ព្រះហស្តព្រះបើកចំហជានិច្ច

បើ​យើង​លន់តួ​បាប​វិញ នោះ​ទ្រង់​មានព្រះហឫទ័យ​ស្មោះត្រង់ ហើយ​សុចរិត ប្រយោជន៍នឹង​អត់ទោស​បាប​ឲ្យ​យើង ហើយនិង​សំអាត​យើង ពី​គ្រប់​អំពើទុច្ចរិត​ទាំងអស់​ផង។ ១យ៉ូហាន ១:៩

មាន​ពេល​មួយ​ខ្ញុំ​បាន​មើលទៅ​ទូរស័ព្ទ​របស់ខ្ញុំ ដោយ​ចងចិញ្ចើម និង​ដកដង្ហើមធំ។ ការ​ព្រួយបារម្ភ​បាន​ធ្វើឲ្យ​ខ្ញុំ​ជ្រួញ​ចិញ្ចើម។ ខ្ញុំ និង​មិត្ត​ភក្តិ​ខ្ញុំ​មានការ​មិន​ចុះសម្រុង​គ្នា​ដ៏​ធ្ងន់ធ្ងរ ដោយសារ​បញ្ហា​កូនៗ​របស់​យើង ហើយ​ខ្ញុំ​ដឹង​ថា ខ្ញុំ​ចាំបាច់​ត្រូវ​ទូរស័ព្ទ​ទៅ​នាង ដើម្បី​សុំទោស​នាង។ ខ្ញុំ​មិន​ចង់​ធ្វើ​ដូចនេះ ដោយសារ​គំនិត​របស់​យើង នៅតែ​មិន​ត្រូវគ្នា​នោះ​ទេ តែ​ខ្ញុំ​ដឹង​ថា ខ្ញុំ​មិន​បាន​បង្ហាញ​ចេញ​នូវ​សេចក្តី​សប្បុរស ឬ​ការ​បន្ទាបខ្លួន កាល​យើង​ជជែកគ្នា​អំពី​រឿង​នោះ​កាលពី​លើក​មុន​នោះ​ទេ។

មុន​នឹង​ខ្ញុំ​ទូរស័ព្ទ​ទៅ​នាង ខ្ញុំ​ឆ្ងល់​ថា ចុះបើ​សិន​ជា​នាង​មិន​អត់ទោស​ឲ្យ​ខ្ញុំ? ចុះបើ​សិន​ជា​នាង​មិន​ចង់​បន្ត​មាន​មិត្តភាព​ជាមួយ​ខ្ញុំ​ទៀត? ពេលនោះ ទំនុក​ច្រៀង​របស់​បទចម្រៀង​មួយ​បាន​លេចឡើង​ក្នុង​គំនិត​ខ្ញុំ ហើយ​ធ្វើឲ្យ​ខ្ញុំ​នឹក​ចាំ អំពី​ពេល​ដែល​ខ្ញុំ​បាន​សារភាព​បាប​របស់ខ្ញុំ នៅ​ចំពោះ​ព្រះ។ ខ្ញុំ​ក៏​មាន​អារម្មណ៍​ធូរស្បើយ ព្រោះ​ខ្ញុំ​ដឹង​ថា ព្រះ​ទ្រង់​បាន​អត់ទោស​ឲ្យ​ខ្ញុំ ហើយ​បាន​រំដោះ​ខ្ញុំ​ឲ្យ​រួចពីទោស​របស់ខ្ញុំ។

យើង​មិន​អាច​គ្រប់គ្រង​របៀប​ដែល​អ្នកដទៃ​នឹង​ឆ្លើយតប​ចំពោះ​យើង ពេលណា​យើង​ព្យាយាម​ដោះស្រាយ​បញ្ហា​ទំនាក់​ទំនង​ជាមួយ​ពួក​គេ។ តែ​ដរាប​ណា យើង​ទទួល​ស្គាល់​កំហុស​របស់​យើង ហើយ​បន្ទាប​ខ្លួន​សារភាព​បាប នៅ​ចំពោះ​ព្រះអង្គ ព្រមទាំង​មានការ​កែប្រែ​ដែល​ចាំបាច់ នោះ​យើង​អាច​សូមឲ្យ​ព្រះអង្គ​ប្រទាន​ការ​ប្រោស​ឲ្យ​ជា។ ទោះ​យើង​នៅតែ​បន្ត​អត់ទ្រាំ​នឹង​ការឈឺចាប់ ដោយសារ​បញ្ហា​របស់​មនុស្ស​ដែល​មិនទាន់​ដោះស្រាយ​ក៏ដោយ ក៏​យើង​នៅតែ​អាច​មាន​សន្តិភាព​ជាមួយ​ព្រះអង្គ។ ព្រះហស្ត​ព្រះអង្គ​នៅតែ​បើក​ចំហ ហើយ​ព្រះអង្គ​ត្រៀម​ជា​ស្រេច ដើម្បី​បង្ហាញ​ព្រះគុណ និង​សេចក្តី​មេត្តា ដែល​យើង​ត្រូវការ។ “បើ​យើង​លន់តួ​បាប​វិញ នោះ​ទ្រង់​មានព្រះហឫទ័យ​ស្មោះត្រង់ ហើយ​សុចរិត ប្រយោជន៍នឹង​អត់ទោស​បាប​ឲ្យ​យើង ហើយនិង​សំអាត​យើង ពី​គ្រប់​អំពើទុច្ចរិត​ទាំងអស់​ផង”(១យ៉ូហាន ១:៩)។—JENNIFER BENSON SCHULDT

តើ​ការ​អត់ទោស​បាប បាន​នាំឲ្យមាន​សន្តិភាព​ក្នុងចិត្ត ដូចម្តេច​ខ្លះ? តើ​អ្នក​ត្រូវ​បោះជំហាន​យ៉ាងដូច​ម្តេច​ខ្លះ ដោយ​ព្រះ​ចេស្ដា​ព្រះ ឆ្ពោះទៅ​រក​ការផ្សះផ្សា ជាមួយ​នរណា​ម្នាក់ ក្នុង​សប្តាហ៍​នេះ?

ឱ​ព្រះអម្ចាស់ សូម​ព្រះអង្គ​រំឭក​ទូលបង្គំ អំពី​ព្រះគុណ​ដ៏​ស្ថិតស្ថេរ​របស់​ព្រះអង្គ។ សូម​ព្រះអង្គ​ជួយ​ទូលបង្គំ ឲ្យ​មានការ​បន្ទាបខ្លួន និង​ថ្វាយ​ទំនាក់ទំនង​ទាំងអស់​របស់​ទូលបង្គំ ដាច់​ដល់​ព្រះអង្គ។

For further study, read What Do You Do with a Broken Relationship? at DiscoverySeries.org​/Q0703.

គម្រោងអានព្រះគម្ពីររយៈពេល១ឆ្នាំ : លេវី​វិន័យ ៤-៥ និង ម៉ាថាយ ២៤:២៩-៥១

Share this post:
Facebook
Twitter
LinkedIn
WhatsApp

From the same category:

More articles