ក្តីអាណិតជំនួសឲ្យភាពល្វីងជូរចត់
ចូរខំដកគ្រប់ទាំងសេចក្តីជូរល្វីង ក្តៅក្រហាយ កំហឹង ឡូឡា ជេរប្រមាថ និងគ្រប់ទាំងសេចក្តីអាក្រក់ ចេញពីពួកអ្នករាល់គ្នាទៅ។ អេភេសូរ ៤:៣១ កាលអគារមជ្ឈមណ្ឌលពាណិជ្ជកម្មពិភពលោក បានដួលរំលំ នៅថ្ងៃទី១១ ខែកញ្ញា ឆ្នាំ២០០១ លោកក្រេក រ៉ូឌ្រីកេស(Greg Rodriguez) ស្ថិតក្នុងចំណោមជនរងគ្រោះ ដែលបានស្លាប់ នៅក្នុងសំណល់បាក់បែក។ ខណៈពេលដែលអ្នកស្រីភីលីស(Phyllis) ជាម្តាយរបស់គាត់ និងឪពុកគាត់កំពុងសោកសង្រេង ពួកគេក៏បានពិចារណាយ៉ាងប្រុងប្រយ័ត្ន អំពីការឆ្លើយតបរបស់ពួកគេ ចំពោះការវាយប្រហារដ៏តក់ស្លុតនេះ។ នៅឆ្នាំ២០០២ អ្នកស្រីភីលីសក៏បានជួបអ្នកស្រី អៃខា អែល វ៉ាហ្វេ(Aicha el-Wafe) ជាម្តាយរបស់បុរសម្នាក់ ក្នុងចំណោមពួកអ្នកដែលគេបានចោលប្រកាន់ថា បានធ្វើការវាយប្រហារដ៏គួរឲ្យតក់ស្លុតនេះ។ អ្នកស្រីភីលីសក៏បាននិយាយថា “ខ្ញុំបានដើរចូលទៅជិតអ្នកស្រីអៃខា ហើយក៏បានឱបគ្នាយំ … ភ្លាមៗនោះ ខ្ញុំ និងអ្នកស្រីអៃខាមានចំណងមិត្តភាព … ដោយសារយើងទាំងពីរនាក់សុទ្ធតែសោកសង្រេង ដោយសារកូនប្រុសដូចគ្នា”។ អ្នកស្រីភីលីស បានជួបអ្នកស្រីអៃខា ក្នុងពេលដែលមានការឈឺចាប់ និងសោកសង្រេងដូចគ្នា។ អ្នកស្រីភីលីសជឿថា កំហឹងដែលកើតឡើង ដោយសារការស្លាប់របស់កូនប្រុសគាត់ មិនអាចព្យាបាលការឈឺចាប់របស់គាត់បានឡើយ។ ពេលគាត់បានស្តាប់រឿងគ្រួសាររបស់អ្នកស្រីអៃខា គាត់ក៏មានចិត្តអាណិត…
Read article
