ការថ្លែងអំណរគុណ (សៀវភៅសេចក្ដីពិតសម្រាប់ជីវិត)
ដោយAlistair Begg
December 31, 2025
មុនពេលឃ្លា «សេចក្តីពិតសម្រាប់ជីវិត» បានក្លាយជាចំណងជើងរបស់សៀវភៅនេះ ដែលសម្រាប់អានព្រះបន្ទូលប្រចាំថ្ងៃ ពាក្យមួយឃ្លានេះ គឺជាឈ្មោះកម្មវិធីបង្រៀនព្រះគម្ពីរប្រចាំថ្ងៃ និងអង្គការគ្រីស្ទបរិស័ទ មានមូលដ្ឋាននៅភាគឦសាននៃរដ្ឋអូហៃយ៉ូ។ បើមិនមែនដោយសារក្រុមការងារនៅអង្គការ «សេចក្តីពិតសម្រាប់ជីវិត» ទេ នោះគម្រោងនេះក៏មិនបានចេញជារូបរាងដែរ។ ខ្ញុំសូមថ្លៃអំណរគុណជាពិសេស ចំពោះអ្នកស្រី អាលីសា ឆែក (Alyssa Scheck) ខុនស្ទិន ប្រែននុន បូរីង (Constance Brannon Boring) ខេតនី (Kate Nees) ខេធី ធូមីណូ (Katie Tumino) និង ម៉ាត ដាមីកូ (Matt Damico) ដែលបានធ្វើជាជំនួយការក្នុងការនិពន្ធសៀវភៅនេះ និងលោក អ័ដាម ម៉ាស៊ល (Adam Marshall) ដែលបានប្រើជំនាញក្នុងដំណើរការនៃការកែសម្រួលទាំងមូល។ ជាចុងក្រោយ ខ្ញុំក៏មិនភ្លេចថ្លែងអំណរគុណជាពិសេស ដល់លោក បប់ បាត់ (Bob Butts) ដែលបានលើកទឹកចិត្តខ្ញុំឲ្យធ្វើការតែងនិពន្ធដូចនេះ តាំងពីយូរមកហើយ ហើយសព្វថ្ងៃនេះ សៀវភៅនេះក៏បានចេញជារូបរាងមក។ គាត់បានពិនិត្យមើលទំព័រនីមួយៗ ហើយក៏បានផ្តល់ឲ្យនូវមតិយោបល់ដ៏មានប្រយោជន៍ ហើយទន្ទឹមនឹងនោះ គាត់ក៏បានដឹកនាំដំណើរនៃអង្គការសេចក្តីពិតសម្រាប់ជីវិតជារៀងរាល់ថ្ងៃផងដែរ។
ខ្ញុំក៏សូមថ្លែងអំណរគុណ ក្រុមហ៊ុនបោះពុម្ពផ្សាយ The Good Book Company និងជាពិសេសអ្នកកែសម្រួលអត្ថបទរបស់ខ្ញុំ គឺលោក ខាល ឡាហ្វឺតុន (Carl Laferton)។ ខ្ញុំមានអំណរណាស់ ដែលបានធ្វើការជាមួយអ្នកទាំងអស់គ្នា ជាបងប្អូនប្រុសស្រីក្នុងព្រះគ្រីស្ទ។