ការអស្ចារ្យនៃថ្ងៃណូអែល
ដោយJennifer Benson Schuldt
December 18, 2022
ព្រះទ្រង់បានធ្វើវិញ ដោយចាត់ព្រះរាជបុត្រាទ្រង់ឲ្យមក មានរូបអង្គបែបដូចជាសាច់ឈាម ដែលតែងតែមានបាប ហើយដោយព្រោះអំពើបាប ក៏កាត់ទោសអំពើបាបនៅក្នុងសាច់ឈាម។ រ៉ូម ៨:៣ នៅកន្លែងលក់របស់របរចាស់ៗ ដែលគេលែងត្រូវការ ខ្ញុំបានឃើញតុក្កតារឿងកំណើតព្រះយេស៊ូវមួយឈុត នៅក្នុង ក្រដាស់ឡាំងកំពិតមួយ។ ពេលខ្ញុំរើសតុក្កតាព្រះឱរសយេស៊ូវ ខ្ញុំកត់សំគាល់ឃើញថា គេបានឆ្លាក់រូបតុក្កតានោះ យ៉ាងលម្អិតល្អណាស់។ តុក្កតានោះមិនមែនជាតុក្កតាទារកដែលមានសំពត់រំជុំវិញខ្លួន នៅសល់តែមុខ ដែលមានភ្នែកបិទនោះទេ តែជាតុក្កតាដែលមានភ្នែកបើក និងមានសំពត់រំតែពាក់កណ្តាល ដោយមានដៃលាតសន្ធឹង ប្រអប់ដៃចំហ និងម្រាមដៃលាត។ មើលទៅរូបនោះហាក់ដូចជាកំពុងនិយាយមកខ្ញុំថា “ខ្ញុំនៅទីនេះហើយ!” តុក្កតានោះគ្រាន់តែជារូបតាំងលម្អ ដែលពិពណ៌នា អំពីការអស្ចារ្យនៅថ្ងៃណូអែល ដែលព្រះទ្រង់បានចាត់ព្រះរាជបុត្រា ឲ្យយាងចុះមកផែនដី ដោយយកកំណើតជាមនុស្ស។ ពេលដែលព្រះឱរសយេស៊ូវបានចម្រើនវ័យធំឡើង ព្រះហស្តព្រះអង្គក៏បានកាន់ព្រះគម្ពីរសញ្ញាចាស់ ហើយក៏បានធ្វើការជាជាងឈើ មុនពេលព្រះរាជកិច្ចរបស់ព្រះអង្គចាប់ផ្តើម។ ព្រះហស្តព្រះអង្គក៏បានបោះជំហានយាងពីកន្លែងមួយទៅកន្លែងមួយ ដើម្បីបង្រៀន និងប្រោសឲ្យជា។ នៅចុងបញ្ចប់នៃព្រះជន្មព្រះអង្គ ព្រះហស្ត និងព្រះបាទរបស់ព្រះអង្គ ត្រូវគេដំដែកគោលជាប់នឹងឈើឆ្កាងរហូតព្រះអង្គសុគត។ ដូចនេះ ព្រះវរបិតាបាន “ចាត់ព្រះរាជបុត្រាទ្រង់ឲ្យមក មានរូបអង្គបែបដូចជាសាច់ឈាម ដែលតែងតែមានបាប ហើយដោយព្រោះអំពើបាប ក៏កាត់ទោសអំពើបាបនៅក្នុងសាច់ឈាម” រ៉ូម ៨:៣។ បើយើងទទួលយកការប្រោសលោះរបស់ព្រះយេស៊ូវ ដែលបានបង់ថ្លៃលោះយើងឲ្យរួចពីបាប ដោយការសុគតរបស់ព្រះអង្គ យើងនឹងបានរួចផុតពីចំណងនៃអំពើបាប។ ដោយសារព្រះរាជបុត្រានៃព្រះបានប្រសូត ជាទារកតូច ដើម្បីយើងរាល់គ្នា នោះយើងមានផ្លូវផ្សះផ្សាជាមួយព្រះ និងមានការធានាថា យើងនឹងមានជីវិតអស់កល្បជាមួយព្រះអង្គ។—JENNIFER BENSON SCHULDT
តើការអបអរព្រះយេស៊ូវ នៅថ្ងៃណូអែល និងការអបអររដូវកាលនៃបុណ្យណូអែល មានភាពខុសគ្នាដូចម្តេចខ្លះ?
ឱព្រះអម្ចាស់ ទូលបង្គំសូមអរព្រះគុណ សម្រាប់ការចាត់ព្រះយេស៊ូវឲ្យយាងចុះមកផែនដី ដោយប្រសូតជាមនុស្ស ដើម្បីរំដោះទូលបង្គំឲ្យរួចពីចំណងនៃអំពើបាប និងសេចក្តីស្លាប់។
For further study, read The God Who Is with Us at DiscoverySeries.org/courses/the-god-who-is-with-us/
គម្រោងអានព្រះគម្ពីររយៈពេល១ឆ្នាំ : អូបាឌា និង វិវរណៈ ៩