ថ្វាយបន្ទុករបស់អ្នកដល់ព្រះអង្គ
ដោយKaren Wolfe
September 13, 2023
សូមអាន : ទំនុកដំកើង ៤៦ ចូរបង្អង់សិន ឲ្យបានដឹងថា អញជាព្រះ។ ទំនុកដំកើង ៤៦:១០ ម្ចាស់បណ្ណាគារ ដែលខេត(Keith)ធ្វើការ បានទៅសម្រាកវិស្សមកាល តែពីរថ្ងៃទេ តែក្នុងនាមខេតជាជំនួយការ គាត់មានអារម្មណ៍ថា គាត់បានបាត់បង់ម្ចាស់ការ ដោយសារការទទួលខុសត្រូវច្រើនពេក។ ការងារមានដំណើរការយ៉ាងរលូន តែខេតមានការថប់បារម្ភថា គាត់មិនអាចមើលការខុសត្រូវឲ្យបានល្អ។ គាត់ក៏បានខិតខំគ្រប់គ្រងការងារបណ្ណាគារ យ៉ាងវក់វី។ ទីបំផុត នៅក្នុងការជួបចៅហ្វាយនាយរបស់គាត់តាមទូរស័ព្ទ ចៅហ្វាយនាយគាត់ក៏បានប្រាប់គាត់ ឲ្យសម្រួលអារម្មណ៍ ហើយប្រាប់ថា អ្វីដែលគាត់ត្រូវធ្វើ គឺត្រូវធ្វើតាមការណែនាំដែលគាត់បានផ្ញើមកគាត់តាមអ៊ីមែលរៀងរាល់ថ្ងៃ។ ហើយក៏បានប្រាប់គាត់កុំឲ្យព្រួយបារម្ភ ព្រោះចៅហ្វាយនាយគាត់ជាអ្នកទទួលបន្ទុកការងារទាំងអស់។ ក្នុងពេលដែលពួកអ៊ីស្រាអែលមានជម្លោះជាមួយនគរដទៃ ពួកគេក៏បានទទួលពាក្យលើកទឹកចិត្តស្រដៀងនេះពីព្រះអម្ចាស់ផងដែរ។ គឺដូចដែលព្រះអង្គបានប្រាប់ពួកគេថា “ចូរបង្អង់សិន” ដែលមានន័យថា “ចូរឈប់ច្រាស់ច្រាល់ ចូរធ្វើតាមបង្គាប់ព្រះអង្គ ព្រោះព្រះអង្គនឹងប្រយុទ្ធជំនួសពួកគេ”។ ពេលដែលព្រះទ្រង់ប្រាប់ពួកអ៊ីស្រាអែលឲ្យឈប់បង្អង់ គឺមិនមែនប្រាប់ពួកគេឲ្យនៅស្ងៀម មិនធ្វើអ្វីសោះនោះទេ តែឲ្យស្តាប់បង្គាប់ព្រះ ដោយចិត្តស្មោះត្រង់ ដោយចុះចូលនឹងការគ្រប់គ្រងរបស់ព្រះអង្គ ហើយថ្វាយលទ្ធផលនៃការប្រឹងប្រែងរបស់ពួក ទុកឲ្យព្រះអង្គជាអ្នកសម្រេច។ ព្រះអង្គក៏បានត្រាស់ហៅយើងឲ្យធ្វើដូចនេះផងដែរ។ ហើយយើងអាចធ្វើបាន ព្រោះព្រះដែលយើងទុកចិត្ត មានអំណាចគ្រប់គ្រងលើអ្វីៗគ្រប់យ៉ាង។ ព្រះអង្គអាចធ្វើឲ្យផែនដីរលាយ ដោយមានបន្ទូលតែមួយព្រះឱស ព្រះអង្គក៏អាចធ្វើឲ្យសង្គ្រាមលែងមាន រហូតដល់ចុងផែនដី(ខ.៦,៩) ហើយជាការពិតណាស់ យើងអាចទុកចិត្តលើសន្តិសុខ នៅក្នុងទីជ្រកកោន និងកម្លាំងរបស់ព្រះអង្គ(ខ.១)។ បន្ទុកនៃការគ្រប់គ្រងមកលើជីវិតយើង មិនមែនជារបស់យើងទេ តែជារបស់ព្រះអង្គ។—Karen Huang
តើធ្វើដូចម្តេច ឲ្យអ្នកអាចឈប់បង្អង់ ហើយថ្វាយស្ថានភាពដែលអ្នកមិនអាចគ្រប់គ្រង ដល់ព្រះអង្គ? តើផ្នែកណាខ្លះនៃចារិកលក្ខណៈរបស់ព្រះអង្គ ដែលបានជួយអ្នក ឲ្យចុះចូលព្រះអង្គទាំងស្រុង?
ឱព្រះដ៏មានគ្រប់ចេស្ដា ព្រះអង្គជ្រាបថា មានរឿងអ្វីខ្លះ ដែលធ្វើឲ្យទូលបង្គំថប់បារម្ភ។ ទូលបង្គំមិនដឹងថា ត្រូវជម្នះបញ្ហាទាំងនោះ ដោយរបៀបណាទេ តែព្រះអង្គជ្រាប។ សូមព្រះអង្គជួយទូលបង្គំ ឲ្យចុះចូលនឹងការដឹកនាំរបស់ព្រះអង្គ។
For further study, read God Is Love: Reflection on the Character of God at DiscoverySeries.org/Q0612.
គម្រោងអានរយៈពេល១ឆ្នាំ : សុភាសិត ១៩-២១ និង ២កូរិនថូស ៧