សេចក្តីដែលយើងខ្ញុំបានឃើញ ហើយឮនោះ យើងខ្ញុំប្រាប់មកអ្នករាល់គ្នា ដើម្បីឲ្យអ្នករាល់គ្នាមានសេចក្តីប្រកបនឹងយើងខ្ញុំដែរ។ ១យ៉ូហាន ១:៣
លោករ៉ូបឺត ថុដ លីនខិន(Robert Todd Lincoln) ជាកូនប្រុសរបស់លោកប្រធានាធិបតីអាមេរិក អ័ប្រាហាំ លិនខិន(Abraham Lincoln) មានវត្តមាន នៅក្នុងហេតុការណ៍សំខាន់ៗបី ដែលមានដូចជា ការស្លាប់របស់ឪពុកគាត់ ក៏ដូចជាការធ្វើឃាតលោកប្រធានាធិបតី ចេមស៍ ហ្គាហ្វៀល(James Garfield) និងលោក វីលៀម មែកឃីនលេយ(William McKinley)។
ប៉ុន្តែ សូមយើងពិចារណា អំពីវត្តមានរបស់សាវ័កយ៉ូហាន នៅក្នុងព្រឹត្តិការណ៍ប្រវត្តិសាស្ត្រសំខាន់បំផុតទាំង៤ ដែលមានដូចជា ពិធីលៀងព្រះអម្ចាស់ចុងក្រោយរបស់ព្រះយេស៊ូវ ការឈឺចាប់ព្រះទ័យព្រះគ្រីស្ទ នៅសួនច្បារកេតសេម៉ានី ការសុគតរបស់ព្រះអង្គនៅលើឈើឆ្កាង និងការមានព្រះជន្មរស់ឡើងវិញ។ លោកយ៉ូហានដឹងថា ការធ្វើបន្ទាល់ចំពោះព្រឹត្តិការណ៍ទាំងនេះ គឺជាមូលហេតុធំបំផុត ដែលព្រះទ្រង់ឲ្យគាត់មានវត្តមានក្នុងព្រឹត្តិការណ៍ទាំងនោះ។ ក្នុងបទគម្ពីរ យ៉ូហាន ២១:២៤ គាត់បានសរសេរថា “គឺសិស្សនោះឯង ដែលធ្វើបន្ទាល់ពីសេចក្តីទាំងនេះ ព្រមទាំងចែងរឿងទាំងនេះទុកផង យើងរាល់គ្នាដឹងថា សេចក្តីបន្ទាល់របស់គាត់ នោះពិតហើយ”។
លោកយ៉ូហានបានធ្វើការបញ្ជាក់យ៉ាងដូចនេះ ម្តងទៀត ក្នុងកណ្ឌគម្ពីរសំបុត្រ យ៉ូហាន ខ្សែទី១ថា “ឯសេចក្តីដែលមានតាំងពីដើមមក ដែលយើងខ្ញុំបានឮ ហើយភ្នែកបានឃើញ ក៏បានមើល ហើយដៃបានប៉ះពាល់ ខាងឯព្រះបន្ទូលនៃជីវិត”(១:១)។ លោកយ៉ូហានបានដឹងថា គាត់មានភារៈកិច្ចចែកចាយទីបន្ទាល់ អំពីព្រះយេស៊ូវ។ តើហេតុអ្វី? គាត់ថា “សេចក្តីដែលយើងខ្ញុំបានឃើញ ហើយឮនោះ យើងខ្ញុំប្រាប់មកអ្នករាល់គ្នា ដើម្បីឲ្យអ្នករាល់គ្នាមានសេចក្តីប្រកបនឹងយើងខ្ញុំដែរ”(ខ.៣)។
ហេតុការណ៍ក្នុងជីវិតយើងអាចមានលក្ខណៈគួរឲ្យភ្ញាក់ផ្អើល តែក្នុងករណីទាំងពីរនេះ ព្រះទ្រង់បានរៀបចំហេតុការណ៍ទាំងនោះ ដើម្បីឲ្យយើងអាចធ្វើបន្ទាល់អំពីព្រះអង្គ។ ខណៈពេលដែលយើងសម្រាកក្នុងព្រះគុណ និងប្រាជ្ញារបស់ព្រះគ្រីស្ទ ចូរយើងថ្លែងប្រាប់អំពីព្រះអង្គ សូម្បីតែក្នុងពេលដែលគួរឲ្យភ្ញាក់ផ្អើលបំផុតក្នុងជីវិតយើងក៏ដោយ។—BILL CROWDER
តើអ្នកមានទីបន្ទាល់អ្វីខ្លះ ដែលចង់ចែកចាយអំពីព្រះយេស៊ូវ ដល់អ្នកដទៃ?
តើអ្នកនឹងចែកចាយរឿងរបស់អ្នកជាមួយនរណាម្នាក់ ដែលត្រូវការឮអំពីសេចក្តីស្រឡាញ់របស់ព្រះ យ៉ាងដូចម្តេចខ្លះ?
ឱព្រះយេស៊ូវ សូមព្រះអង្គជួយទូលបង្គំ ឲ្យចេះប្រើឱកាស ដែលទូលបង្គំអាចចែកចាយដល់អ្នកដទៃថា ព្រះអង្គស្រឡាញ់ទូលបង្គំខ្លាំងប៉ុណ្ណា។
For further study, see Gospel Conversations: Sharing the Story of Jesus at DiscoverySeries.org/HP185.
គម្រោងអានព្រះគម្ពីររយៈ១ឆ្នាំ : ១របាក្សត្រ ១៦-១៨ និង យ៉ូហាន ៧:២៨-៥៣
