បើសិនជាឯងមិនព្រមជឿទេ នោះប្រាកដជាឯងមិនបានតាំងនៅជាប់ឡើយ។ អេសាយ ៧:៩
ក្រុមហ៊ុនណូគា(Nokia) បានក្លាយជាក្រុមហ៊ុនទូរស័ព្ទដែលលក់ដាច់បំផុត ក្នុងឆ្នាំ១៩៩៨ ហើយប្រាក់ចំណេញបានកើនដល់ជិត៤ពាន់លាន់ដុល្លា នៅឆ្នាំ១៩៩៩។ តែនៅឆ្នាំ២០២២ ការលក់ទូរស័ព្ទក៏បានថយចុះ ហើយមិនយូរប៉ុន្មាន ក្រុមហ៊ុនកំព្យូទ័រម៉ៃក្រូសូស(Microsoft) ក៏បានទិញយីយោទូរស័ព្ទនេះ។ កត្តាមួយ ដែលបណ្តាលឲ្យផ្នែកលក់ទូរស័ព្ទរបស់ក្រុមហ៊ុនណូគា ទទួលបរាជ័យ គឺដោយសារវប្បធម៌នៃការធ្វើការផ្អែកទៅលើការភ័យខ្លាច ដែលនាំឲ្យមានការសម្រេចចិត្តខុស ដែលបណ្តាលឲ្យមានការខាតបង់ធ្ងន់ធ្ងរ។ ពួកអ្នកគ្រប់គ្រងរបស់ក្រុមហ៊ុននេះ ខ្លាចគេបណ្តេញចេញពីការងារ បានជាពួកគេមានការស្ទាក់ស្ទើរ នៅក្នុងការនិយាយការពិត អំពីប្រព័ន្ធដំណើរការរបស់ទូរស័ព្ទណូគា ដែលអន់ជាងទូរស័ព្ទដទៃ និងបញ្ហានៃការរចនាដទៃទៀត។
ស្តេច អេហាស របស់នគរយូដា និងរាស្ត្រទ្រង់មានការភ័យខ្លាច “ប្រៀបដូចជាដើមឈើនៅព្រៃដែលត្រូវខ្យល់បក់”(អេសាយ ៧:២)។ ពួកគេដឹងថា ស្តេចរបស់ពួកអ៊ីស្រាអែល និងស្តេចសាសន៍ស៊ីរីបានពួតដៃគ្នា លើកទ័ពមកវាយកាន់កាប់នគរយូដា(ខ.៥-៦)។ ព្រះទ្រង់ប្រើហោរាអេសាយ ឲ្យលើកទឹកចិត្តស្តេចអេហាស ដោយទូលទ្រង់ថា ផែនការរបស់សត្រូវទ្រង់នឹងទទួលជោគជ័យឡើយ(ខ.៧) តែស្តេចដ៏ល្ងង់ខ្លៅនោះ ក៏បានសម្រេចព្រះទ័យចងសម្ព័ន្ធមិត្តជាមួយចក្រភពអាស៊ើរ ហើយចុះចូលនឹងស្តេចនៃប្រទេសមហាអំណាចនេះ(២ពង្សាវតាក្សត្រ ១៦:៧-៨)។ ទ្រង់មិនបានទុកចិត្តព្រះ ដែលបានប្រកាសថា “បើសិនជាឯងមិនព្រមជឿទេ នោះប្រាកដជាឯងមិនបានតាំងនៅជាប់ឡើយ” (អេសាយ ៧:៩)។
អ្នកនិពន្ធកណ្ឌគម្ពីរហេព្រើរ បានជួយយើងឲ្យពិចារណា អំពីការឈរមាំមួន ក្នុងជំនឿយ៉ាងដូចនេះថា “ត្រូវឲ្យយើងរាល់គ្នាកាន់ខ្ជាប់ តាមសេចក្តីបន្ទាល់របស់សេចក្តីសង្ឃឹមនោះ ឥតរវើរវាយ ដ្បិតព្រះដែលបានសន្យានោះ ទ្រង់ស្មោះត្រង់”(១០:២៣)។ ចូរយើងបន្តមមុលទៅមុខ ហើយកុំ “ថយទៅវិញ” (ខ.៣៩) ខណៈពេលដែលព្រះវិញ្ញាណបរិសុទ្ធប្រទានកម្លាំងយើង ឲ្យទុកចិត្តព្រះយេស៊ូវ។—TOM FELTEN
តើអ្នកបានជួបញ្ហាប្រឈម ក្នុងជំនឿរបស់អ្នក នៅពេលណា? តើព្រះទ្រង់បានលើកទឹកចិត្តអ្នក ឲ្យឈរមាំមួនដូចម្តេចខ្លះ?
ឱព្រះវរបិតា សូមព្រះអង្គជួយទូលបង្គំ ឲ្យឈរមាំមួន ខណៈពេលដែលព្រះអង្គជួយទូលបង្គំឲ្យទុកចិត្តព្រះអង្គ។
To learn more about walking faithfully with God, visit ODBU.org/NT050.
គម្រោងអានព្រះគម្ពីររយៈពេល១ឆ្នាំ : យ៉ូណាស ១-៤ និង វិវរណៈ ១០
