2022

You are here:

Home
2022

ការបញ្ចប់ឲ្យបានល្អ

December, នំម៉ាណាប្រចាំថ្ងៃBy Winn Collier 31/12/2022

ខ្ញុំបានតយុទ្ធយ៉ាងល្អ ខ្ញុំបានរត់ប្រណាំងជាស្រេច ខ្ញុំបានរក្សាសេចក្តីជំនឿទៅហើយ។ ២ធីម៉ូថេ ៤:៧ អ្នកស្រីមែន កួរ(Man Kaur) មានអាយុ១០៣ឆ្នាំហើយ តែគាត់បានចូលរួមប្រកួត ក្នុងនាមជាកីឡាករស្ត្រីឥណ្ឌាមានវ័យចំណាស់ជាងគេ ក្នុងអំឡុងពេលនៃការប្រកួតជើងឯក World Masters Athletic Championship នៅប្រទេសប៉ូឡូញ នៅឆ្នាំ២០១៩។ អ្វីដែលគួរឲ្យកត់សំគាល់នោះគឺ អ្នកស្រីមែន គួរ ឈ្នះបានមេដាយមាស៤ ក្នុងវិញ្ញាសារ៤មុខ(ការចោលលំពែង ការរត់ប្រណាំ៦០ម៉ែត្រ និងការរត់ប្រណាំ២០០ម៉ែត្រ)។ តែដែលគួរឲ្យភ្ញាក់ផ្អើលបំផុតនោះគឺ នៅឆ្នាំនោះ គាត់បានរត់លឿនជាងកាលដែលគាត់រត់ប្រណាំង នៅឆ្នាំ២០១៧។ គាត់ជាយាយតួត ដែលបានរត់ប្រណាំងចូលទៅក្នុងសតវត្សរ៍ទី២នៃជីវិតគាត់ ដោយបង្ហាញថា គាត់បានបញ្ចប់ដោយភាពរឹងមាំ។ សាវ័កប៉ុលបានសរសេរសំបុត្រផ្ញើរទៅលោកធីម៉ូថេ ដែលជាសិស្សដ៏ក្មេងវ័យ អំពីរបៀបដែលគាត់បានចូលទៅក្នុងឆ្នាំចុងក្រោយនៃជីវិតគាត់។ គាត់បានសរសេរថា “ឯពេលវេលាដែលខ្ញុំត្រូវលាទៅ ក៏បានមកដល់ហើយ”។ ផ្អែកទៅលើទីបន្ទាល់នៃជីវិតគាត់ គាត់មានទំនុកចិត្តថា គាត់កំពុងតែឈានដល់ការបញ្ចប់ ដោយភាពរឹងមាំ។ បានជាគាត់មានប្រសាសន៍ថា “ខ្ញុំបានតយុទ្ធយ៉ាងល្អ ខ្ញុំបានរត់ប្រណាំងជាស្រេច ខ្ញុំបានរក្សាសេចក្តីជំនឿទៅហើយ”(ខ.៧)។ សាវ័ករូបនេះ នៅតែស្មោះត្រង់ចំពោះព្រះយេស៊ូវ។ ទោះមានទុក្ខលំបាក ឬក្តីអំណរយ៉ាងណាក៏ដោយ ក៏គាត់នៅតែដើរតាមព្រះ ដែលបានរំដោះគាត់ឲ្យរួចផុតពីភាពហិនវិនាស។ ហើយគាត់ក៏ដឹងដែរថា ព្រះយេស៊ូវបានត្រៀមជាស្រេច…

Read article

ព្រះគុណព្រះ ក្នុងពេលដ៏វឹកវរ

December, នំម៉ាណាប្រចាំថ្ងៃBy adamholz 30/12/2022

នោះគេមានសេចក្តីអំណរដោយព្រោះស្ងប់ច្រៀបហើយ ទ្រង់ក៏នាំគេទៅដល់ទ្វារសមុទ្រ ដែលគេប្រាថ្នាចង់ទៅ។ ទំនុកដំកើង ១០៧:៣០ ពេលដែលខ្ញុំកំពុងតែគេងថ្ងៃ ដោយមិនបានព្រៀងទុក ខ្ញុំក៏បានជួបការរំខាន។ កូនប្រុសខ្ញុំបានលេងហ្គីតាសូឡូ ចេញពីបន្ទប់ក្រោមដីមក ធ្វើឲ្យជញ្ជាំងផ្ទះញ័រ។ គ្មានទេភាពសុខសាន្ត គ្មានទេភាពស្ងប់ស្ងាត់ សម្រាប់ឲ្យខ្ញុំគេង។ មួយស្របក់ក្រោយមក សម្លេងតន្ត្រីមួយទៀតបានប្រជែងនឹងសម្លេងហ្គីតាសូឡូរបស់គាត់ ក៏បានចូលក្នុងត្រចៀកខ្ញុំផងដែរ ដោយកូនស្រីខ្ញុំកំពុងលេងព្យាណូបទ “ព្រះគុណអស្ចារ្យ”។ តាមធម្មតា ខ្ញុំចូលចិត្តស្តាប់កូនប្រុសខ្ញុំលេងហ្គីតា តែក្នុងពេលនោះ តន្ត្រីរបស់គាត់បានរំខានការសម្រាករបស់ខ្ញុំ។ ភ្លាមៗនោះ ទំនុកភ្លេង “ព្រះគុណអស្ចារ្យ” របស់លោកចន ញូតុន(John Newton) ដែលកូនស្រីខ្ញុំបានបន្លឺឡើង ដោយឧបករណ៍ព្យាណូ បានធ្វើខ្ញុំនឹកចាំថា ព្រះគុណរបស់ព្រះបានចម្រើនឡើង ក្នុងពេលដ៏វឹកវរ។ ទោះព្យុះជីវិតមានសម្លេងលាន់ឮខ្លាំង គួរឲ្យរំខាន ឬធ្វើឲ្យយើងបាត់បង់ភាពនឹងនរ តែសម្លេងតន្ត្រីនៃព្រះគុណព្រះ នៅតែបន្លឺសម្លេងច្បាស់ ពីរោះ ដោយរំឭកយើងថា ព្រះអង្គកំពុងថែរក្សាការពារយើង។ នេះជាសេចក្តីពិត ដែលមានចែងក្នុងព្រះគម្ពីរ។ ក្នុងបទគម្ពីរ ទំនុកដំកើង ១០៧:២៣-៣២ ពួកនាវិកបានតយុទ្ធយ៉ាងខ្លាំងក្លា នឹងទឹកកួច ដែលអាចលេបត្របាក់ពួកគេយ៉ាងងាយ។ “ព្រលឹងគេក៏រលាយទៅ ដោយសេចក្តីអន្តរាយ”(ខ.២៦)។ តែពួកគេនៅតែមិនអស់សង្ឃឹម ហើយ “គេអំពាវនាវដល់ព្រះយេហូវ៉ា…

Read article

ព្រះអង្គហៅយើង ទោះយើងមនុស្សបែបណាក៏ដោយ

December, នំម៉ាណាប្រចាំថ្ងៃBy Patricia Raybon 29/12/2022

កាលទ្រង់បានហៅពួកសិស្សទាំង១២នាក់មកហើយ នោះក៏ប្រទានឲ្យគេមានអំណាច។ ម៉ាថាយ ១០:១ នៅយប់មួយនោះ ឆាឡុត អេលាត(Charlotte Elliott) គេងមិនលក់សោះ។ គាត់ជាមនុស្សដែលមានពិការភាពផ្នែករាងកាយ តាំងពីយូរមកហើយ ហើយនៅថ្ងៃបន្ទាប់ គាត់ត្រូវឡើងឆាក នៅកន្លែងលក់ឥវ៉ាន់រ៉ៃអង្គាសប្រាក់ ដែលពួកជំនុំបានរៀបចំ ដើម្បីឲ្យនាងអាចទទួលប្រាក់ឧបត្ថម្ភ សម្រាប់បង់ថ្លៃសាលា នៅថ្នាក់ខ្ពស់ជាមុន។ តែឆាឡុតក៏បានលើកហេតុផលថា នាងមិនមានភាពសក្តិសម ដែលគួរឲ្យគេជួយនោះទេ។ នាងត្រឡប់ខ្លួនចុះឡើងៗ ដោយគេងមិនលក់។ នាងមិនទុកចិត្តថា នាងមានលក្ខណៈសម្បត្តិគ្រប់គ្រាន់ ដោយចោទសួរផ្នែកនីមួយៗនៃជីវិតខាងវិញ្ញាណរបស់ខ្លួនឯង។ នៅថ្ងៃបន្ទាប់ នាងនៅតែមានអារម្មណ៍រសាប់រសល់ តែទីបំផុត នាងក៏បានទៅអង្គុយនៅតុរបស់នាង យកប៊ិច និងក្រដាសមកនិពន្ធបទទំនុកសកលមានចំណងជើងថា “ខ្ញុំមកថ្វាយខ្លួន” (បទលេខ ២០១) ជាបទដ៏ពេញនិយមក្នុងពេលបច្ចុប្បន្ន ដែលផ្តើមដោយពាក្យថា ៖ “ខ្ញុំមកថ្វាយខ្លួន ឥតមានអ្វីអាង អាងតែឈាមទ្រង់ហូរលើឈើឆ្កាង និងព្រះបន្ទូលជាទីសំអាង ឱព្រះអង្គសង្គ្រោះអើយ ខ្ញុំមក”។ ពាក្យពេចន៍ដែលនាងបានសរសេរក្នុងបទទំនុកសកលនេះ កាលពីឆ្នាំ១៨៣៥ គឺបានឆ្លុះបញ្ចាំងអំពីរបៀបដែលព្រះយេស៊ូវបានត្រាស់ហៅពួកសិស្សព្រះអង្គ ឲ្យចូលមកបម្រើព្រះអង្គ។ មិនមែនដោយសារពួកគេបានត្រៀមខ្លួនជាស្រេចដើម្បីដើរតាមព្រះអង្គនោះទេ។ ពួកគេមិនបានត្រៀមខ្លួន តែព្រះអង្គបានត្រាស់ហៅពួកគេ ទោះពួកគេកំពុងស្ថិតក្នុងសណ្ឋានបែបណាក៏ដោយ។ ក្រុមសាវ័ករបស់ព្រះអង្គ មានប្រភេទមនុស្សចម្រុះ១២នាក់ ដូចជា…

Read article

ទីបន្ទាល់ល្អ នៅក្នុងកិច្ចការទាំងអស់

December, នំម៉ាណាប្រចាំថ្ងៃBy Marvin Williams 28/12/2022

សេចក្តីបន្ទាល់របស់បញ្ញាចិត្តយើងខ្ញុំ ដែលសំដែងថា យើងខ្ញុំបានប្រព្រឹត្តក្នុងលោកីយ៍នេះ …ដោយសេចក្តីបរិសុទ្ធ និងសេចក្តីស្មោះត្រង់របស់ព្រះ។ ២កូរិនថូស ១:១២ កាលឆ្នាំ១៥២៤ លោកម៉ាទីន លូស័រ(Martin Luther) បានសង្កេតឃើញថា “ក្នុងចំណោមពួកអ្នកជំនួញ មានគោលការណ៍មួយ ដែលពួកគេបានយកជាអាទិភាពគឺ … ខ្ញុំមិនខ្វល់អ្វីសោះ អំពីអ្នកជិតខាងខ្ញុំ ដរាបណា ខ្ញុំបានទទួលផលចំណេញ ហើយបានបំពេញភាពលោភលន់របស់ខ្ញុំ”។ ជាង២រយឆ្នាំក្រោយមក លោកចន វូលមែន(John Woolman) មកពីតំបន់ម៉ោន ហូលី រដ្ឋញូជើរស៊ី បានអនុញ្ញាតឲ្យការប្ដេជ្ញាចិត្ត ដែលគាត់មានចំពោះព្រះ មានឥទ្ធិពលមកលើមុខរបរជាជាងកាត់ដេរសំលៀកបំពាក់របស់គាត់។ ដោយសារគាត់គាំទ្រការដោះលែងពួកទាសករនៅអាមេរិកឲ្យមានសេរីភាព នោះគាត់ក៏បានបដិសេធន៍មិនព្រមទិញផ្កាកប្បាស និងថ្នាំសម្រាប់ជ្រលក់ពណ៌ក្រណាត់ ពីក្រុមហ៊ុនដែលប្រើពលកម្មរបស់ទាសករនោះឡើយ។ ដោយបញ្ញាចិត្តដ៏ជ្រះថ្លា គាត់ក៏បានស្រឡាញ់អ្នកជិតខាងគាត់ ហើយរស់នៅ ដោយភាពទៀងត្រង់ នៅក្នុងការធ្វើជំនួញរបស់គាត់។ សាវ័កប៉ុលបានព្យាយាមរស់នៅ ដោយ “សេចក្តីបរិសុទ្ធ និងសេចក្តីស្មោះត្រង់”(២កូរិនថូស ១:១២)។ ពេលណាអ្នកខ្លះ ក្នុងពួកជំនុំក្រុងកូរិនថូស បានព្យាយាមធ្វើឲ្យគេឈប់ទទួលស្គាល់គាត់ជាសាវ័ករបស់ព្រះយេស៊ូវ គាត់ក៏បាននិយាយការពារការប្រព្រឹត្តដែលគាត់មានក្នុងចំណោមពួកគេ។ គាត់បានសរសេរថា គេអាចពិនិត្យមើលពាក្យសម្ភី និងការប្រព្រឹត្តរបស់គាត់ ឲ្យបានម៉ត់ចត់បំផុត(ខ.១៣)។ គាត់ក៏បានបង្ហាញផងដែរថា គាត់បានពឹងផ្អែកអំណាចចេស្ដា…

Read article

ព្រះទ្រង់មិនត្រូវការអ្វីទេ

UltimatelyBy Ultimately with R.C. Sproul 27/12/2022

ព្រះដែលគ្មានដែនកំណត់ និងមានគ្រប់អំណាចចេស្ដា ទ្រង់មិនខ្វះអ្វីសោះ ហើយក៏គ្មានតម្រូវការអ្វីដែរ។ នៅថ្ងៃនេះដែរ លោកគ្រូ អ ស៊ី ស្ព្រោល(R.C. Sproul) នឹងបង្រៀនយើងអំពីការស្គាល់អំណាចនៃភាពគ្រប់គ្រាន់របស់ព្រះ ដែលជួយឲ្យយើងយល់កាន់តែច្បាស់ អំពីការបង្កើត ការប្រោសលោះ និងជីវិតជាគ្រីស្ទបរិស័ទ។ អត្ថបទ តើព្រះទ្រង់ត្រូវការអ្វីខ្លះ ដើម្បីឲ្យមានព្រះជន្មរស់? ព្រះអង្គមិនត្រូវការអ្វីទាល់តែសោះ។ ព្រះអង្គមិនត្រូវការខ្យល់ដកដង្ហើម មិនត្រូវការពន្លឺថ្ងៃ មិនត្រូវការទឹក មិនត្រូវការពេទ្យ មិនត្រូវការការប្រកបគ្នា។ និយាយឲ្យខ្លី ព្រះទ្រង់មិនត្រូវការអ្វីទាំងអស់។ តើអ្នកអាចធ្វើអ្វីខ្លះ ដើម្បីបន្ថែមពីលើភាពពេញលេញ និងភាពគ្រប់គ្រាន់របស់ព្រះ? ព្រះទ្រង់មិនត្រូវការអ្នកឡើយ។ ព្រះអង្គក៏មិនត្រូវការអ្វីពីអ្នក ឬត្រូវការឲ្យអ្នកធ្វើជាអ្វីមួយ សម្រាប់ព្រះអង្គដែរ។ ហើយព្រះអង្គក៏មិនត្រូវការខ្ញុំ។ ជួនកាល យើងចូលចិត្តគិតថា បើមិនមែនដោយសារយើងទេ នោះនគរព្រះនឹងរលាយ ហើយព្រះអង្គនឹងមានការខ្វះខាត បើយើងមិនធ្វើការថ្វាយព្រះអង្គ។ លោកយ៉ូណាថាន អេដវើត(Jonathan Edwards) បានមានបង្រៀនថា កិច្ចការដែលយើងធ្វើថ្វាយព្រះ ដោយជួយអ្នកខ្វះខាត អ្នកគ្មានសំលៀកបំពាក់ អ្នកដែលមានភាពឯកោ គឺបានធ្វើឲ្យព្រះទ្រង់សព្វព្រះទ័យ ព្រោះវិធីដ៏ត្រឹមត្រូវ ដើម្បីឲ្យយើងបង្ហាញការដឹងគុណដល់ព្រះ ដែលមិនចេះខ្វះអ្វីសោះ និងមានភាពគ្រប់គ្រាន់ គឺយើងត្រូវប្រើភាពគ្រប់គ្រាន់របស់យើង ដើម្បីជួយអ្នកដែលមានតម្រូវការ…

Read article

មានចង្វាក់បេះដូងដូចគ្នា

December, នំម៉ាណាប្រចាំថ្ងៃBy Kirsten Holmberg 27/12/2022

កាលដើមដំបូងឡើយ ព្រះបានបង្កើតផ្ទៃមេឃ និងផែនដី។ លោកុប្បត្ដិ ១:១ ការនិទានរឿងបានធ្វើឲ្យមនុស្សមានការជក់ចិត្តដិតអារម្មណ៍ ចាប់តាំងពីដើមកំណើតនៃមនុស្សជាតិ ដោយមានតួនាទី ផ្ទេរចំណេះដឹង តាំងពីមុនពេលដែលមនុស្សចាប់ផ្តើមប្រើភាសាសរសេរ។ យើងរាល់គ្នាសុទ្ធតែមានចិត្តរីករាយ ពេលដែលឮ ឬអានរឿង ដែលចាប់ផ្តើមដោយពាក្យថា “កាលពីព្រេងនាយ”។ អំណាចនៃការនិទានរឿង ហាក់ដូចជាមិនគ្រាន់តែផ្តល់ឲ្យយើងនូវការកម្សាន្តសប្បាយប៉ុណ្ណោះទេ តែក៏បានជួយឲ្យបេះដូងយើងលោតឡើង ដោយចង្វាក់ដែលស្របគ្នា ពេលដែលយើងបានស្តាប់រឿងណាមួយ ជាមួយគ្នា។ បេះដូងរបស់យើងម្នាក់ៗ លោតដោយចង្វាក់ផ្សេងគ្នា នៅថ្ងៃនីមួយៗ ហើយអាចមានចង្វាក់ដូចនរណាម្នាក់ នៅពេលខ្លះ តែទោះជាយ៉ាងណាក៏ដោយ ការស្រាវជ្រាវថ្មីៗនេះ បានបង្ហាញថា បេះដូងយើងអាចមានចង្វាក់ដូចគ្នា ពេលណាយើងបានស្តាប់រឿងណាមួយ ជាមួយគ្នា។ ព្រះទ្រង់ក៏បាននិទានរឿងរបស់ព្រះអង្គ ឲ្យយើងស្តាប់ ផ្តើមដោយពាក្យថា “កាលដើមដំបូងឡើយ”(លោកុប្បត្តិ ១:១)។ ចាប់តាំងពីពេលដែលលោកអ័ដាម និងនាងអេវ៉ាមានខ្យល់ដង្ហើមជាលើកទី១(ខ.២៧) ព្រះទ្រង់បានប្រើរឿងនេះ ដើម្បីកែប្រែជីវិតយើងម្នាក់ៗ ហើយដែលសំខាន់ជាងនេះទៀតនោះ ព្រះអង្គក៏បានប្រើរឿងនេះ ដើម្បីឲ្យយើងមានការរួបរួមគ្នា ក្នុងនាមជាកូនព្រះអង្គផងដែរ។ តាមរយៈព្រះគម្ពីរប៊ីប ដែលជាសៀវភៅរឿងដ៏អស្ចារ្យបំផុត ដែលគ្មានការប្រឌិត ចិត្តរបស់យើងបានចងភ្ជាប់គ្នា ក្នុងនាមជាអ្នកជឿព្រះយេស៊ូវ ជារាស្ត្រដែលព្រះអង្គបានញែក សម្រាប់បំពេញបំណងព្រះទ័យព្រះអង្គ(១ពេត្រុស ២:៩)។ ចូរយើងឆ្លើយតបចំពោះព្រះអង្គ ដោយចិត្តគំនិតដូចគ្នាតែមួយ…

Read article

ពេលណាអ្នកមានការភ័យខ្លាច

December, នំម៉ាណាប្រចាំថ្ងៃ legacyBy Karen Huang 26/12/2022

ទេវតានៃព្រះយេហូវ៉ា ក៏លេចមកឲ្យលោកឃើញ ហើយប្រាប់ថា នែ អ្នកពូកែក្លាហានអើយ ព្រះយេហូវ៉ាទ្រង់គង់ជាមួយនឹងឯង។ ពួកចៅហ្វាយ ៦:១២ ខ្ញុំដល់ពេលត្រូវទៅពិនិត្យសុខភាព តាមការណាត់ជួបជាមួយគ្រូពេទ្យ ហើយទោះខ្ញុំមិនមានការព្រួយបារម្ភអំពីសុខភាពក៏ដោយ ក៏ខ្ញុំនៅតែមានអារម្មណ៍ខ្លាចមិនចង់ទៅពេទ្យ។ ខ្ញុំមានការភ័យខ្លាច ដោយសារខ្ញុំបាននឹកចាំ អំពីបទពិសោធន៍ដ៏អាក្រក់ ក្នុងការពិនិត្យសុខភាពតាំងពីយូរមកហើយ។ ខ្ញុំដឹងថា ព្រះទ្រង់គង់នៅជាមួយខ្ញុំ ហើយខ្ញុំត្រូវតែទុកចិត្តព្រះអង្គ តែខ្ញុំនៅតែមានការភ័យខ្លាច។ ពេលនោះ ខ្ញុំមានការខកចិត្ត ចំពោះខ្លួនឯង ដែលមានការភ័យខ្លាច និងខ្វះជំនឿ។ បើព្រះទ្រង់តែងតែគង់នៅក្បែរខ្ញុំ ហេតុអ្វីខ្ញុំនៅតែថប់បារម្ភ? បន្ទាប់មក នៅពេលព្រឹកថ្ងៃមួយ ខ្ញុំជឿថា ព្រះអង្គបានដឹកនាំខ្ញុំ ឲ្យមើលរឿងលោកគេឌាន។ ព្រះទ្រង់បានហៅលោកគេឌានថា “អ្នកប្រយុទ្ធដ៏ខ្លាំងពូកែ”(ពួកចៅហ្វាយ ៦:១២) តែគាត់មានការភ័យខ្លាច ក្នុងការបំពេញភារកិច្ចដឹកនាំទ័ពវាយលុកពួកម៉ាឌាន។ ទោះព្រះទ្រង់បានសន្យាថា នឹងគង់នៅជាមួយ និងប្រទានជ័យជម្នះក៏ដោយ ក៏លោកគេឌាននៅតែទូលសូមទីសម្គាល់ម្តងហើយម្តងទៀត(ខ.១៦-២៣,៣៦-៤០)។ ទោះជាយ៉ាងណាក៏ដោយ ព្រះទ្រង់មិនបានថ្កោលទោសលោកគេឌាន ដោយសារគាត់មានការភ័យខ្លាចនោះទេ។ ព្រះអង្គយល់ចិត្តគាត់។ នៅពេលយប់នៃការប្រយុទ្ធ ព្រះអង្គបានធានាលោកគេឌានម្តងទៀត អំពីជ័យជម្នះ ហើយថែមទាំងបានប្រទានគាត់ នូវវិធីជម្នះការភ័យខ្លាចផងដែរ(៧:១០-១១)។ ព្រះទ្រង់ក៏ជ្រាបអំពីការភ័យខ្លាចរបស់ខ្ញុំផងដែរ។ ការធានារបស់ព្រះអង្គ បាននាំឲ្យខ្ញុំមានចិត្តក្លាហាន ក្នុងការទុកចិត្តព្រះអង្គ។ ខ្ញុំបានស្គាល់សន្តិភាពរបស់ព្រះអង្គ…

Read article

នៅពីក្រោយភាពល្អឥតខ្ចោះ

December, នំម៉ាណាប្រចាំថ្ងៃ legacyBy Tim Gustafson 25/12/2022

ដ្បិតពួកប្អូនទ្រង់មិនបានជឿដល់ទ្រង់ទេ។ យ៉ូហាន ៧:៥ វីដេអូរឿងបុណ្យណូអែល ដែលគ្រួសារលោកបាកឃ័រ(Barker) បានសម្តែងមើលទៅ ហាក់ដូចជាធ្វើបានយ៉ាងល្អឥតខ្ចោះ។ ក្នុងវីដេអូនោះ គេឃើញអ្នកគង្វាល៣នាក់ ដែលបានស្លៀករ៉ូប (សម្ដែងដោយ ក្មេងប្រុសរបស់គ្រួសារនេះ) បានអង្គុយជុំវិញភ្នក់ភ្លើង ក្នុងវាលស្មៅ។ ភ្លាមៗនោះទេវតាមួយអង្គបានចុះមកពីទួល (សម្ដែងដោយបងស្រីរបស់ពួកគេ) ដោយភាពត្រចេះត្រចង់ណាស់ ទាស់តែនាងមានពាក់ស្បែកជើងកីឡាពណ៌ផ្កាឈូក។ ពេលដែលភ្លេងក្នុងវីដេអូនោះ កាន់តែកន្ត្រាក់អារម្មណ៍ ពួកអ្នកគង្វាលនោះក៏បានមើលទៅមេឃ ដោយការភ្ញាក់ផ្អើល។ ពួកគេបានដើរតាមផ្លូវលំមួយ នៅក្នុងវាលស្មៅ ឆ្ពោះទៅរកទារក ដែលជាទារកពិត សម្ដែងដោយប្អូនប្រុសរបស់ពួកគេ នៅក្នុងក្រោលសត្វសម័យបច្ចុប្បន្ន។ ពេលនោះ បងស្រីច្បងរបស់ពួកគេក៏បានដើរតួជានាងម៉ារាវិញម្តង។ បន្ទាប់មក ចូលដល់វគ្គបន្ថែម ឪពុករបស់ពួកគេក៏បានបង្ហើបឲ្យយើងទស្សនាទិដ្ឋភាពក្រៅឆាក។ ពេលកំពុងសម្ដែង ក្មេងតូចៗទាំងនោះបានរអ៊ូថា “ខ្ញុំរងាណាស់”។ “ខ្ញុំត្រូវទៅបន្ទប់ទឹកឥឡូវនេះ” “តើយើងអាចទៅផ្ទះបានទេ?” ម្តាយរបស់ពួកគេក៏បានប្រាប់ពួកគេម្តងហើយម្តងទៀត ឲ្យផ្ដោតអារម្មណ៍ក្នុងការសម្ដែង។ ធាតុពិតនៃការសម្ដែងរបស់ពួកគេ គឺមិនមានភាពល្អឥតខ្ចោះ ដូចដែលគេបានគិតស្មាននោះទេ។ យើងងាយនឹងមើលឃើញភាពរលូន នៃសាច់រឿងរបស់បុណ្យណូអែលដំបូងបំផុត ដែលមានចែងក្នុងព្រះគម្ពីរ។ ព្រះជន្មរបស់ព្រះយេស៊ូវមានភាពល្អឥតខ្ចោះតាំងពីដើមដំបូង។ ស្តេចហេរ៉ូឌបានព្យាយាមធ្វើគុតព្រះអង្គ កាលព្រះអង្គជាទារកតូច(ម៉ាថាយ ២:១៣)។ នាងម៉ារា និងលោកយ៉ូសែបមានការយល់ច្រឡំមកលើព្រះអង្គ(លូកា ២:៤១-៥០)។ លោកិយស្អប់ព្រះអង្គ(យ៉ូហាន ៧:៧)។…

Read article

អំណាចនៃព្រះបន្ទូលព្រះ

December, នំម៉ាណាប្រចាំថ្ងៃBy Xochitl Dixon 24/12/2022

នោះពាក្យអញ ដែលចេញពីមាត់អញទៅ ក៏មិនដែលវិលមកឯអញវិញ ដោយឥតកើតផលយ៉ាងដូច្នោះដែរ។ អេសាយ ៥៥:១១ នៅពេលល្ងាច មុនពេលថ្ងៃបុណ្យណូអែល នៅ ឆ្នាំ១៩៦៨ លោកហ្វ្រែង ប៊រមែន(Frank Borman) លោកជីម ឡូវែល(Jim Lovell) និងលោកប៊ីល អ៊ែនឌ័រ(Bill Anders) បានក្លាយជាមនុស្សដំបូងបំផុត ដែលបានចូលទៅក្នុងគន្លងហោះហើរជុំវិញស្ថានព្រះច័ន្ទ។ ពេលដែលពួកគេបានហោះហើរក្រឡឹងជំវិញស្ថានព្រះចន្ទបាន១០ដង ពួកគេក៏បានចែករំលែករូបថតស្ថានព្រះចន្ទ និងផែនដី ដែលពួកគេថតបាន។ ក្នុងអំឡុងពេលផ្សាយបន្តផ្ទាល់តាមទូរទស្សន៍ ពួកគេក៏បានអាចបទគម្ពីរលោកុប្បត្ដិ ជំពូក១ ម្តងម្នាក់។ នៅក្នុងការអបអរខួបទី៤០ លោកប៊រមែនក៏បានមានប្រសាសន៍ថា “កាលនោះ គេបានប្រាប់យើងថា នៅពេលល្ងាច មុនថ្ងៃណូអែល យើងនឹងមានចំនួនអ្នកស្តាប់តាមរលកធាតុអាកាសច្រើនបំផុត ក្នុងប្រវត្តិសាស្ត្រ។ ហើយអង្គការណាសាគ្រាន់តែបានណែនាំយើងឲ្យនិយាយអ្វីដែលត្រឹមត្រូវប៉ុណ្ណោះ”។ ដូចនេះ ពួកគេក៏បានសម្រេចចិត្តអានខគម្ពីរនោះ ដែលនៅតែបានដាំគ្រាប់ពូជនៃសេចក្តីពិត ក្នុងចិត្តរបស់មនុស្សជាច្រើន ដែលបានស្តាប់ការចាក់ផ្សាយជាប្រវត្តិសាស្ត្រនោះ។ ព្រះទ្រង់បានមានបន្ទូល តាមរយៈហោរាអេសាយថា “ចូរឱនត្រចៀក ហើយមកឯអញ ចូរស្តាប់ចុះ នោះព្រលឹងឯងនឹងបានរស់នៅ”(អេសាយ ៥៥:៣)។ ព្រះអង្គបានបង្ហាញនូវការប្រទានសេចក្តីសង្គ្រោះដោយឥតគិតថ្លៃ ដើម្បីអញ្ជើញយើង ឲ្យងាកបែរពីបាប និងទទួលសេចក្តីមេត្តា និងការអត់ទោសបាបពីព្រះអង្គ(ខ.៦-៧)។…

Read article

ថ្លែងប្រាប់មនុស្សជំនាន់ក្រោយ

December, នំម៉ាណាប្រចាំថ្ងៃBy Kirsten Holmberg 23/12/2022

មាត់ទូលបង្គំនឹងថ្លែងប្រាប់ពីសេចក្តីសុចរិត និងពីសេចក្តីសង្គ្រោះរបស់ទ្រង់ជាដរាបរាល់ថ្ងៃ ពីព្រោះទូលបង្គំមិនដឹងជាមានចំនួនប៉ុន្មានទេ។ ទំនុកដំកើង ៧១:១៥ សត្វត្រីបាឡែន ដែលអ្នកស្រាវជ្រាវបានដាក់ឈ្មោះឲ្យថា “យាយត្រីបាឡែន” ទំនងជាដឹងអំពីសារៈសំខាន់នៃតួនាទីរបស់វា ក្នុងការរស់នៅរបស់ត្រីបាឡែនដែលជា “ចៅ” របស់វា។ មេរបស់ត្រីបាឡែននេះបានស្លាប់កាលពីពេលថ្មីៗនេះ ធ្វើឲ្យកូនត្រីបាឡែនកំព្រានេះ មិនមានវ័យធំល្មមនឹងអាចរស់នៅ ដោយខ្លួនឯង ដោយគ្មានការការពារ និងការគាំទ្រ។ យាយត្រីបាឡែន ដែលស្ថិតក្នុងវ័យប្រហែល៨០ឆ្នាំ ក៏បានទៅណាមកណាជាមួយវា ដើម្បីបង្រៀនវាឲ្យចេះរស់នៅ ដោយខ្លួនឯង។ យាយត្រីបាឡែនបានប្រមូលត្រីខ្លះ ឲ្យកូនត្រីបាឡែននោះស៊ី ជាជាងស៊ីត្រីទាំងនោះ ដោយខ្លួនឯង ដើម្បីឲ្យវាមិនគ្រាន់តែមានអាហារបរិភោគ តែក៏បានដឹងថា មានអ្វីខ្លះដែលវាត្រូវស៊ី ហើយវាអាចទៅរកត្រីសាម៉ុងនៅកន្លែងណា ដើម្បីឲ្យវាអាចមានជីវិតរស់។ យើងក៏មានកិត្តិយស និងក្តីអំណរពិសេស ក្នុងការចែកចាយអ្វីដែលយើងបានដឹង ពោលគឺយើងអាចចែកចាយអំពីកិច្ចការដ៏អស្ចារ្យដែលព្រះទ្រង់បានធ្វើ និងលក្ខណៈសម្បត្តិរបស់ព្រះអង្គ ដល់មនុស្សជំនាន់ក្រោយ។ អ្នកនិពន្ធបទគម្ពីរទំនុកដំកើងដែលមានវ័យចាស់ បានទូលសូមព្រះអនុញ្ញាតឲ្យគាត់ “បានថ្លែងប្រាប់ពីព្រះចេស្ដាទ្រង់ ដល់ដំណមនុស្សជាន់ក្រោយ និងពីឥទ្ធានុភាពទ្រង់ ដល់ពួកអ្នកដែលត្រូវកើតខាងមុខ”(ទំនុកដំកើង ៧១:១៨)។ គាត់មានចិត្តឆេះឆួលចង់ចែករំលែកអ្វីដែលគាត់បានដឹងអំពីព្រះ ដល់អ្នកដទៃ ដែលមានដូចជា “សេចក្តីសុចរិត” និង “សេចក្តីសង្គ្រោះ” របស់ព្រះអង្គ ដែលយើងត្រូវការ ដើម្បីមានការចម្រើនឡើង(ខ.១៥)។ ទោះយើងមិនមានសក់ស្កូវ…

Read article

2022

នំម៉ាណាប្រចាំថ្ងៃ - Daily Manna

Useful links

Contact info

[email protected]

Newsletter signup