ពេលដែលភាពកម្សោយក្លាយជាកម្លាំង

ហេតុអ្វីបានជា​ខ្ញុំ​បាន​ចេញពី​ផ្ទៃ​ម្តាយ​មក ឲ្យ​ឃើញ​តែ​ការនឿយហត់ និង​សេចក្តី​ទុក្ខ​ព្រួយ ឲ្យ​ថ្ងៃ​អាយុ​ខ្ញុំ​បាន​សូន្យ​ទៅ ដោយ​សេចក្តី​អាម៉ាស់​ខ្មាស​ដូច្នេះ? យេរេមា ២០:១៨

លោ​កឌ្រូ(Drew) បាន​ជាប់ពន្ធ​ធនាគា២ឆ្នាំ ដោយសារ​គាត់​ធ្វើការ​បម្រើ​ព្រះយេស៊ូវ​។ គាត់​បាន​អាន​ទីបន្ទាល់​របស់​បេសកជន ដែល​មាន​អំណរ​ជានិច្ច ក្នុង​ពេល​ជាប់ពន្ធ​ធនាគារ តែ​គាត់​បាន​សារភាព​ថា គាត់​មិនបាន​មាន​អំណរ​ដូច​ពួក​គេ​ឡើយ។ គាត់​ក៏បាន​ប្រាប់​ភរិយា​គាត់​ថា ព្រះ​ទ្រង់​បាន​ជ្រើស​មនុស្ស​ខុស ឲ្យ​មក​រង​ទុក្ខ​ថ្វាយព្រះ​អង្គ។ នាង​ក៏បាន​តប​គាត់​ថា ព្រះ​បាន​ជ្រើសរើស​មនុស្ស​ត្រូវ នេះ​មិនមែន​ជា​រឿង​ចៃដន្យ​ទេ។

លោក​ឌ្រូ​ទំនងជា​មាន​អារម្មណ៍​មិន​ខុសពី​ហោរា​យេរេមា ដែល​បាន​បម្រើ​ព្រះ​ដោយ​ស្មោះត្រង់ ដោយ​ព្រមាន​ប្រជាជន​យូដា​ថា ព្រះ​ទ្រង់​នឹង​ដាក់ទោស​ពួក​គេ ដោយសារ​អំពើបាប​របស់​ពួក​គេ។ តែ​ការ​ជំនុំជម្រះ​របស់​ព្រះ​មិន​ទាន់​បាន​មកដល់​នៅឡើយ ហើយ​អ្នកដឹកនាំ​ស្រុក​យូដា​បាន​វាយដំ​គាត់ ហើយ​ឃុំខ្លួន​គាត់។ លោក​យេរេមា​បាន​ទូល​ព្រះអម្ចាស់​ថា “ទ្រង់​បាន​បញ្ចុះបញ្ចូល​ទូលបង្គំ ហើយ​ទូលបង្គំ​ក៏​បណ្តោយ​តាម”(យេរេមា ២០:៧)។ លោក​ហោរា​ជឿ​ថា ព្រះ​ទ្រង់​បាន​ខកខាន​នៅក្នុង​ការ​ធ្វើតាម​ព្រះបន្ទូល​ព្រះអង្គ។ គាត់​ថា “គេ​យក​ព្រះបន្ទូល​នៃ​ព្រះយេហូវ៉ា ធ្វើឲ្យ​ត្រឡប់ជា​សេចក្តី​ដំនៀល​ដល់​ទូលបង្គំ ហើយ​ជា​សេចក្តី​ឡកឡឺយ​ឲ្យ​ទូលបង្គំ​ជានិច្ច​រាល់ថ្ងៃ”(ខ.៨)។ “សូមឲ្យ​ថ្ងៃ​ដែល​ខ្ញុំ​កើតមក​ត្រូវ​បណ្តាសា​ចុះ” “ហេតុអ្វីបានជា​ខ្ញុំ​បាន​ចេញពី​ផ្ទៃ​ម្តាយ​មក ឲ្យ​ឃើញ​តែ​ការនឿយហត់ និង​សេចក្តី​ទុក្ខ​ព្រួយ ឲ្យ​ថ្ងៃ​អាយុ​ខ្ញុំ​បាន​សូន្យ​ទៅ ដោយ​សេចក្តី​អាម៉ាស់​ខ្មាស​ដូច្នេះ”(ខ.១៤-១៨)។

ទីបំផុត គេ​ក៏បាន​ដោះលែង​លោ​កឌ្រូ តែ​តាមរយៈ​ទុក្ខ​លំបាក​របស់​គាត់ គាត់​ក៏បាន​ចាប់ផ្តើម​យល់ឃើញ​ថា ព្រះ​ទ្រង់​ប្រហែលជា​បាន​ជ្រើសរើស​គាត់​មែន ដូចដែល​ព្រះអង្គ​បាន​ជ្រើសរើស​លោក​យេរេមា ព្រោះ​គាត់​មាន​ភាព​កម្សោយ។ បើ​គាត់ និង​លោក​យេរេមា​មាន​ភាពរឹងមាំ​ពី​កំណើត នោះ​មនុស្ស​ប្រហែលជា​នឹង​លើក​ដំ​កើង​ពួក​គេ​មិន​ខាន ពេល​ដែល​ពួក​គេ​ទទួល​ជោគ​ជ័យ​។ តែ​ដោយសារ​ពួក​គេ​មាន​ភាព​កម្សោយ នោះ​ពួក​គេ​ក៏បាន​ថ្វាយ​សិរីល្អ ដល់​ព្រះយេស៊ូវ​ នៅក្នុង​ការ​ស៊ូទ្រាំ (១កូរិនថូស ១:២៦-៣១)។ ភាព​កម្សាយ​របស់​គាត់​បាន​ធ្វើឲ្យ​គាត់​ក្លាយជា​មនុស្ស​ដែល​សក្តិ​សម​យ៉ាង​ឥត​ខ្ចោះ ឲ្យ​ព្រះយេស៊ូវ​ប្រើ។—MIKE WITTMER

តើ​អ្នកមាន​អារម្មណ៍​ថា ទន់ខ្សោយ​នៅ​ចំណុច​ណាខ្លះ? តើ​អ្នក​អាច​កែប្រែ​ភាព​កម្សោយ​របស់​អ្នក ឲ្យ​មានប្រយោជន៍​ខាងវិញ្ញាណ​យ៉ាងដូច​ម្តេច​ខ្លះ?

ឱ​ព្រះយេស៊ូវ​ មនុស្ស​បានឃើញ​ព្រះ​ចេស្ដា​ព្រះអង្គ តាមរយៈ​ភាព​កម្សោយ​របស់​ទូលបង្គំ។ ទូលបង្គំ​សូម​សារភាព​ថា ទូលបង្គំ​មាន​ភាព​កម្សោយ ដែល​​នាំឲ្យ​ទូលបង្គំ​​អួត​តែ​ពី​ព្រះអង្គ​វិញ។

គម្រោងអានព្រះគម្ពីររយៈពេល១ឆ្នាំ : យេរេមា ១៨-១៩ និង ២ធីម៉ូថេ ៣

Share this post:
Facebook
Twitter
LinkedIn
WhatsApp

From the same category:

More articles