យ៉ូហាន ១:៩-១៣
ប៉ុន្តែអស់អ្នកណាដែលទទួលទ្រង់ គឺអស់អ្នកដែលជឿដល់ព្រះនាមទ្រង់ នោះទ្រង់បានប្រទានអំណាច ឲ្យបានត្រឡប់ជាកូនព្រះ។ យ៉ូហាន ១:១២
មានពេលមួយ លោកចេយ ស្បេត(Jay Speights) ជាអ្នកក្រុងរ៉ក់ វីល រដ្ឋម៉ារីឡិន ទៅធ្វើតេស្តឌីអិនអេ ហើយក៏បានទទួលលទ្ធផលដែលគាត់មិនដែលនឹកស្មានដល់។ គេបានពិនិត្យឌីអិនអេរបស់គាត់ រកឃើញថា គាត់ជាបុត្រារបស់ស្តេចរបស់ប្រទេសបេនីន នៅភាគខាងលិចនៃទ្វីបអាហ្វ្រិក។ មិនយូរប៉ុន្មាន គាត់ក៏បានឡើងជិះយន្តហោះ ទៅលេងប្រទេសនោះ។ ពេលគាត់ទៅដល់ រាជវង្សានុវង្សរបស់ស្តេចក៏បានមកទទួលស្វាគមន៍គាត់ ដោយធ្វើពិធីជប់លៀងធំមួយ សម្រាប់ការវិលត្រឡប់មកផ្ទះវិញ ដែលមានការរាំច្រៀង ការលើកប៉ដា និងការដើរដង្ហែក្បួនជាដើម។
ព្រះយេស៊ូវបានយាងចុះមកផែនដី ដើម្បីប្រកាសដំណឹងល្អនៃសេចក្តីសង្គ្រោះ។ ព្រះអង្គបានយាងមករករាស្រ្តព្រះអង្គ ជាប្រជាជនអ៊ីស្រាអែល ដើម្បីប្រទានពួកគេនូវដំណឹងល្អ និងបង្ហាញផ្លូវឲ្យពួកគេចេញពីភាពងងឹត។ មនុស្សជាច្រើនមិនបានអើពើចំពោះព្រះរាជសារព្រះអង្គទេ ដោយបានបដិសេធន៍ព្រះអង្គ ដែលជា “ពន្លឺពិតប្រាកដ”(យ៉ូហាន ១:៩) ហើយមិនព្រមទទួលស្គាល់ព្រះអង្គជាព្រះមែស៊ី(ខ.១១)។ ប៉ុន្តែ ការមិនជឿ និងការមិនអើពើ មិនមែនជាការឆ្លើយតប របស់មនុស្សគ្រប់គ្នានៅសម័យនោះទេ។ អ្នកខ្លះក៏បានបន្ទាបខ្លួន ទទួលការអញ្ជើញរបស់ព្រះគ្រីស្ទ ដោយអំណរ ដោយទទួលយកព្រះអង្គ ជាដង្វាយលោះបាបដែលព្រះទ្រង់បានប្រទាន ហើយក៏បានទទួលជឿព្រះនាមព្រះអង្គ។ អស់អ្នកដែលនៅសល់ពីមនុស្សដែលបដិសេធន៍ព្រះអង្គ គេមានចិត្តភ្ញាក់ផ្អើលពេលដែលបានទទួលដំណឹងថា “ព្រះអង្គប្រទានអំណាចឲ្យពួកគេធ្វើជាកូនព្រះ”(ខ.១២) គឺក្លាយជាកូនរបស់មហាក្សត្រ តាមរយៈការកើតជាថ្មីខាងវិញ្ញាណ។
ពេលណាយើងងាកបែរចេញពីបាប និងសេចក្តីងងឹត ទទួលជឿព្រះយេស៊ូវជាព្រះអម្ចាស់ និងព្រះអង្គសង្គ្រោះរបស់យើង យើងនឹងបានដឹងថា យើងជាកូនព្រះ ដែលព្រះអង្គបានទទួលជាកូនចិញ្ចឹម ក្នុងមហាគ្រួសារនៃក្សត្រនៅស្ថានដ៏ខ្ពស់បំផុត។ ចូរយើងអរសប្បាយនឹងព្រះពរ ខណៈពេលដែលយើងរស់នៅ ដោយការទទួលខុសត្រូវ ជាកូនរបស់ស្តេចលើអស់ទាំងស្តេច។—Marvin Williams
តើការរស់នៅជាកូនព្រះ នាំមកនូវការផ្លាស់ប្តូរយ៉ាងណាសម្រាប់អ្នក? តើអ្នកអាចរស់នៅឲ្យសមឋានៈ និងការទទួលខុសត្រូវជាកូនព្រះអង្គ ដូចម្តេចខ្លះ ក្នុងសប្តាហ៍នេះ?
ឱព្រះវរបិតា ទូលបង្គំសូមអរព្រះគុណព្រះអង្គ ដែលបានអញ្ជើញទូលបង្គំចូលក្នុងមហាគ្រួសារនៃក្សត្រខាងវិញ្ញាណ តាមរយៈការសុគតរបស់ព្រះយេស៊ូវនៅលើឈើឆ្កាង។
Learn more here: ODB.org/personal-relationship-with-god.
គម្រោងអានព្រះគម្ពីររយៈពេល១ឆ្នាំ: សុភាសិត ៨-៩ និង ២កូរិនថូស ៣
