ភីលីព ៣:១២-២១
ទាំងរត់ដំរង់ទៅឯទី ដើម្បីឲ្យបានរង្វាន់នៃការងារដ៏ខ្ពស់របស់ព្រះ ក្នុងព្រះគ្រីស្ទយេស៊ូវ។ ភីលីព ៣:១៤
លោកស្ទែន លី(Stan Lee) ជាអ្នកបោះពុម្ពផ្សាយសៀវភៅរឿងប្រឌិតអមដោយរូបភាព របស់ក្រុមហ៊ុនម៉ាវ័ល(Marvel)។ គាត់បានលាចាកលោក កាលពីឆ្នាំ២០១៨ ដោយបន្សល់ទុក្ខនូវរឿងនិទានអំពីតួអង្គវីរបុរសដ៏ពេញនិយម ដែលមានដូចជា មនុស្សពីងពាង Iron Man, the Fantastic Four, the Hulk និងតួអង្គជាច្រើនទៀត។ នៅក្នុងរូបថត គេឃើញលោកស្ទែន លី ជាអ្នកនិពន្ធដែលតែងតែបង្ហាញទឹកមុខញញឹមស្រស់ ដោយពាក់វ៉ែនតាខ្មៅ។ នៅក្នុងការបោះពុម្ពផ្សាយសៀវភៅរឿងរបស់ក្រុមហ៊ុនម៉ាវ័ល ជាប្រចាំខែ គាត់តែងតែបញ្ចប់ការនិពន្ធសៀវភៅនីមួយៗ ដោយសរសេរពាក្យ អិចខ្សែលស៊ីអ័រ (excelsior) អស់ជាច្រើនទសវត្សរ៍មកហើយ។ ក្នុងការបង្ហោះសារ ក្នុងបណ្តាញសង្គម Tweeter កាលពីឆ្នាំ២០១០ គាត់បានបកស្រាយថា ពាក្យនេះមានន័យថា “ចូរមើលទៅមុខ ឆ្ពោះទៅរកសិរីល្អដែលប្រសើរជាង”។ គាត់ថា នៅចុងបញ្ចប់នៃសារនីមួយ ដែលគាត់បង្ហោះតាមបណ្តាញសង្គមTweeter គាត់តែងតែប្រើពាក្យនេះ ដើម្បីលើកទឹកចិត្តគេ ឲ្យអនុវត្តតាមអត្ថន័យរបស់ពាក្យនេះ ក្នុងការរស់នៅ។
ពាក្យដែលគាត់ចូលចិត្តប្រើនេះ បានធ្វើឲ្យខ្ញុំនឹកចាំ អំពីពាក្យពេចន៍ដែលសាវ័កប៉ុលបានសរសេរ ក្នុងសំបុត្រមួយច្បាប់ ផ្ញើទៅពួកជំនុំនៅទីក្រុងភីលីព ខណៈពេលដែលគាត់បង្រៀនអ្នកជឿទាំងឡាយ ឲ្យបំភ្លេចរឿងកន្លងទៅ ហើយឲ្យមើលទៅមុខ និងមើលទៅលើវិញ។ គឺដូចដែលគាត់មានប្រសាសន៍ថា “ខ្ញុំភ្លេចសេចក្តីទាំងប៉ុន្មានដែលកន្លងទៅហើយ ក៏ខំមមុលឈោងទៅឯសេចក្តីខាងមុខទៀត ទាំងរត់ដំរង់ទៅឯទី ដើម្បីឲ្យបានរង្វាន់នៃការងារដ៏ខ្ពស់របស់ព្រះ ក្នុងព្រះគ្រីស្ទយេស៊ូវ”(ភីលីព ៣:១៣-១៤) ។
យើងងាយនឹងជាប់ជំពាក់ ក្នុងចំណងនៃការស្តាយក្រោយ ឬការសម្រេចចិត្តខុស កាលពីអតីតកាល។ ប៉ុន្តែ ក្នុងព្រះគ្រីស្ទ ព្រះអង្គបានអញ្ជើញយើងឲ្យថ្វាយការស្តាយក្រោយដល់ព្រះអង្គ ហើយបន្តរត់តម្រង់ទៅរកសិរីល្អរបស់ព្រះអង្គ ដែលធំប្រសើរជាងអ្វីៗនៅផែនដី ដោយឱបក្រសោបយកការអត់ទោស និងគោលបំណង ដែលព្រះអង្គបានប្រទានដល់យើង ដោយព្រះគុណដ៏ធំឧត្តម!—Adam R. Holz
ហេតុអ្វីអ្នកច្រើនតែមើលទៅមុខ ឬងាកមកក្រោយមើលទៅកំហុសពីអតីតកាល ក្នុងជីវិត និងសេចក្តីជំនឿរបស់អ្នក? តើអ្នកអាចបំភ្លេចកំហុសពីអតីតកាល ហើយមមុលទៅមុខ យ៉ាងដូចម្តេចខ្លះ?
ឱព្រះវរបិតាដែលគង់នៅស្ថានសួគ៌ ទូលបង្គំសូមអរព្រះគុណព្រះអង្គ ដែលបានប្រទានការអត់ទោសបាប។ ទូលបង្គំសូមអរព្រះគុណព្រះអង្គ ដែលបានបង្គាប់ទូលបង្គំ ឲ្យមើលទៅព្រះអង្គ ហើយខំមមុលទៅរកសិរីល្អរបស់ព្រះអង្គ។
Visit ODBU.org/SF107 to learn how forgiveness can help you move forward.
គម្រោងអានព្រះគម្ពីររយៈពេល១ឆ្នាំ: ទំនុកដំកើង ១៤៣-១៤៥ និង ១កូរិនថូស ១៤:២១-៤០
