ទ្រង់បានចាត់ពីលើស្ថានដ៏ខ្ពស់មក ចាប់ស្រង់ទូលបង្គំចេញពីទឹកធំ។ ទំនុកដំកើង ១៨:១៦
កាលពីខែសីហា ឆ្នាំ២០២១ ភ្លៀងបានធ្លាក់ចុះមកយ៉ាងខ្លាំង ក្នុងតំបន់វេវើលី រដ្ឋថេនីស៊ី។ បើធៀបនឹងកំរិតទឹកភ្លៀងដែលគេបានព្យាករណ៍ គឺទឹកភ្លៀងដែលបានធ្លាក់មកមានកំរិតច្រើនជាង៣ដង។ បន្ទាប់ពីមានព្យុះភ្លៀងដ៏ខ្លាំងនៅថ្ងៃនោះ មនុស្ស២០នាក់បានបាត់បង់ជីវិត ហើយផ្ទះសម្បែងរាប់រយខ្នងបានទទួលរងការបំផ្លិចបំផ្លាញ។ បើមិនមែនដោយសារការអាណិត និងជំនាញរបស់លោកចូល បូយ័រ(Joel Boyers) ជាអ្នកបើកឧទ្ធម្ភាគចក្រទេ នោះអាចមានមនុស្សស្លាប់ច្រើនជាងនេះទៀត។
អ្នកបើកបររួបនោះ បានបើកឧទ្ធម្ភាគចក្រ បន្ទាប់ពីស្ត្រីម្នាក់បានទូរស័ព្ទមកគាត់ ដោយការព្រួយបារម្ភអំពីមនុស្សជាទីស្រឡាញ់របស់ខ្លួន។ លោកបូយ័របានកត់សំគាល់ឃើញថា ក្រៅពីឃើញមានផ្ទះត្រូវភ្លើងឆេះ និងឡានទើរនៅលើដើមឈើ គាត់មើលឃើញទឹកជន់ជោរ ដែលមានភក់ច្រើន។ ទោះជាយ៉ាងណាក៏ដោយ អ្នកបើកឧទ្ធម្ភាគចក្ររូបនេះក៏បានឃើញមនុស្ស១២នាក់កំពុងជាប់នៅលើដំបូលផ្ទះ ហើយក៏បានចាប់ផ្តើមជួយសង្គ្រោះពួកគេ ដោយចិត្តក្លាហាន។
ជាញឹកញាប់ ជាបញ្ហាធំៗដែលយើងជួបប្រទះក្នុងជីវិត ប្រៀបដូចជាខ្យល់ព្យុះ ដែលនាំឲ្យមានទឹកជន់លិច។ ក្នុងថ្ងៃដែលមិនមានភាពច្បាស់លាស់ និងគ្មានភាពនឹងនរ យើងអាចមានអារម្មណ៍ថា ពិបាកពេក ឬមិនមានសុវត្ថិភាព ខាងផ្លូវអារម្មណ៍ ផ្លូវចិត្ត និងផ្លូវវិញ្ញាណ។ តែយើងមិនត្រូវអស់សង្ឃឹមឡើយ។
ក្នុងបទគម្ពីរទំនុកដំកើង ជំពូក១៨ យើងឃើញថា ខ្មាំងសត្រូវរបស់ស្តេចដាវីឌមានគ្នាច្រើន ហើយក៏ខ្លាំងពូកែ តែព្រះទ្រង់ខ្លាំងពូកែជាង? តើខ្លាំងពូកែប៉ុណ្ណា? គឺខ្លាំងពូកែណាស់(ខ.១) បានជាស្តេចដាវីឌពិពណ៌នា អំពីព្រះអង្គ ដោយប្រើន័យធៀប(ខ.២)។ ព្រះទ្រង់ខ្លាំងពូកែល្មមនឹងជួយសង្គ្រោះឲ្យរួចផុតពីទឹកជ្រៅ និងខ្មាំងសត្រូវដ៏ខ្លាំងពូកែ(ខ.១៦-១៧)។ ព្រះអង្គខ្លាំងពូកែល្មមនឹងអាចឲ្យយើងអំពាវនាវរកព្រះអង្គ ក្នុងព្រះនាមព្រះយេស៊ូវ ទោះបញ្ហានៅជុំវិញខ្លួនយើង កំពុងជន់លិចជ្រៅយ៉ាងណាក៏ដោយ(ខ.៣)។—ARTHUR JACKSON
តើមានបញ្ហាដ៏ជន់ជោរអ្វី ដែលបានបណ្តាលចិត្តអ្នកឲ្យស្រែករកព្រះ? តើមានអ្វីរារាំងអ្នក មិនឲ្យអំពាវនាវរកព្រះអង្គ?
ឱព្រះដ៏មានគ្រប់ចេស្ដា ព្រះដ៏ជួយសង្គ្រោះ ពេលណាបញ្ហានៃជីវិតកំពុងតែជន់ជោរឡើង សូមព្រះអង្គប្រទានទូលបង្គំ នូវជំនឿ
ដើម្បីឲ្យអាចមើលឃើញព្រះអង្គ ហើយតោងព្រះអង្គជាប់ ក្នុងពេលមានខ្យល់ព្យុះ។
For further study, read Clinging to Hope in the Storm at DiscoverySeries.org/Q0746.
គម្រោងអានព្រះគម្ពីរយៈពេល១ឆ្នាំ : សុភាសិត ២៧-២៩ និង ២កូរិនថូស ១០
