ឯ​អស់​ទាំង​ភ្នំ​ធំ និង​ភ្នំតូច​ទាំងប៉ុន្មាន​នឹង​ធ្លាយ​ចេញ​ជា​ចំរៀង​នៅមុខ​ឯង។ អេសាយ ៥៥:១២

មាន​ពេល​មួយ ចៅប្រុស​ខ្ញុំ​បាន​និយាយ​ថា “មើល​ហ្ន៎ លោកតា ដើមឈើ​កំពុង​គ្រវី​ដៃ​ដាក់​ព្រះ!” ខណៈ​ពេល​ដែល​យើង​កំពុង​មើល​ដើមឈើ​រេ​ចុះឡើង តាម​កម្លាំង​ខ្យល់បក់ មុន​ពេល​ខ្យល់ព្យុះ​មកដល់ ការសង្កេត​ដ៏​រំភើប​រីករាយ​របស់​ចៅប្រុស​ខ្ញុំ បាន​ធ្វើឲ្យ​ខ្ញុំ​មាន​ទឹកមុខ​ញញឹម។ ការ​នេះ​ក៏បាន​ធ្វើឲ្យ​ខ្ញុំ​សួរ​ខ្លួនឯង​ថា រឿង​ដែល​កើតឡើង​ក្នុង​ធម្មជាតិ​បាន​ធ្វើឲ្យ​ខ្ញុំ​នឹក​ចាំ​អំពី​ព្រះ​ដែរ​ឬទេ?

អ្នកស្រី​អេ​លី​ហ្សា​ប៊ែ​ត បា​រែត ប្រោននីង(Elizabeth Barrett Browning) ដែល​ជា​អ្នកនិពន្ធ​បទ​កំណាព្យ បាន​ឆ្លុះបញ្ចាំង អំពី​រឿង​លោក​ម៉ូសេ និង​គុម្ព​បន្លា​ឆេះ ដោយ​សរសេរ​ថា “ផែនដី​ប្រសព្វ​នឹង​សួគ៌​ស្ថាន គុម្ព​បន្លា​ក៏​បាន​ឆេះ​ឡើង​ជា​ភ្លើង ​នោះ​លោក​ម៉ូសេ​បាន​ដោះ​ស្បែក​ជើង ក្រោយ​ភ្នែក​បាន​ឃើញ​ព្រះ​វត្ត​មាន​ព្រះ”។ ស្នា​ព្រះហស្ត​របស់​ព្រះ ដែល​មាននៅ​ជុំវិញ​ខ្លួន​យើង បាន​បង្ហាញ​ភាព​អស្ចារ្យ​នៃ​ការបង្កើត​របស់​ព្រះអង្គ ហើយ​នៅ​ថ្ងៃមួយ ពេលណា​ព្រះអង្គ​បង្កើត​ផែនដី​ថ្មី យើង​បានឃើញ​ភាព​អស្ចារ្យ ដែល​ខុសប្លែក​ពី​ពេលណា​ទាំងអស់។

ព្រះ​ទ្រង់​បាន​មាន​បន្ទូល​អំពី​ថ្ងៃ​នោះ តាមរយៈ​ហោរា​អេសាយ យ៉ាងដូច​នេះ​ថា “ដ្បិត​ឯង​រាល់គ្នា​នឹង​ចេញទៅ​ដោយ​អំណរ ហើយ​គេ និង​នាំ​ឯង​ចេញទៅ ដោយ​សុខសាន្ត ឯ​អស់​ទាំង​ភ្នំ​ធំ និង​ភ្នំតូច​ទាំងប៉ុន្មាន​នឹង​ធ្លាយ​ចេញ​ជា​ចំរៀង​នៅមុខ​ឯង ហើយ​គ្រប់​ទាំង​ដើមឈើ​នៅ​ព្រៃ​នឹង​ទះដៃ​ផង”(អេសាយ ៥៥:១២)។ តើ​ភ្នំ​បាន​ច្រៀង​ឬ? ដើមឈើ​ទះដៃ​មែន​ទេ? ជា​ការពិត​ណាស់ សាវ័ក​ប៉ុល​បាន​កត់សំគាល់​ថា “ជីវិត​ទាំងនោះ​ឯង នឹង​បាន​រួចពី​ចំណង​នៃ​សេចក្តី​ពុករលួយ ឲ្យបាន​សេរីភាព​នៃ​សិរីល្អ​របស់​ពួក​កូន​ព្រះ​វិញ”(រ៉ូម ៨:២១)។

ព្រះយេស៊ូវ​​ក៏​ធ្លាប់​មាន​បន្ទូល អំពី​ថ្ម​ដែល​នឹង​ស្រែក​ឡើង​ផង​ដែរ(លូកា ១៩:៤០) ហើយ​ព្រះបន្ទូល​ព្រះអង្គ​ក៏បាន​រំឭក អំពី​បទ​ទំនាយ​របស់​ហោរា​អេសាយ អំពី​ការអ្វី​ដែល​កំពុង​រង់ចាំ​អ្នក​ដែល​ចូល​មក​រក​ព្រះអង្គ ដើម្បី​ទទួល​សេចក្តី​សង្គ្រោះ។ ពេលណា​យើង​មើលទៅ​ព្រះអង្គ​ដោយ​ជំនឿ ដែល​នឹក​ចាំ​អំពី​ការអ្វី​ដែល​មានតែ​ព្រះអង្គ​ដែល​អាច​ធ្វើ​បាន នោះ​យើង​នឹង​ឃើញ​ស្នា​ព្រះហស្ត​ដ៏​អស្ចារ្យ​របស់​ទ្រង់​បន្ត​មាន ជា​រៀង​រហូត!—JAMES BANKS

តើ​អ្នក​ស្រមៃ​ថា ផែនដី​ថ្មី​នឹង​មាន​លក្ខណៈ​ដូចម្តេច​ខ្លះ ក្នុង​នគរ​ដ៏​អស់​កល្ប​របស់​ព្រះ? តើ​អ្នក​នឹង​បម្រើ​ព្រះអង្គ ដោយ​នឹក​ចាំ​អំពី​ព្រះអង្គ តាមរយៈ​ស្នា​ព្រះហស្ត​ព្រះអង្គ យ៉ាងដូច​ម្តេច​ខ្លះ?

ឱ​ព្រះ​នៃ​សេចក្តី​ស្រឡាញ់ ទូលបង្គំ​សូម​សរសើរ​ព្រះអង្គ ដ្បិត​គ្មាន​នរណា ដែល​មាន​ភាព​ប៉ិនប្រសប់​ជាង​ព្រះអង្គ​ឡើយ។ ទូលបង្គំ​ទន្ទឹងរង់ចាំ​មើល​ភាព​អស្ចារ្យ​របស់​ព្រះអង្គ និង​អ្វី​ទាំងអស់​ដែល​ព្រះអង្គ​អាច​ធ្វើ​បាន!

For further study, read All Creation Sings at DiscoverySeries.org​/HP001.

គម្រោងអានព្រះគម្ពីរយៈពេល១ឆ្នាំ : សាស្តា ១-៣ និង ២កូរិនថូស ១១:១៦-៣៣