងគំនិត​គ្នា នៅក្នុង​ការសម្រេច​ចិត្ត​ថា ត្រូវ​នាំ​លោក​ម៉ាកុស​ទៅ​ជាមួយ​ឬ​អត់។ សាវ័ក​ប៉ុល​បាន​បដិសេធន៍ ព្រោះ​កាលពីមុន លោក​ម៉ាកុស​បាន​រត់ចោល​គាត់ នៅ​ស្រុក​ប៉ាម​ភី​លា​ម្តង​ហើយ(ខ.៣៦-៣៨)។ ជា​លទ្ធផល សាវ័ក​ប៉ុល និង​លោក​បា​ណា​បាស​ក៏បាន​​ធ្វើដំណើរ​តាម​ផ្លូវ​ផ្សេង​គ្នា។ សាវ័ក​ប៉ុល​យក​លោក​ស៊ីឡាស​ទៅជាមួយ ហើយ​លោកប៉ា​ណា​បាស​ក៏បាន​ទៅ​ជា​មួយ​លោក​ម៉ាកុស។ លោក​បា​ណា​បាស​​បាន​ផ្តល់​ឱកាស​លើក​ទី២ដល់​លោក​ម៉ាកុស ហើយ​ការ​លើកទឹកចិត្ត​របស់​គាត់ បាន​ជួយ​ឲ្យ​លោក​ម៉ាកុស​មាន​សមត្ថភាព​បម្រើ និង​មានជោគ​ជ័យ ក្នុង​ការងារ​បេសកកម្ម។ ក្រោយមក លោក​ម៉ាកុស​ក៏បាន​និពន្ធ​កណ្ឌ​គម្ពីរ​ម៉ាកុស ហើយ​ថែមទាំង​បាន​កម្សាន្ត​ចិត្ត​សាវ័ក​ប៉ុល ពេល​គាត់​ជាប់ពន្ធ​ធនាគា(២ធីម៉ូថេ ៤:១១)។

មនុស្សជា​ច្រើន​អាច​ក្រឡេកមក​ក្រោយ ហើយ​ប្រាប់​គេ​ថា មាន​នរណា​ខ្លះ ក្នុង​ជីវិត​យើង ដែល​បាន​លើកទឹកចិត្ត និង​ជួយ​យើង ក្នុង​ដំណើរ​ជីវិត​របស់​យើង។ ព្រះ​ទ្រង់​អាច​ត្រាស់​ហៅ​អ្នក ឲ្យ​ធ្វើ​ដូចនេះ សម្រាប់​នរណា​ម្នាក់ ក្នុង​ជីវិត​អ្នកផង​ដែរ។ តើ​អ្នក​នឹង​លើកទឹកចិត្ត​នរណា? —Alyson Kieda

តើន​រណា​មានការ​ជឿជាក់​មក​លើ​អ្នក ហើយ​បាន​ជួយ​ឲ្យ​អ្នកមាន​ជោគជ័យ? តើ​គាត់​បាន​ធ្វើអ្វី​ខ្លះ ដើម្បី​លើកទឹកចិត្ត​អ្នក?

ឱព្រះអម្ចាស់ ទូលបង្គំ​សូម​អរព្រះគុណ​ព្រះអង្គ សម្រាប់​ការ​ដើរ​ទន្ទឹម​នឹង​ទូលបង្គំ ហើយ​ដាក់​មនុស្ស​មួយចំនួន ក្នុង​ជីវិត​ទូលបង្គំ ឲ្យ​ជួយ​​​ទូលបង្គំ​ឲ្យ​មាន​លក្ខណៈ​ដូចសព្វថ្ងៃ។

គម្រោងអានព្រះគម្ពីររយៈពេល១ឆ្នាំ : ទំនុកដំកើង ៩៧-៩៩ និង រ៉ូម ១៦

Share this post:
Facebook
Twitter
LinkedIn
WhatsApp

From the same category:

More articles