តើប្រកបដោយប្រាជ្ញា ឬល្ងង់ខ្លៅ?

ដូច្នេះ កុំ​ឲ្យ​ខ្លៅល្ងង់​ឡើយ ត្រូវ​ខំ​ឲ្យ​យល់​បំណង​ព្រះហឫទ័យ​ព្រះអម្ចាស់​វិញ។ អេភេសូរ ៥:១៧

កាល​ខ្ញុំ​មាន​អាយុ១០ឆ្នាំ ខ្ញុំ​បាន​ទិញ​កាសែត​ម៉ាញេ​មួយ ពី​មិត្ត​ភក្តិ​ម្នាក់ ក្នុង​ក្រុម​យុវជន។ កាសែត​ចម្រៀង​នោះ មាន​ផ្ទុក​ទៅ​ដោយបទ​ចម្រៀង​របស់​ក្រុម​ចម្រៀង​គ្រីស្ទបរិស័ទ​សម័យ​ទំនើប។ ប៉ា​របស់ខ្ញុំ​បាន​ចម្រើន​វ័យ​ធំឡើង​ក្នុង​គ្រួសារ​កាន់សាសនា​ហិណ្ឌូ តែ​ក្រោយមក គាត់​ក៏បាន​ទទួល​ជឿ​ព្រះយេស៊ូវ​។ គាត់​មិន​គាំទ្រ​ឲ្យ​ខ្ញុំ​ស្តាប់​បទចម្រៀង​ទាំងនោះ​ទេ។ គាត់​គ្រាន់តែ​ចង់​ឲ្យ​យើង​យក​បទចម្រៀង​​ថ្វាយបង្គំ​មក​ចាក់​ស្តាប់​ក្នុង​ផ្ទះ​យើង​ប៉ុណ្ណោះ។ ខ្ញុំ​ក៏បាន​ពន្យល់​ប្រាប់​គាត់​ថា បទចម្រៀង​ទាំងនោះ​ជា​បទចម្រៀង​របស់​ក្រុម​ចម្រៀង​គ្រីស្ទាន​ទេ តែ​គាត់​នៅតែ​មិន​ផ្លាស់​ប្តូរ​គំនិត។ មួយ​រយៈ​ក្រោយមក គាត់​ក៏បាន​ប្រាប់​ខ្ញុំ​ឲ្យ​សាក​ស្តាប់​បទចម្រៀង​ទាំងនោះ​ឲ្យបាន​មួយ​សប្តាហ៍ ហើយ​ធ្វើការ​សង្កេត​មើល​ថា បទចម្រៀង​ទាំងនោះ​នាំ​ខ្ញុំ ចូល​ទៅ​ជិត​ព្រះ ឬ​នាំ​ខ្ញុំ​ឆ្ងាយ​ពី​ព្រះអង្គ។ នេះ​ជា​យោបល់​ប្រកប​ដោយ​ប្រាជ្ញា ដែល​មាន​ប្រយោជន៍។

មានរឿង​ជាច្រើន​ក្នុង​ជីវិត ដែល​យើង​អាច​ដឹង​ច្បាស់​ថា ជា​រឿង​ត្រឹមត្រូវ ឬ​ខុស តែ​ជា​ញឹកញាប់ មានរឿង​ជាច្រើន ដែល​យើង​មានការ​ពិបាក​ក្នុង​ការពិភាក្សា​គ្នា​រក​ខុស​ត្រូវ(រ៉ូម ១៤:១-១៩)។ ហេតុនេះ​ហើយ យើង​អាច​ស្វែងរក​ប្រាជ្ញា ក្នុង​ព្រះគម្ពីរ ដើម្បី​ធ្វើ​ការ​សម្រេច​ចិត្ត​ធ្វើ​អ្វី​មួយ។ សាវ័ក​ប៉ុល​បាន​លើកទឹកចិត្ត​អ្នកជឿ​ព្រះ នៅ​ទីក្រុង​អេភេសូរ​ថា “ដូច្នេះ ត្រូវ​ប្រយ័ត្ន​ដោយ​មធ្យ័ត ដែល​អ្នករាល់គ្នា​ដើរ​យ៉ាងណា កុំ​ឲ្យ​ដើរ​ដូចជា​មនុស្ស​ឥត​ប្រាជ្ញា​ឡើយ ត្រូវតែ​ដើរ​ដោយមាន​ប្រាជ្ញា​វិញ”(អេភេសូរ ៥:១៥)។ សាវ័ក​ប៉ុល​ដឹង​ថា គាត់​មិន​អាច​មាន​វត្តមាន​នៅជា​មួយ​ពួក​គេ នៅ​ទីនោះ ជា​រៀង​រហូត ឬ​ផ្តល់​យោបល់​ឲ្យ​បាន​គ្រប់ពេល​នោះ​ឡើយ។ បើ​ពួក​គេ​ចង់ “​លៃ​យក​ឱកាស​ឲ្យ​ទាន់ពេល ពីព្រោះ​សម័យនេះ​អាក្រក់​ណាស់” នោះ​ពួក​គេ​ត្រូវ “ខំ​ឲ្យ​យល់​បំណង​ព្រះហឫទ័យ​ព្រះអម្ចាស់”(ខ.១៦-១៧)។ ជីវិត​ដែល​មាន​ប្រាជ្ញា​ត្រូវ​ស្គាល់​បំណង​ព្រះទ័យ​ព្រះ ដើម្បីឲ្យ​ព្រះអង្គ​ដឹកនាំ​យើង ជាពិសេស​នៅពេល​ដែល​យើង​ត្រូវ​សម្រេចចិត្ត ក្នុង​រឿង​ដែល​ពិបាក​រកខុសត្រូវ។—GLENN PACKIAM

តើ​ធ្វើ​ដូចម្តេច​ឲ្យ​អ្នកដឹង​ច្បាស់​ថា ជម្រើស​មួយ​ណា​ប្រកបដោយ​ប្រាជ្ញា មួយ​ណា​ល្ងង់ខ្លៅ ពេល​ដែល​អ្នកធ្វើការ​សម្រេចចិត្ត? តើ​អ្នក​អាច​ស្វែងរក​ការដឹកនាំ​របស់​ព្រះ ដោយ​របៀបណា?

ឱ​ព្រះយេស៊ូវ​ សូម​ព្រះអង្គ​ជួយ​ទូលបង្គំ ឲ្យ​មានចិត្ត​ប្រកបដោយ​ប្រាជ្ញា។ សូម​ជួយ​ទូលបង្គំ ឲ្យ​រស់នៅ​តាម​របៀប​ដែល​នាំ​ទូលបង្គំ​ចូល​ទៅ​ជិត​ព្រះអង្គ​កាន់តែ​ខ្លាំង​ឡើង ជា​រៀងរាល់ថ្ងៃ។

គម្រោងអានព្រះគម្ពីររយៈពេល១ឆ្នាំ : យេរេមា ៤៦-៤៧ និង ហេព្រើរ ៦

Share this post:
Facebook
Twitter
LinkedIn
WhatsApp

From the same category:

More articles