អំណាចនៃព្រះបន្ទូលព្រះ
ដោយXochitl Dixon
December 24, 2022
នោះពាក្យអញ ដែលចេញពីមាត់អញទៅ ក៏មិនដែលវិលមកឯអញវិញ ដោយឥតកើតផលយ៉ាងដូច្នោះដែរ។ អេសាយ ៥៥:១១ នៅពេលល្ងាច មុនពេលថ្ងៃបុណ្យណូអែល នៅ ឆ្នាំ១៩៦៨ លោកហ្វ្រែង ប៊រមែន(Frank Borman) លោកជីម ឡូវែល(Jim Lovell) និងលោកប៊ីល អ៊ែនឌ័រ(Bill Anders) បានក្លាយជាមនុស្សដំបូងបំផុត ដែលបានចូលទៅក្នុងគន្លងហោះហើរជុំវិញស្ថានព្រះច័ន្ទ។ ពេលដែលពួកគេបានហោះហើរក្រឡឹងជំវិញស្ថានព្រះចន្ទបាន១០ដង ពួកគេក៏បានចែករំលែករូបថតស្ថានព្រះចន្ទ និងផែនដី ដែលពួកគេថតបាន។ ក្នុងអំឡុងពេលផ្សាយបន្តផ្ទាល់តាមទូរទស្សន៍ ពួកគេក៏បានអាចបទគម្ពីរលោកុប្បត្ដិ ជំពូក១ ម្តងម្នាក់។ នៅក្នុងការអបអរខួបទី៤០ លោកប៊រមែនក៏បានមានប្រសាសន៍ថា “កាលនោះ គេបានប្រាប់យើងថា នៅពេលល្ងាច មុនថ្ងៃណូអែល យើងនឹងមានចំនួនអ្នកស្តាប់តាមរលកធាតុអាកាសច្រើនបំផុត ក្នុងប្រវត្តិសាស្ត្រ។ ហើយអង្គការណាសាគ្រាន់តែបានណែនាំយើងឲ្យនិយាយអ្វីដែលត្រឹមត្រូវប៉ុណ្ណោះ”។ ដូចនេះ ពួកគេក៏បានសម្រេចចិត្តអានខគម្ពីរនោះ ដែលនៅតែបានដាំគ្រាប់ពូជនៃសេចក្តីពិត ក្នុងចិត្តរបស់មនុស្សជាច្រើន ដែលបានស្តាប់ការចាក់ផ្សាយជាប្រវត្តិសាស្ត្រនោះ។ ព្រះទ្រង់បានមានបន្ទូល តាមរយៈហោរាអេសាយថា “ចូរឱនត្រចៀក ហើយមកឯអញ ចូរស្តាប់ចុះ នោះព្រលឹងឯងនឹងបានរស់នៅ”(អេសាយ ៥៥:៣)។ ព្រះអង្គបានបង្ហាញនូវការប្រទានសេចក្តីសង្គ្រោះដោយឥតគិតថ្លៃ ដើម្បីអញ្ជើញយើង ឲ្យងាកបែរពីបាប និងទទួលសេចក្តីមេត្តា និងការអត់ទោសបាបពីព្រះអង្គ(ខ.៦-៧)។ ព្រះអង្គបានប្រកាសអំពីអំណាច នៃព្រះប្រាជ្ញាញាណ និងកិច្ចការដែលព្រះអង្គបានធ្វើ ដែលមានភាពធំធេងពេក មិនអាចឲ្យយើងយល់បានទាំងស្រុង(ខ.៨-៩)។ ប៉ុន្តែ ព្រះអង្គបានប្រទានយើង នូវឱកាសចែកចាយព្រះបន្ទូលដែលធ្វើឲ្យជីវិតផ្លាស់ប្រែ ដែលចង្អុលបង្ហាញយើងឲ្យងាកទៅរកព្រះយេស៊ូវ ហើយបញ្ជាក់ថា ព្រះអង្គមានការទទួលខុសត្រូវ ចំពោះការលូតលាស់របស់រាស្ត្រព្រះអង្គ(ខ.១០-១៣)។ ព្រះវិញ្ញាណបរិសុទ្ធជួយយើង ឲ្យផ្សាយដំណឹងល្អ ខណៈពេលដែលព្រះវរបិតាសម្រេចព្រះបន្ទូលសន្យាព្រះអង្គ តាមផែនការ ដោយល្បឿនដ៏ឥតខ្ចោះ។—XOCHITL DIXON តើអ្នកចង់ចែកចាយខគម្ពីរដល់នរណាខ្លះ នៅថ្ងៃនេះ? តើនរណាជាមនុស្សទីមួយ ដែលបានចែកចាយខគម្ពីរជាមួយអ្នក? ឱព្រះអាទិករ និងព្រះទ្រទ្រង់ពិភពលោក ដ៏មានចេស្ដា សូមព្រះអង្គប្រទានទូលបង្គំ នូវឱកាសចែកចាយប្រាជ្ញារបស់ព្រះអង្គ ជារៀងរាល់ថ្ងៃ។ For further study, read Knowing God through the Whole Bible at DiscoverySeries.org/SB001. គម្រោងអានព្រះគម្ពីររយៈពេល១ឆ្នាំ : ហាបាគុក ១៣ និង វិវរណៈ ១៥