ធ្វើជាឧបករណ៍នៃការផ្លាស់ប្តូរ
ដោយBill Crowder
July 22, 2024
អេភេសូរ ២:៤-១០
ឯអ្នកណាដែលចេះធ្វើល្អ តែមិនធ្វើសោះ នោះរាប់ជាបាបដល់អ្នកនោះវិញ។ យ៉ាកុប ៤:១៧
ឧក្រិដ្ឋជនម្នាក់ត្រូវបានប៉ូលិសចាប់ខ្លួន ហើយប៉ូលិសក៏បានសួរគាត់ថា ហេតុអ្វីគាត់ហ៊ានប្រើអំពើហិង្សាមកលើជនរងគ្រោះ នៅចំពោះមុខមនុស្សជាច្រើនដូចនេះ។ គេមានការភ្ញាក់ផ្អើលយ៉ាងខ្លាំង ពេលដែលបានឮគាត់សារភាពថា “ខ្ញុំដឹងថា ពួកគេគ្រាន់តែឈរមើល មិនហ៊ានធ្វើអ្វីទេ”។ ពាក្យសម្តីរបស់គាត់ បានឆ្លុះបញ្ចាំង អំពី “ការដឹង ដែលមានកំហុស” បានសេចក្តីថា ពួកគេបានសម្រេចចិត្តមិនអើពើចំពោះអំពើឧក្រិដ្ឋ ដែលពួកគេបានដឹងថា នរណាម្នាក់កំពុងប្រព្រឹត្ត។
សាវ័កយ៉ាកុបបានលើកឡើង អំពីការដឹងដែលមានកំហុសផងដែរ គឺដូចដែលគាត់មានប្រសាសន៍ថា “ឯអ្នកណាដែលចេះធ្វើល្អ តែមិនធ្វើសោះ នោះរាប់ជាបាបដល់អ្នកនោះវិញ”(យ៉ាកុប ៤:១៧)។
តាមរយៈសេចក្តីសង្រ្គោះដែលព្រះអង្គបានប្រទានយើង ព្រះអង្គបានរៀបចំយើង ធ្វើជាភ្នាក់ងារនៃសេចក្តីល្អ ក្នុងលោកិយនេះ។ បទគម្ពីរអេភេសូរ ២:១០ បានបញ្ជាក់ថា “ដ្បិតយើងរាល់គ្នាជាស្នាដៃ ដែលទ្រង់បង្កើតក្នុងព្រះគ្រីស្ទយេស៊ូវសំរាប់ការល្អ ដែលព្រះបានរៀបចំជាមុន ឲ្យយើងរាល់គ្នាប្រព្រឹត្តតាម”។ យើងបានសង្គ្រោះ មិនមែនដោយសារការល្អរបស់យើង តែផ្ទុយទៅវិញ ការល្អដែលយើងធ្វើ កើតចេញពីចិត្តដែលព្រះវិញ្ញាណបរិសុទ្ធបានកែប្រែ ដោយគង់នៅក្នុងជីវិតយើង។ ព្រះវិញ្ញាណថែមទាំងបានប្រទានយើង នូវអំណោយទានខាងវិញ្ញាណ ដើម្បីប្រទានលទ្ធភាពឲ្យយើងអាចសម្រេចកិច្ចការ ដែលព្រះអង្គបានបង្កើតយើងមក ដើម្បីឲ្យយើងធ្វើ(មើល ១កូរិនថូស ១២:១-១១)។
ក្នុងនាមយើងជាស្នាព្រះហស្តដ៏ល្អឯករបស់ព្រះអង្គ ចូលយើងចុះចូលបំណងព្រះទ័យព្រះអង្គ និងអំណាចរបស់ព្រះវិញ្ញាណបរិសុទ្ធ ដើម្បីឲ្យយើងអាចធ្វើជាឧបករណ៍នាំមកនូវការផ្លាស់ប្តូរ ក្នុងលោកិយ ដែលកំពុងស្រេកឃ្លានរកព្រះអង្គ។—Bill Crowder
សូមរំឭកបទគម្ពីរ ១កូរិនថូស ១២:១-១១ ហើយអានអំពីអំណោយទានខាងវិញ្ញាណ។ តើមានអំណោយទានអ្វីខ្លះ ដែលព្រះវិញ្ញាណបរិសុទ្ធបានប្រទានអ្នក? តើអ្នកអាចប្រើអំណោយទានទាំងនោះយ៉ាងដូចម្តេចខ្លះ?
ឱព្រះនៃសេចក្តីស្រឡាញ់ ទូលបង្គំសូមអរព្រះគុណព្រះអង្គ សម្រាប់សេចក្តីសង្គ្រោះដែលព្រះអង្គប្រទាន ជាអំណោយឥតគិតថ្លៃនៃព្រះគុណ។ សូមព្រះអង្គប្រទានទូលបង្គំនូវចិត្តក្លាហាន និងប្រាជ្ញា ដើម្បីឲ្យចេះបម្រើព្រះអង្គ និងអ្នកដទៃ ឲ្យបានល្អបំផុត។
Visit ODBU.org/SF010 to learn more about how to live out your purpose.
គម្រោងអានព្រះគម្ពីររយៈពេល១ឆ្នាំ: ទំនុកដំកើង ៣១-៣២ និង កិច្ចការ ២៣:១៦-៣៥