លោកុប្បត្តិ ៣៣:១-១១
អេសាវក៏រត់មកទទួល ហើយឱបថើប រួចយំជាមួយគ្នាទាំង២នាក់។ លោកុប្បត្តិ ៣៣:៤
កាលលោកអាយហ្សេយ៉ា(Isaiah) ចូលរួមការប្រកួតកីឡាវាយកូនបាល់បេសប៊ល ពានរង្វាន់ជើងឯកប្រចាំតំបន់ គាត់ត្រូវគេគប់កូនបាល់ចំក្បាល ធ្វើឲ្យគាត់ដួលទៅលើដី ហើយគាត់យកដៃទប់ក្បាលគាត់។ តែអរព្រះគុណព្រះអង្គ ដែលមួកសុវត្ថិភាពបានការពារក្បាលគាត់ មិនឲ្យមានរបួសធ្ងន់។ តើគាត់គួរតែឆ្លើយតបទៅគេវិញ ដោយចិត្តសប្បុរស ឬដោយការសងសឹក? នៅពេលដែលគេបន្តការប្រកួត លោកអាយហ្សេយ៉ាក៏បានកត់សំគាល់ឃើញ អ្នកគប់កូនបាល់កំពុងឈរញ័រខ្លួន ដោយសារកំហុសដែលខ្លួនបានធ្វើដោយអចេតនា។ ក្នុងពេលនោះ លោកអាយហ្សេយ៉ាក៏បានធ្វើនូវរឿងដែលគេមិននឹកស្មានដល់ ដោយគាត់ដើរទៅរកកីឡាករនោះ ហើយឱបកីឡានោះ ដោយការកម្សាន្តចិត្ត ហើយលោកអាយហ្សេយ៉ាក៏បានបញ្ជាក់ដល់កីឡានោះថា គាត់មិនអីទេ។ វីដេអូដែលគេថតបានសកម្មភាពគាត់នៅពេលនោះ ត្រូវគេយកទៅបង្ហោះនៅតាមបណ្ដាញសង្គម ហើយមានមនុស្សជាច្រើនបានចែកចាយបន្តគ្នា។
ក្នុងស្ថានភាពដែលអាចបណ្តាលឲ្យមានការវាយតប់គ្នា លោកអាយហ្សេយ៉ាបានសម្រេចចិត្តជ្រើសរើសយកសេចក្តីសប្បុរស។
ក្នុងកណ្ឌគម្ពីរសញ្ញាចាស់ យើងឃើញថា លោកអេសាវ បានធ្វើនូវរឿងស្រដៀងនេះផងដែរ ទោះជាមានការពិបាកជាងនេះរាប់រយដងក៏ដោយ ដោយគាត់បានសម្រេចចិត្តបោះបង់ចោលផែនការសងសឹកអស់ជាច្រើនឆ្នាំ មកលើលោកយ៉ាកុប ជាប្អូនប្រុស ដែលពូកែបោកប្រាស់អ្នកដទៃ។ បន្ទាប់ពីលោកយ៉ាកុបបានវិលត្រឡប់មកផ្ទះវិញ បន្ទាប់គាត់បាននិរទេសខ្លួនបាន២០ឆ្នាំ លោកអេសាវក៏បានបង្ហាញនូវចិត្តសប្បុរស និងការអត់ឱនទោស ជាជាងសងសឹក ចំពោះកំហុសដែលលោកយ៉ាកុបបានធ្វើមកលើគាត់។ នៅពេលដែលលោកអេសាវបានឃើញលោកយ៉ាកុប គាត់ក៏បានរត់ទៅឱបលោកយ៉ាកុប(លោកុប្បត្តិ ៣៣:៤)។ លោកអេសាវក៏បានទទួលយកការសុំទោសរបស់លោកយ៉ាកុប ហើយក៏បានបញ្ជាក់ឲ្យលោកយ៉ាកុបដឹងថា គាត់មិនអីទេ(ខ.៩-១១)។
នៅពេលណានរណាម្នាក់បង្ហាញចេញនូវការសោកស្តាយ ចំពោះកំហុសដែលបានធ្វើមកលើយើង យើងត្រូវធ្វើការសម្រេចចិត្តថា យើងនឹងបង្ហាញចេញនូវចិត្តសប្បុរស ឬការសងសឹក។ ការសម្រេចចិត្តអត់ទោសឲ្យគេ ដោយចិត្តសប្បុរស គឺជាការយកគំរូតាមព្រះយេស៊ូវ(រ៉ូម ៥:៨) ហើយជាផ្លូវឆ្ពោះទៅរកការផ្សះផ្សា។—Lisa M. Samra
តើគេបានបង្ហាញចិត្តសប្បុរសចំពោះអ្នក បន្ទាប់ពីអ្នកបានទទួលស្គាល់កំហុស នៅពេលណា? តើអ្នកអាចបង្ហាញចិត្តសប្បុរសដល់អ្នកផ្សេងទៀត យ៉ាងដូចម្តេចខ្លះ?
ឱព្រះយេស៊ូវ សូមព្រះអង្គជួយទូលបង្គំ ឲ្យដើរតាមគំរូរបស់ព្រះអង្គ ដោយបង្ហាញសេចក្តីសប្បុរស ពេលណាគេធ្វើខុសមកលើទូលបង្គំ។
Visit ODBU.org/SF107 to find out how forgiveness can save your relationships.
គម្រោងអានព្រះគម្ពីររយៈពេល១ឆ្នាំ : ១របាក្សត្រ ១៣-១៥ និង យ៉ូហាន ៧:១-២៧
