ពេលដែលព្រះទ្រង់មានបន្ទូល

នោះ​ព្រះ​ទ្រង់​មាន​ព្រះបន្ទូល​ថា ចូរ​ឲ្យ​មាន​ពន្លឺ​ឡើង ដូច្នេះ ពន្លឺ​ក៏​មាន​ឡើង។ លោ​កុប្បត្តិ ១:៣

កាលពី​ឆ្នាំ១៨៧៦ លោ​កអ័​ឡិច​ស៊ែ​នឌ័រ ក្រា​ហាំ ប៊ែល(Alexander Graham Bell) ដែល​ជា​អ្នក​ឆ្នៃ​ប្រឌិត បាន​និយាយ​ពាក្យ​ដំបូង​បំផុត តាម​ទូរស័ព្ទ។ គាត់​បាន​ហៅ​លោក​ថូម៉ាស វ៉ាតសិន(Thomas Watson) ដែល​ជា​ជំនួយការ​របស់​គាត់ ដោយ​និយាយ​ថា “វ៉ាតសិន មកនេះ​មួយភ្លែត។ ខ្ញុំ​ចង់​ជួប​អ្នក”។ លោក​វ៉ាតសិន​ក៏បាន​ឮ​លោក​ប៊ែល​និយាយ​តាម​ទូរស័ព្ទ ដោយ​សម្លេង​មិនសូវ​ច្បាស់ តែ​គាត់​អាច​ស្តាប់​យល់។ ពាក្យ​សម្តី​ទីមួយ ដែល​លោក​ប៊ែល​បាន​និយាយ តាម​ខ្សែ​ទូរស័ព្ទ​បាន​បង្ហាញថា យុគសម័យ​ថ្មី​នៃ​ការ​ទំនាក់ទំនង​របស់​មនុស្ស​បាន​ចាប់ផ្តើម​ហើយ។

នៅ​ថ្ងៃទី​មួយ​នៃ​ការបង្កើត​ផ្ទៃមេឃ​និង​ផែនដី(លោកុប្បត្តិ ១:២) ព្រះ​ទ្រង់​មាន​បន្ទូល​ដំបូង​បំផុត ដែល​មាន​ចែង​ក្នុង​ព្រះគម្ពីរ​ថា “ចូរ​ឲ្យ​មាន​ពន្លឺ​ឡើង”(ខ.៣)។ ព្រះបន្ទូល​នេះ​មាន​ពេញដោយ​អំណាច​នៃ​ការបង្កើត។ ព្រះអង្គ​គ្រាន់តែ​មាន​បន្ទូល នោះ​ក៏​កើតមាន​ដូច្នោះ(ទំនុកដំកើង ៣៣:៦,៩)។ ព្រះ​ទ្រង់​មាន​បន្ទូល​ថា “ចូរ​ឲ្យ​មាន​ពន្លឺ​ឡើង” ហើយ​ពន្លឺ​ក៏​មាន​ឡើង។ ព្រះបន្ទូល​ព្រះអង្គ​បង្កើត​ឲ្យ​មានជ័យ​ជម្នះ​ភ្លាមៗ ខណៈ​ពេល​ដែល​ភាព​ងងឹត និង​ភាព​វឹកវរ​បាន​ចាញ់​ភាព​ភ្លឺត្រចះ​នៃ​ពន្លឺ និង​សណ្ដាប់​ធ្នាប់។ ពន្លឺ​ជាច​ម្លើយ​របស់​ព្រះ ចំពោះ​អំណាច​នៃ​ភាព​ងងឹត។ ហើយ​នៅពេល​ដែល​ព្រះអង្គ​បង្កើត​ពន្លឺ ព្រះអង្គ​ទត​ឃើញថា “​ល្អ​ហើយ”(លោ​កុប្បត្តិ ១:៤)។

ព្រះបន្ទូល​ដំបូង​បំផុត​របស់​ព្រះ នៅតែ​បន្ត​មានអំណាច ក្នុង​ជីវិត​របស់​អ្នកជឿ​ព្រះយេស៊ូវ​។ រៀង​​រាល់ពេល​ថ្ងៃរះ​ឡើង នៅ​ថ្ងៃ​នី​មួយៗ យើង​អាច​នឹក​ចាំ ព្រះបន្ទូល​ដែល​ព្រះអង្គ​មាន​ក្នុង​ជីវិត​យើង។ ពេល​ដែល​ភាព​ងងឹត បាន​ចាញ់​ពន្លឺ​របស់​ព្រះអង្គ ក្នុង​ន័យធៀប និង​ន័យត្រង់ ចូរ​យើង​សរសើរ​ដំកើង​ព្រះអង្គ ហើយ​ទទួលស្គាល់​ថា ព្រះអង្គ​បាន​មាន​បន្ទូល​មកកាន់​យើង ហើយក៏​ពិតជា​ទត​ឃើញ​យើង។—MARVIN WILLIAMS

ពេល​ដែល​ពន្លឺថ្ងៃ​រះ​បណ្តេញ​ភាព​ងងឹត​អន្ធការ តើ​អ្នក​នឹង​អបអរ​សេចក្តី​ស្រឡាញ់ និង​ភាព​ស្មោះត្រង់​របស់​ព្រះ ដូចម្តេច​ខ្លះ? តើ​ពន្លឺ​របស់​ព្រះ​បាន​បើកភ្នែក​អ្នក​ដូចម្តេច​ខ្លះ ឲ្យ​មើលឃើញ​ព្រះអង្គ?

ឱ​ព្រះ​ដែល​បាន​បង្កើត​ពន្លឺ ទូលបង្គំ​សូម​សរសើរ​ព្រះអង្គ ដែល​បាន​បណ្តេញ​ភាព​ងងឹត​ចេញពី​ពិភពលោក សូម​ព្រះអង្គ​បើកភ្នែក​ទូលបង្គំ​ឲ្យ​មើលទៅ​ព្រះ​វត្ត​មានព្រះអង្គ ក្នុង​ជីវិត​ទូលបង្គំ។

គម្រោងអានព្រះគម្ពីររយៈពេល១ឆ្នាំ : អេសាយ ៥០៥២ និង ១ថែ​ស្សា​ឡូ​និច ៥

Share this post:
Facebook
Twitter
LinkedIn
WhatsApp

From the same category:

More articles