សារៈសំខាន់នៃការស្តាប់តាមព្រះបន្ទូល
ដោយJames Banks
March 3, 2023
យ៉ូសៀសមិនព្រមថយ បែរចេញពីនេកោទេ គឺបានក្លែងព្រះអង្គដើម្បីឲ្យបានច្បាំងនឹងទ្រង់វិញ ឥតស្តាប់តាមពាក្យរបស់នេកោ ដែលមកពីព្រះឱស្ឋនៃព្រះឡើយ។ ២របាក្សត្រ ៣៥:២២ កាលខ្ញុំបើកឡានទៅរៀននៅមហាវិទ្យាល័យ ហើយត្រឡប់មកផ្ទះវិញ ផ្លូវទៅកាន់ផ្ទះរបស់ខ្ញុំ នៅវាលរហោស្ថានហាក់ដូចជាគួរឲ្យធុញទ្រាន់ក្នុងការបើកបរ។ ដោយសារផ្លូវថ្នល់នោះវែង ហើយត្រង់ ខ្ញុំបានបើកលើសល្បឿន ពីរបីដងហើយ។ ពីដំបូង ប៉ូលិសដែលល្បាតតាមផ្លូវធំ បានព្រមានខ្ញុំ។ បន្ទាប់មក ខ្ញុំក៏បានទទួលសំបុត្រផាកពិន័យ។ ក្រោយមក ខ្ញុំក៏បានទទួលការផាកពិន័យជាលើកទីពីរ នៅកន្លែងដដែល។ ការបដិសេធន៍មិនព្រមតាមស្តាប់ការណែនាំ អាចនាំឲ្យមានផលវិបាកដ៏សោកសៅ។ យើងឃើញគំរូដ៏សោកសៅនេះ នៅក្នុងព្រះជន្មរបស់ស្តេចយ៉ូសៀស ដែលជាស្តេចល្អ និងស្មោះត្រង់។ កាលស្តេចអេស៊ីព្ទ ព្រះនាមនេកោ ដឹកនាំទ័ពឆ្លងកាត់ទឹកដីនគរយូដា ដើម្បីទៅជួយសាសន៍អាសស៊ើរច្បាំងចក្រភពបាប៊ីឡូន ស្តេចយ៉ូសៀសក៏បានចេញទៅស្ទាក់។ ស្តេចនេកោក៏បានចាត់អ្នកនាំសារ ទៅប្រាប់ស្តេចយូសៀសថា “ព្រះក៏បានបង្គាប់ឲ្យយើងប្រញាប់នឹងធ្វើដែរ ដូច្នេះ កុំឲ្យឃាត់ឃាំងព្រះ ដែលគង់ជាមួយនឹងយើងឡើយ ក្រែងព្រះបំផ្លាញទ្រង់ទៅ”(២របាក្សត្រ ៣៥:២១)។ ព្រះទ្រង់ពិតជាបានចាត់ស្តេចនេកោឲ្យទៅមែន តែស្តេចយ៉ូសៀសមិនបាន “ស្តាប់តាមពាក្យរបស់នេកោ ដែលមកពីព្រះឱស្ឋនៃព្រះឡើយ ហើយយាងទៅច្បាំងនៅត្រង់ច្រកភ្នំមេគីដោ”(ខ.២២)។ ស្តេចយ៉ូសៀសក៏បានរបស់ធ្ងន់ ក្នុងសង្រ្គាមនោះ ហើយពួកយូដា និងពួកក្រុងយេរូសាឡិមទាំងអស់គ្នាក៏កាន់ទុក្ខស្តេចយ៉ូសៀស(ខ.២៤)។ ស្តេចយ៉ូសៀសស្រឡាញ់ព្រះ។ ទីបំផុតទ្រង់ក៏បានជ្រាបថា ការធ្វើអ្វីៗតាមចិត្តខ្លួនឯង ដោយមិនបានចំណាយពេលស្តាប់ព្រះអង្គ ឬប្រាជ្ញាព្រះអង្គ តាមរយៈអ្នកដទៃ នាំឲ្យទ្រង់ទទួលលទ្ធផលអាក្រក់។ សូមព្រះអង្គជួយយើង ឲ្យបន្ទាបខ្លួន ដើម្បីឲ្យយើងពិនិត្យមើលខ្លួនយើង ហើយទទួលប្រាជ្ញាព្រះអង្គ ដាក់នៅក្នុងចិត្ត។—JAMES BANKS
តើអ្នកត្រូវការប្រាជ្ញារបស់ព្រះ ដើម្បីអ្វីខ្លះ ក្នុងជីវិតអ្នក? តើអ្នកនឹងស្តាប់តាមព្រះអង្គ យ៉ាងដូចម្តេចខ្លះ នៅថ្ងៃនេះ?
ឱព្រះដ៏មានប្រាជ្ញា និងសេចក្តីស្រឡាញ់ សូមព្រះអង្គជួយទូលបង្គំឲ្យបន្ទាបខ្លួន និងស្តាប់តាមប្រាជ្ញារបស់ព្រះអង្គ នៅថ្ងៃនេះ។ ទូលបង្គំសូមអរព្រះគុណព្រះអង្គ ព្រោះពេលណាទូលបង្គំទូលសូមប្រាជ្ញា ព្រះអង្គតែងតែប្រទាន “ដោយសុទ្ធា ឥតបន្ទោស”ឡើយ(យ៉ាកុប ១:៥)។
To learn more lessons from the kings of Israel, visit ODBU.org/ML102.
គម្រោងអានព្រះគម្ពីររយៈពេល១ឆ្នាំ : ជនគណនា ៣១-៣៣ និង ម៉ាកុស ៩:១-២៩