សារៈសំខាន់នៃសុខភាពផ្លូវចិត្ត
ដោយArthur Jackson
September 29, 2024
សុភាសិត ៤:២០-២៧
ចូររក្សាចិត្ត ដោយអស់ពីព្យាយាម ដ្បិតអស់ទាំងផលនៃជីវិត សុទ្ធតែចេញពីក្នុងចិត្តមក។ សុភាសិត ៤:២៣
បេះដូងរបស់មនុស្ស គឺជាសរីរាង្គដ៏អស្ចារ្យ។ វាជាម៉ាស៊ីនបូមឈាមទំហំប៉ុនកណ្តាប់ដៃមនុស្ស មានទម្ងន់ពី២ខាំ ទៅ៤ខាំ។ ជារៀងរាល់ថ្ងៃ វាលោតបាន១សែនដង ហើយបូមឈាមប្រហែល៧៥០០លីត្រ បានចម្ងាយប្រហែល៩៥០០០គីឡូម៉ែត្រ ក្នុងរូបកាយយើង! ដោយសារបេះដូងមានការងារធ្ងន់ៗ ជាយុទ្ធសាស្រ្តយ៉ាងដូចនេះ យើងអាចយល់បាន អំពីមូលហេតុដែលសុខភាពបេះដូង មានសារៈសំខាន់ចំពោះសុខមាលភាពនៃរូបកាយទាំងមូល។ វិទ្យាសាស្ត្រសុខាភិបាលបានលើកទឹកចិត្តយើង ឲ្យខិតខំបង្កើតទម្លាប់ដែលនាំឲ្យមានសុខភាពល្អ ព្រោះសុខភាពរបស់បេះដូងយើង និងគុណភាពនៃសុខភាពរបស់យើងត្រូវដើរទន្ទឹមគ្នា។
វិទ្យាសាស្ត្រនយោបាយបានបង្រៀនយើង អំពីបេះដូចនៃសាច់ឈាមរបស់យើង ប៉ុន្តែ ព្រះអម្ចាស់ក៏បានមានបន្ទូល ដោយសិទ្ធិអំណាចលើសនេះទៀត អំពី “ចិត្តរបស់មនុស្ស” ដែលជាចំណុចស្នូលខាងផ្លូវចិត្ត ខាងអារម្មណ៍ ខាងវិញ្ញាណ និងខាងសីលធម៌ នៃជីវិតយើង។ ដោយសារចិត្តរបស់យើងមានសារៈសំខាន់យ៉ាងខ្លាំង ចំពោះជីវិតរបស់យើង យើងត្រូវតែការពារចិត្តរបស់យើងឲ្យបានល្អ។ ដូចមានសេចក្តីចែងថា “ចូររក្សាចិត្ត ដោយអស់ពីព្យាយាម ដ្បិតអស់ទាំងផលនៃជីវិត សុទ្ធតែចេញពីក្នុងចិត្តមក”(សុភាសិត ៤:២៣)។ ការថែរក្សាចិត្តរបស់យើង នឹងជួយយើងឲ្យនិយាយស្តីបានត្រឹមត្រូវ(ខ.២៤) និងជំរុញយើងឲ្យចេះប្រើភ្នែកឲ្យបានសមរម្យ(ខ.២៥) ហើយជ្រើសរើសយកផ្លូវល្អបំផុត សម្រាប់ឲ្យជើងយើងដើរ(ខ.២៧)។ ទោះយើងស្ថិតក្នុងវ័យ ឬដំណាក់កាលណាក៏ដោយនៃជីវិតយើង ពេលណាយើងការពារចិត្តយើងបានល្អ ជីវិតយើងក៏រស់នៅបានល្អ ទំនាក់ទំនងរបស់យើងបានទទួលការការពារ ហើយយើងក៏នឹងបានថ្វាយព្រះកិត្តិនាមដល់ព្រះអង្គផងដែរ។—Arthur Jackson
តើរបៀបនៃការរស់នៅ និងទម្លាប់របស់អ្នក បានបង្ហាញអំពីលក្ខណៈនៃចិត្តរបស់អ្នកដូចម្តេចខ្លះ? បើអ្នកមិនបានអធិស្ឋានសូមព្រះអម្ចាស់កែប្រែចិត្តអ្នកទេ តើមានអ្វីរារាំងអ្នកមិនឲ្យអធិស្ឋានដូចនេះ នៅថ្ងៃនេះ?
ឱព្រះអម្ចាស់ សូមព្រះអង្គពិនិត្យមើលចិត្តទូលបង្គំ ហើយសម្អាតចិត្តទូលបង្គំឲ្យស្អាត។ ទូលបង្គំសូមប្រកាន់ខ្ជាប់តាមសេចក្តីពិតរបស់ព្រះអង្គ ក្នុងចិត្តទូលបង្គំ ដើម្បីកុំឲ្យទូលបង្គំធ្វើអំពើបាបទាស់ព្រះអង្គឡើយ។
For further study, read Grace: Accepting God’s Gift to You at DiscoverySeries.org/Q0613.
គម្រោងអានព្រះគម្ពីររយៈពេល១ឆ្នាំ: អេសាយ ៧-៨ និង អេភេសូរ ២