Arthur Jackson

You are here:
ជម្នះ​ទុក្ខ​លំបាក ដោយ​សេចក្តី​ជំនឿ

ទំនុក​ដំកើង ៥៦:១-៤ តែ​វេលា​ណា​ដែល​ទូល​បង្គំ​ភ័យ នោះ​ទូល​បង្គំ​នឹង​ទុកចិត្ត​ដល់​ទ្រង់​។ ទំនុក​ដំកើង ៥៦:៣ ការ​ពិនិត្យ​សុខ​ភាព​ជា​ទៀង​ទាត់ សម្រាប់​ក្មេង​ប្រុស​អាយុ៤ឆ្នាំ​ម្នាក់ ឈ្មោះ​កាល់វីន(Calvin) បាន​បន្សល់​ទុក​ស្លាកស្នាម​មួយ​ចំនួន នៅ​លើ​រូបកាយ​គាត់​ដែលគេ​មិន​នឹក​ស្នាន​ដល់​។ ក្នុង​អំឡុង​ពេល​នៃ​ការ​ជួប​គ្រូ​ពេទ្យ គេ​បាន​ចាក់​ថ្នាំ​ឲ្យ​គាត់​ពីរបី​ម្ជុល ហើយ​គេ​ក៏​បាន​បិទ​បង់​ស្អិត​ពីលើ​កន្លែង​ចាក់​ឆ្នាំ​នោះ​។ កាល​ពួកគេ​ដល់​ពេល​​ត្រូវ​បក​បង់​ស្អិត​នៅ​ផ្ទះ កាល់វីន​ក៏បាន​បញ្ចេញ​សម្លេង​យំ ដោយ​ការ​ភ័យ​ខ្លាច​។ បុរស​ជា​ឪពុក​ក៏​បាន​ព្យាយាម​លួង​កូន​ប្រុស​គាត់ ដោយ​និយាយថា “កាល់វីន កូន​ដឹង​ហើយ​ថា ប៉ា​មិន​ដែល​ធ្វើ​ការ​អាក្រក់​មក​លើ​កូន​ទេ”។ បុរស​ជា​ឪពុក​ចង់​ឲ្យ​កូន​ប្រុស​ខ្លួន​ទុកចិត្ត​គាត់ ជាជាង​ខ្លាច​ការ​ឈឺ​ចាប់ ក្នុង​ការ​បក​បង់​ស្អិត​ចេញ​។ មិនមែន​មានតែ​ក្មេងៗ​អាយុ៤ឆ្នាំ​ទេ ដែល​មាន​ការ​ភ័យ​ខ្លាច នៅ​ចំពោះ​មុខ​នៃ​ការ​ឈឺ​ចាប់​។ ការ​វះ​កាត់ ការ​បែក​បាក់​ពី​មនុស្ស​ជាទី​ស្រឡាញ់ បញ្ហា​ផ្លូវ​ចិត្ត និង​បញ្ហា​ប្រឈម​ផ្សេង​ទៀត គឺ​សុទ្ធតែ​បណ្តាល​ឲ្យ​យើង​មាន​ការ​ភ័យ​ខ្លាច ដក​ដង្ហើម​ធំ សោក​សង្រេង និង​ត្អូញត្អែរ​។ ស្តេច​ដាវីឌ​ក៏​ធ្លាប់​ស្ថិត​ក្នុង​ពេល​ភ័យ​ខ្លាច​ជា​ច្រើន​ដង​។ មាន​ពេល​មួយ​នោះ ទ្រង់​បាន​រត់​ចូល​ទឹកដី​របស់​សាសន៍​ភីលីស្ទីន ខណៈ​ពេល​ដែល​ទ្រង់​រត់​គេច​ពី​ស្តេច​សូល​ដែល​មាន​ការ​ច្រណែន​ឈ្នានីស​។ នៅពេល​ដែល​សាសន៍​ភីលីស្ទីន​មើល​ទ្រង់​ស្គាល់ ទ្រង់​មាន​ការ​ថប់​បារម្ភ ចំពោះ​គ្រោះ​ថ្នាក់​ដែល​អាច​កើត​មាន​ចំពោះ​ទ្រង់ (មើល ១សាំយ៉ូអែល ២១:១០-១១) ទ្រង់​មាន​ការ​ភ័យ​ខ្លាច​យ៉ាង​ខ្លាំង ចំពោះ​ស្តេច​អ័គីស ជា​ស្តេច​ក្រុង​កាថ(ខ.១២)។ នៅពេល​ដែល​ទ្រង់​នឹក​ចាំ​អំពី​ពេល​ដ៏​ពិបាក​នោះ ទ្រង់​ក៏បាន​តែង​ជា​ទំនុក​ដំកើង​ថា “តែ​វេលា​ណា​ដែល​ទូល​បង្គំ​ភ័យ នោះ​ទូល​បង្គំ​នឹង​ទុកចិត្ត​ដល់​ទ្រង់ …គឺ​សេចក្តី​ពឹងពាក់​របស់​ទូល​បង្គំ នោះ​បាន​ទុក​នៅ​ក្នុង​ព្រះ…

Read article
ព្រះ​ទ្រង់​ជា​ជំនួយ​របស់​ខ្ញុំ

យ៉ូស្វេ ១៤:៦-១២ ខ្ញុំ​មិន​ព្រម​ខ្លាច​ឡើយ ព្រោះ​ព្រះអម្ចាស់​ទ្រង់​ជា​ជំនួយ​ខ្ញុំ តើ​មនុស្ស​នឹង​ធ្វើ​ដល់​ខ្ញុំ​ជា​យ៉ាង​ណា​បាន​។ ហេព្រើរ ១៣:៦ មិត្ត​ភក្តិ​របស់​ខ្ញុំ​ឈ្មោះ រ៉ាលេក(Raleigh) កំពុង​ឈាន​ចូលវ័យ៨៥ឆ្នាំ! ចាប់​តាំងពី​ពេល​ដែល​ខ្ញុំ​បាន​សន្ទនា​ជា​លើក​ដំបូង​ជាមួយ​គាត់ ប្រហែល៣៥ឆ្នាំ​មុន គាត់​បាន​ផ្តល់​ឲ្យ​នូវ​ការ​លើក​ទឹក​ចិត្ត​ជា​ច្រើន​សម្រាប់​ខ្ញុំ​។ នៅពេល​ដែល​គាត់​បាន​លើក​ឡើង អំពី​រឿង​នេះ នៅពេល​ថ្មីៗ​នេះ ចាប់​តាំងពី​ពេល​ដែល​គាត់​បាន​ចូល​និវត្តន៍ គាត់​បាន​បញ្ចប់​ការ​និពន្ធ​សៀវភៅ​មួយ​ក្បាល ហើយ​ចាប់​ផ្តើម​ការងារ​មួយ​ទៀត សម្រាប់​បម្រើ​ព្រះ ក្នុង​ផ្នែក​និពន្ធ​សៀវភៅ ។ ពេល​នោះ ខ្ញុំ​មាន​ការ​ចាប់​អារម្មណ៍​ណាស់ តែ​មិន​មាន​ការ​ភ្ញាក់​ផ្អើល​ទេ​។ ក្នុង​ព្រះ​គម្ពីរ កាល​លោក​កាលែប មាន​អាយុ៨៥ឆ្នាំ គាត់​ក៏​មិន​បាន​ឈប់​ធ្វើ​ការ​បម្រើ​ព្រះអង្គ​ដែរ​។ ជំនឿ និង​ភាព​ប្តូរ​ផ្តាច់​ដែល​គាត់​មាន​ចំពោះ​ព្រះអម្ចាស់ បាន​ជួយ​ទ្រទ្រង់​ជីវិត​គាត់ ក្នុង​ការ​ឆ្លង​កាត់​ការ​រស់នៅ ក្នុង​វាល​រហោស្ថាន​ជា​ច្រើន​ទសវត្សរ៍ និង​ក្នុង​សង្គ្រាម ដើម្បី​ថែរក្សា​មរតក​ដែល​ព្រះ​ទ្រង់​សន្យា​ប្រទាន​រាស្រ្ត​អ៊ីស្រាអែល​។ គឺ​ដូច​ដែល​គាត់​បាន​មាន​ប្រសាសន៍​ថា “សព្វថ្ងៃ​នេះ​ខ្ញុំ​នៅតែ​មាន​កំឡាំង ដូច​ក្នុង​កាលដែល​លោក​ម៉ូសេ​បាន​ចាត់​ខ្ញុំ​ឲ្យ​ទៅនោះ​នៅឡើយ កំឡាំង​ខ្ញុំ​ឥឡូវ​នេះ​ក៏​ដូចជា​កាលពី​ដើម​ដែរ សំរាប់​នឹង​ទៅ​ច្បាំង​ទាំង​ចេញទៅ​ហើយ​ចូល​មក​វិញ​ផង”(យ៉ូស្វេ ១៤:១១)។ តើ​គាត់​អាច​មាន​ជ័យ​ជម្នះ ដោយ​របៀបណា? លោក​កាលែប​បាន​ប្រកាស​ថា គឺ​ដោយ​ព្រះអម្ចាស់​គង់នៅ​ជាមួយ​គាត់(ខ.១២)។ ព្រះ​ទ្រង់​ជួយ​អ្នក​ដែល​ទុកចិត្ត​ព្រះអង្គ​អស់ពី​ចិត្ត ទោះ​ពួកគេ​មាន​អាយុ​ប៉ុន្មាន ស្ថិត​ក្នុង​ដំណាក់​កាលណា ឬ​កាលៈទេសៈ​មួយ​ណា ក្នុង​ជីវិត​ក៏ដោយ​។ ព្រះអម្ចាស់​បាន​បង្ហាញ​អង្គ​ទ្រង់ ឲ្យ​មនុស្ស​បាន​ឃើញ តាមរយៈ​ព្រះគ្រីស្ទ​។ កណ្ឌ​គម្ពីរ​ដំណឹង​ល្អ​បាន​បណ្តាល​ចិត្ត​យើង​ឲ្យ​ជឿ​លើ​ព្រះ…

Read article
ការ​ជ្រើស​រើស​យក​ផ្លូវ​ជីវិត

សុភាសិត ១៤:៨-១២ មាន​ផ្លូវ​មួយ​ដែល​មើលទៅ​ដូចជា​ត្រឹម​ត្រូវ​ល្អ ដល់​មនុស្ស តែ​ចុង​បំផុត​នៃ​ផ្លូវ​នោះ គឺជា​សេចក្តី​ស្លាប់​វិញ​។ សុភាសិត ១៤:១២ មាន​ពេល​មួយ លោក​គ្រូ​គង្វាល​ ដាមៀន(Damian) បាន​រៀបចំ​ពេល​ទៅ​សួរ​សុខ​ទុក្ខ​អ្នក​ជំងឺ​ពីរ​នាក់ ដែល​ជិត​ស្លាប់​ក្នុង​មន្ទីរ​ពេទ្យ​ផ្សេង​គ្នា ហើយ​ធ្លាប់​បាន​ជ្រើស​រើស​យក​ផ្លូវ​ជីវិត​ពីរ​ខុស​គ្នា​។ អ្នក​ជំងឺ​ទីមួយ​ជា​ស្រ្តី​ដែល​ក្រុម​គ្រួសារ​ស្រឡាញ់​យ៉ាង​ខ្លាំង​។ ការ​បម្រើ​អ្នក​ដទៃ​ដោយ​មិន​គិត​ប្រយោជន៍​ផ្ទាល់​ខ្លួន បាន​បណ្តាល​ឲ្យ​មនុស្ស​ជា​ច្រើន​ស្រឡាញ់​គាត់​។ គ្រីស្ទបរិស័ទ​ផ្សេង​ទៀត​បាន​មក​ជួប​ជុំ​គ្នា នៅ​ជុំ​វិញ​គាត់ ដោយ​ថ្វាយបង្គំ​ព្រះ អធិស្ឋាន​ឲ្យ​គាត់ ហើយ​ក្តី​សង្ឃឹម​ក៏បាន​កើត​មាន​ពេញ​បន្ទប់​ដែល​គាត់​សម្រាក​ព្យាបាល​។ ក្នុង​មន្ទីរ​ពេទ្យ​មួយ​ទៀត សាច់​ញាតិ​របស់​សមាជិក​ពួក​ជំនុំ​របស់​លោក​គ្រូ ដាមៀម ក៏​កំពុងតែ​មាន​ជំងឺ​ជិត​ស្លាប់​ផង​ដែរ​។ បុរស​នោះ​មាន​ចិត្ត​រឹង​ទទឹង ជា​ហេតុ​នាំ​ឲ្យ​ការ​រស់នៅ​មាន​ការ​លំបាក​យ៉ាង​ខ្លាំង ហើយ​ក្រុម​គ្រួសារ​របស់​គាត់​មាន​ភាព​រញ៉េរញ៉ៃ ក្នុង​ការ​រស់នៅ ដោយសារ​ការ​សម្រេច​ចិត្ត​ខុស និង​ទង្វើ​អាក្រក់​របស់​គាត់​។ បរិយាកាស​នៃ​ជីវិត​ចុង​ក្រោយ​របស់​អ្នក​ទាំង​ពីរ បាន​ឆ្លុះ​បញ្ចាំង​អំពី​ភាព​ខុស​គ្នា​នៃ​ការ​រស់នៅ​របស់​ពួកគេ​។ អ្នក​ដែល​បាន​ខកខាន​មិន​បាន​ពិចារណា អំពី​គោលដៅ​ដែល​ពួកគេ​កំពុង​ធ្វើ​ដំណើរ​ឆ្ពោះ​ទៅ​រក ក្នុង​ជីវិត ច្រើនតែ​ជាប់​គាំង​ជីវិត ក្នុង​កន្លែង​ដ៏​លំបាក មិន​ចង់​ឲ្យ​រស់នៅ និង​ឯកោ​។ បទ​គម្ពីរ​សុភាសិត ១៤:១២ បាន​កត់​សំគាល់​ថា “មាន​ផ្លូវ​មួយ​ដែល​មើលទៅ​ដូចជា​ត្រឹម​ត្រូវ​ល្អ ដល់​មនុស្ស តែ​ចុង​បំផុត​នៃ​ផ្លូវ​នោះ គឺជា​សេចក្តី​ស្លាប់​វិញ”។ ទោះ​យើង​ក្មេង​ឬ​ចាស់ មាន​ជំងឺ ឬ​មាន​សុខ​ភាព​ល្អ មាន​ទ្រព្យ​សម្បត្តិ​ច្រើន ឬ​ក្រី​ក្រ​ក្តី យើង​នៅតែ​មាន​ឱកាស​ពិនិត្យ​មើល​ផ្លូវ​ជីវិត​របស់​យើង​ឡើង​វិញ គឺ​មិន​ទាន់​យឺត​ពេល​ទេ​។…

Read article
ធ្វើ​ការ​ល្អ​ថ្វាយ​ព្រះអង្គ

ទីតុស ៣:៤-៨ ចូរ​រំឭក​គេ ឲ្យ​ចុះ​ចូល​នឹង​ពួក​នាម៉ឺន ហើយ​និង​ពួក​មាន​អំណាច​ទាំង​អស់ ព្រម​ទាំង​ស្តាប់​បង្គាប់ ហើយ​ប្រុង​ប្រៀប​ធ្វើ​គ្រប់​ទាំង​ការ​ល្អ​។ ទីតុស ៣:១ តាម​ធម្មតា លោកផាទ្រីក(Patrick) មិន​ដាក់លុយ​ជាប់​ខ្លួន​ច្រើន​ទេ តែ​ថ្ងៃ​មួយ គាត់​ក៏​មាន​អារម្មណ៍​ថា គាត់​គួរតែ​ដាក់លុយ៥ដុល្លា​ក្នុង​ហោប៉ៅ​គាត់ មុន​ពេល​ចាក​ចេញពី​ផ្ទះ​។ ក្នុង​អំឡុង​ពេល​អាហារ​ថ្ងៃ​ត្រង់ នៅ​សាលា​រៀន​ដែល​គាត់​ធ្វើ​ការ គាត់​ក៏​បាន​ដឹង​ថា ព្រះ​ទ្រង់​បាន​រៀបចំ​ខ្លួន​គាត់ ដើម្បី​បំពេញ​តម្រូវការ​បន្ទាន់​របស់​មនុស្ស​ម្នាក់​។ នៅពេល​អាហារ​ថ្ងៃ​ត្រង់ នៅ​កន្លែង​លក់​អាហារ គាត់​ក៏​បានឮ​គេ​និយាយ​គ្នា​ថា ក្មេង​ប្រុស​ម្នាក់​ឈ្នះ​ស្កត់ធី(Scotty) កំពុង​ត្រូវ​ការលុយ៥ដុល្លា ដើម្បី​បង់​ថ្លៃ​អាហារ ដើម្បី​ឲ្យ​អាច​ញាំ​អាហារ​ថ្ងៃ​ត្រង់​បាន​ពេញ​មួយ​សប្តាហ៍​។ សូម​យើង​ស្រមៃ​ថា លោក​ផាទ្រីក​មាន​អារម្មណ៍​យ៉ាងណា នៅពេល​ដែល​គាត់​បាន​ឲ្យ​លុយ​គាត់ ទៅ​ស្កត់ធី! ក្នុង​កណ្ឌ​គម្ពីរ​ទីតុស សាវ័ក​ប៉ុល​បាន​រំឭក​អ្នកជឿ​ព្រះ​យេស៊ូវ​ថា ពួក​គេ​បាន​សង្រ្គោះ មិនមែន​ដោយសារ​ការ​ល្អ ដែល​ពួកគេ​បាន​ធ្វើ (៣:៥) តែ​ពួកគេ​គួរតែ “ប្រុង​ប្រៀប​ធ្វើ​គ្រប់​ទាំង​ការ​ល្អ”(ខ.៨ ខ.១៤)។ ជីវិត​របស់​យើង​អាច​មាន​ពេញ​ដោយ​ការ​ជាប់​រវល់ និង​ភាព​ប្រញាប់​ប្រញាល់​។ ពេល​ខ្លះ​យើង​ប្រហែល​មាន​អារម្មណ៍​ពិបាក​ខ្លាំង​ពេក ក្នុង​ការ​ព្យាយាម​បំពេញ​តម្រូវការ​ខ្លួនឯង​។ ប៉ុន្តែ ក្នុង​នាម​យើង​ជា​អ្នកជឿ​ព្រះយេស៊ូវ យើង​ត្រូវតែ​ត្រៀម​ខ្លួន​ជា​ស្រេច ដើម្បី “ធ្វើ​ការ​ល្អ”។ យើង​មិន​ត្រូវ​មាន​អារម្មណ៍​ពិបាក​ពេក ដោយសារ​ការ​អ្វី​ដែល​យើង​មិន​មាន ឬ​មិន​អាច​ធ្វើ​បាន តែ​ចូរ​យើង​គិត​អំពី​ការ​អ្វី​ដែល​យើង​ពិតជា​មាន និង​អាច​ធ្វើ​បាន…

Read article
ដល់​ពេល​វិល​ត្រឡប់​មក​ព្រះអង្គ​វិញ

លោកុប្បត្ដិ ១៨-១៩ និង ម៉ាថាយ ៦:១-១៨ ទំនុក​ដំកើង ៨០:១,៧-១៤,១៩ ឱ​ព្រះ​នៃ​ពួក​ពល​បរិវារ​អើយ សូម​បង្វិល​យើង​ខ្ញុំ​មកវិញ សូម​ឲ្យ​ព្រះ​ភក្ត្រ​ទ្រង់​ភ្លឺ​មក នោះ​យើង​ខ្ញុំ​នឹង​បាន​រួច​ហើយ​។ ទំនុក​ដំកើង ៨០:៧ មាន​ពេល​មួយ ខ្ញុំ​មាន​ការ​ភ្ញាក់​ផ្អើល​យ៉ាង​ខ្លាំង ពេល​ដែល​បាន​ឃើញ​រូបថត ដែល​មិត្ត​ភក្តិ​ខ្ញុំ​ម្នាក់​បាន​ផ្ញើរ​មក​។ ក្នុង​រូបថត​ទាំង​នោះ ខ្ញុំ​ឃើញ​ឡាន​ហ្វ៊ត ម៉ាស្ទាំង ឆ្នាំ១៩៦៥ ដែល​គាត់​បាន​ជួសជុល​ឲ្យ​ស្អាត​ដូច​ដើម​វិញ ធ្វើ​ជា​អំណោយ​ដ៏​ភ្ញាក់​ផ្អើល សម្រាប់​ភរិយា​គាត់​។ ឡាន​នោះ​មាន​ផ្ទៃ​ខាង​ក្រៅ​ពណ៌​ទឹក​ប៊ិច យ៉ាន់​ពណ៌​ក្រូម​ភ្លឺ​ស្អាត ផ្ទៃ​ខាង​ក្នុង​ពណ៌​ខ្មៅ និង​មាន​បំពាក់​គ្រឿង​ទំនើបៗ​ផង​ដែរ​។ ហើយក៏​មាន​រូប​ថត​ឡាន​ដដែល​នោះ មុន​ពេល​គេ​ជួសជុល ដែល​មាន​រូបរាង​ចាស់ ពណ៌លឿង​ដែល​មិន​គួរ​ឲ្យ​ទាក់ទាញ​។ គេ​ប្រហែល​ជា​ពិបាក​នឹកស្រមៃ​ទុក​ជា​មុន​ថា វា​នឹង​មាន​ការ​ផ្លាស់​ប្តូរ​យ៉ាងណា ប៉ុន្តែ កាល​គេ​ទើប​តែ​យក​វា​ចេញ​ពី​រោង​ចក្រ​ផលិត​ថ្មីៗ វា​ទំនងជា​មាន​សម្រស់​ដ៏​ទាក់ទាញ​សម្រាប់​មនុស្ស​ជា​ច្រើន​។ តែ​ជា​ច្រើន​ឆ្នាំ​ក្រោយមក វា​ក្លាយ​ជា​ឡាន​ចាស់​មាន​ការ​សឹក​រីក​រិល រលាត់​ដាច់ និង​កត្តា​ផ្សេង​ទៀត ដែល​ធ្វើ​ឲ្យ​គេ​គិតថា វា​ដល់​ពេល​ដែលគេ​ត្រូវ​ជួសជុល​ឲ្យ​ស្អាត​ដូច​ដើម​។ រឿង​នេះ​បាន​ធ្វើ​ឲ្យ​ខ្ញុំ​នឹក​ចាំ​ស្ថានភាព​របស់​រាស្រ្ត​របស់​ព្រះអម្ចាស់ ក្នុង​បទ​គម្ពីរ​ទំនុក​ដំកើង ជំពូក៨០ ដែល​ក្នុង​នោះ ក៏​មាន​ការ​អធិស្ឋាន​ជា​ច្រើន​ដង​ថា “ឱ​ព្រះ​អង្គ​អើយ សូម​បង្វិល​យើង​ខ្ញុំ​មកវិញ សូម​ឲ្យ​ព្រះ​ភក្ត្រ​ទ្រង់​ភ្លឺ​មក នោះ​យើង​ខ្ញុំ​នឹង​បាន​រួច​ហើយ”(ខ.៣ និង ខ.៧,១៩)។ ទោះ​ប្រវត្តិ​សាស្ត្រ​របស់​ពួកគេ​បាន​រាប់​បញ្ចូល​ការ​រំដោះ​ពួកគេ…

Read article
វិញ្ញាណ​ដែល​តប់​ប្រមល់ និង​ការ​អធិស្ឋាន​ដ៏​ស្មោះ​ត្រង់

យ៉ូហាន ១២:២៧-៣២ ឱ​ព្រះវរបិតា​អើយ សូម​ដំកើង​ព្រះ​នាម​ទ្រង់​ឡើង​។ យ៉ូហាន ១២:២៨ រយៈ​ពេល៣ថ្ងៃ មុន​ពេល​គ្រាប់បែក​មួយ​គ្រាប់​ផ្ទុះ​ នៅ​ក្នុង​ផ្ទះ​របស់​លោក​បណ្ឌិត ម៉ាទីន លូស័រ ឃីង(Martin Luther King Jr.) គាត់​បាន​ជួប​រឿង​មួយ ដែល​នាំ​ឲ្យ​គាត់​មាន​ការ​ផ្លាស់​ប្តូរ​ដ៏​សំខាន់​អស់​មួយ​ជីវិត​។ បន្ទាប់ពី​មាន​គេ​ទូរស័ព្ទ​គំរាម​គាត់ គាត់​ក៏បាន​រិះរក​យុទ្ធ​សាស្ត្រ​ចាក​ចេញពី​ចលនា​ទាមទារ​សិទ្ធិ​ពលរដ្ឋ​។ គាត់​ក៏​បាន​អធិស្ឋាន​ថា “ទូល​បង្គំ​សូម​ប្រកាន់​គោល​ជំហរ ដើម្បី​បុព្វ​ហេតុ​ដ៏​ត្រឹម​ត្រូវ​។ តែ​ពេល​នេះ ទូល​បង្គំ​មាន​ការ​ភ័យ​ខ្លាច​។ ទូល​បង្គំ​មិន​មាន​សល់​អ្វី​ទៀត​ទេ​។ ទូល​បង្គំ​បាន​ឈាន​ដល់​ចំណុច​ដែល​ទូល​បង្គំ​មិន​អាច​ប្រឈម​មុខ​ដាក់​បញ្ហា​នេះ​តែ​ម្នាក់ឯង​បានទេ”។ បន្ទាប់ពី​គាត់​បាន​អធិស្ឋាន​ចប់ សេចក្តី​ជំនឿ​ដ៏​រឹងមាំ​ក៏បាន​កើត​មាន​ក្នុង​ចិត្ត​គាត់ យ៉ាង​ស្ងាត់​ស្ងៀម​។ លោក​បណ្ឌិត​ម៉ាទីន​បាន​កត់សំ​គាល់​ថា “ភ្លាមៗ​នោះ ការ​ភ័យ​ខ្លាច​របស់​ខ្ញុំ​បាន​ចាប់​ផ្តើម​រលាយ​បាត់​។ ការ​សង្ស័យ​របស់​ខ្ញុំ​ក៏​លែង​មាន​ទៀត​។ ខ្ញុំ​បាន​ត្រៀម​ខ្លួន​ជា​ស្រេច ដើម្បី​ប្រឈម​មុខ​ដាក់​រឿង​គ្រប់​យ៉ាង”។ ក្នុង​បទ​គម្ពីរ​យ៉ូហាន ជំពូក១២ ព្រះ​យេស៊ូវ​បាន​អធិស្ឋាន​ថា ព្រះអង្គ​មាន​ចិត្ត​តប់​ប្រមល់(ខ.២៧)។ ព្រះ​អង្គ​បាន​បើក​បង្ហាញ​អារម្មណ៍​ពិត​ដល់​ព្រះវរបិតា ដោយ​ព្រះទ័យ​ស្មោះ​ត្រង់​។ ការ​អធិស្ឋាន​របស់​ព្រះអង្គ នៅ​តែ​យក​ព្រះវរបិតា​ជាធំ​។ “ឱ​ព្រះវរបិតា​អើយ សូម​ដំកើង​ព្រះ​នាម​ទ្រង់​ឡើង”(ខ.២៨)។ ការ​អធិស្ឋាន​របស់​ព្រះយេស៊ូវ គឺជា​ការ​ចុះ​ចូល​បំណង​ព្រះទ័យ​ព្រះវរបិតា​។ លក្ខណៈ​របស់​យើង​ជា​មនុស្ស មាន​អារម្មណ៍​ភ័យ​ខ្លាច និង​តប់​ប្រមល់​ជា​ធម្មតា ពេលណា​យើង​ត្រូវ​ធ្វើ​ការ​សម្រេច​ចិត្ត​ថា យើង​ត្រូវ​ថ្វាយ​ព្រះ​កិត្តិនាម​ដល់​ព្រះ ឬ​អត់ ពេលណា​យើង​ត្រូវ​ធ្វើ​ការ​សម្រេច​ចិត្ត​ដ៏​ពិបាក នៅ​ក្នុង​ទំនាក់​ទំនង…

Read article
ចែកចាយអំពីសេចក្តីល្អរបស់ព្រះអង្គ

ទំនុក​ដំកើង ៦៦:៥-១២,១៦-២០ ខ្ញុំ​នឹង​ថ្លែង​ប្រាប់​ពី​ការ​ដែល​ទ្រង់​បាន​ប្រោស​ដល់​ព្រលឹង​ខ្ញុំ​។ ទំនុក​ដំកើង ៦៦:១៦ ក្នុង​កម្មវិធី​ថ្វាយបង្គំ​ព្រះ នៅ​ថ្ងៃ​អា​ទិត្យ នៅ​ព្រះវិហារ​របស់​ខ្ញុំ ក៏​មាន​ម៉ោង​ចែក​ចាយ​ទី​បន្ទាល់​ផង​ដែរ ដែល​ក្នុង​នោះ ពួក​យើង​អាច​ចែក​ចាយ​អំពី​របៀប​ដែល​ព្រះ​ទ្រង់​បាន​ធ្វើ​ការ​ក្នុង​ជីវិត​យើង​។ ក្នុង​គ្រួសារ​ពួក​ជំនុំ​យើង ខ្លះ​បាន​ហៅ​អ្នក​ស្រី​លែង​ហ្វ៊ដ​(Langford) បង​ស្រី ឬ​អ្នកមីង​លែង​ហ្វ៊ដ​។ គាត់​បាន​បញ្ចូល​ការ​សរសើរ​ដំកើង​ព្រះអង្គ ជា​ច្រើន​នៅ​ក្នុង​ទី​បន្ទាល់​របស់​គាត់​។ នៅពេល​ដែល​គាត់​បាន​ចែក​ចាយ​ទី​បន្ទាល់​អំពី​ពេល​ដែល​គាត់​បាន​ទទួល​ជឿ​ព្រះ គេ​បាន​រំពឹង​ថា គាត់​ប្រហែល​ជា​និយាយ​ស៊ី​ម៉ោង​បន្តិច ក្នុង​កម្មវិធី​ថ្វាយបង្គំ​ថ្ងៃ​នោះ​។ គាត់​បាន​បង្ហាញ​ចេញ​នូវ​ចិត្ត​ពេញ​ហៀរហូរ​ដោយ​ការ​សរសើរ​ដំកើង​ព្រះ ដែល​បាន​កែ​ប្រែ​ជីវិត​គាត់ ដោយ​ព្រះគុណ​ព្រះអង្គ​។ ស្រដៀង​គ្នា​នេះ​ដែរ អ្នក​និពន្ធ​បទ​គម្ពីរ​ទំនុក​ដំកើង​ជំពូក៦៦ ក៏បាន​បង្ហាញ​ចេញ​នូវ​ការ​សរសើរ​ដំកើង​ព្រះ​ផង​ដែរ ខណៈ​ពេល​ដែល​គាត់​ធ្វើ​បន្ទាល់ អំពី​ការ​អ្វី​ដែល​ព្រះ​ទ្រង់​បាន​ធ្វើ សម្រាប់​រាស្រ្ត​ព្រះអង្គ​។ គឺ​ដូច​ដែល​គាត់​បាន​ពោល​ថា “មកនេះ ចូរ​មក​មើល​ការ​ទាំង​ប៉ុន្មាន​របស់​ព្រះ ទ្រង់​គួរ​ស្ញែង​ខ្លាច ក្នុង​ការ​ដែល​ទ្រង់​ធ្វើ​ដល់​ពួក​មនុស្ស​ជាតិ”(ខ.៥)។ ការ​ដែល​ព្រះអង្គ​បាន​ធ្វើ បាន​រាប់​បញ្ចូល​ការ​ជួយ​សង្គ្រោះ​ដោយ​ការ​អស្ចារ្យ(ខ.៦) ការ​ថែរក្សា(ខ.៩) និង​ការ​ល្បងល និង​ការ​លត់ដំ ដែល​នាំ​រាស្រ្ត​ព្រះអង្គ ទៅ​រក​កន្លែង​ល្អជា​មុន(ខ.១១-១២)។ មាន​បទ​ពិសោធន៍​ជា​ច្រើន​ដែល​យើង​អាច​មាន​ជាមួយ​ព្រះអង្គ ដូច​អ្នកជឿ​ដទៃ​ទៀត​ដែរ តែ​ក៏​មាន​ការ​ដក​ពិសោធន៍​​ពិសេស​រៀង​ខ្លួន ក្នុង​ការ​ធ្វើ​ដំណើរ​ផ្ទាល់​ខ្លួន ក្នុង​ព្រះអង្គ​។ តើមាន​ពេលណា​ខ្លះ ក្នុង​ជីវិត​អ្នក ដែល​ព្រះ​ទ្រង់​បាន​បើក​សម្ដែង​អង្គ​ទ្រង់​ឲ្យ​អ្នក​ស្គាល់​ព្រះ​អង្គ​កាន់​តែ​ច្បាស់ តាម​របៀប​ដ៏​ពិសេស? ទី​បន្ទាល់​ទាំង​អស់​នេះ គឺ​សុទ្ធតែ​សក្តិ​សមនឹង​ឲ្យ​អ្នក​ចែក​ចាយ ដល់​អ្នក​ដទៃ ដែល​ត្រូវ​ការ​ដឹង​អំពី​របៀប​ដែល​ព្រះអង្គ​ធ្វើ​ការ​ក្នុង​ជីវិត​អ្នក​។…

Read article
ទ្វារបស់ព្រះអង្គបើកចំហសម្រាប់មនុស្សទាំងអស់

រ៉ូម ១០:៨-១៣ ហើយ​គ្រប់​គ្នា គឺ​អស់​អ្នកណា​ដែល​អំពាវនាវ​ដល់​ព្រះ​នាម​ព្រះអម្ចាស់ នោះ​នឹង​បាន​សង្គ្រោះ​។ រ៉ូម ១០:១៣ ភោជនីយ​ដ្ឋាន ក្នុង​តំបន់​ដែល​ខ្ញុំ​ធ្លាប់​រស់នៅ​កាលពី​ក្មេង មាន​ការ​រៀបចំ​ស្រប​តាម​ការ​បត់​បែន​នៃ​សង្គម និង​ការ​ប្រកាន់​ពូជ​សាសន៍​នៅ​ចុង​ទសវត្សរ៍​ឆ្នាំ១៩៥០ និង​ដើម​ទសវត្សរ៍​ឆ្នាំ១៩៦០​។ ទោះជា​យ៉ាងណា​ក៏ដោយ ជំនួយ​ការ​ក្នុង​ផ្ទះ​បាយ ដែល​មាន​អ្នក​ស្រី​ម៉ារី(Mary)ជា​ចុងភៅ និង​អ្នក​លាង​ចាន​ដូច​ខ្ញុំ សុទ្ធតែ​ជា​ជនជាតិ​អាមេរិក​ស្បែក​ខ្មៅ ហើយ​ភ្ញៀវ​ដែល​មក​បរិភោគ​អាហារ​ក្នុង​ភោជនីយដ្ឋាន​សុទ្ធតែ​ជា​ជនជាតិ​អាមេរិក​ស្បែក​ស​។ ភ្ញៀវ​ដែល​ជា​ជនជាតិ​ស្បែក​ខ្មៅ​អាច​កុម្ម៉ង់​អាហារ​បាន តែ​ពួកគេ​ត្រូវ​ទៅ​យក​អាហារ​នៅ​ទ្វារ​ខាង​ក្រោយ​។ គោល​នយោបាយ​ប្រភេទ​នេះ បាន​បណ្តាល​ឲ្យ​មាន​ការ​ប្រព្រឹត្ត​ដោយ​ភាព​មិន​ស្មើ​គ្នា មក​លើ​ជនជាតិ​ស្បែក​ខ្មៅ​នៅ​សម័យ​នោះ​។ ទោះ​រឿង​នេះ​បាន​កន្លង​ផុត​ទៅជា​យូរ​ឆ្នាំ​ហើយ​ក្តី ក៏​យើង​នៅតែ​ត្រូវ​ការកា​រលូត​លាស់ នៅ​ក្នុង​របៀប​ដែល​យើង​ទំនាក់​ទំនង​គ្នា ក្នុង​នាម​ជា​មនុស្ស​ដែល​ព្រះ​ទ្រង់​បាន​បង្កើត ឲ្យ​មាន​រូប​ភាព​ដូច​ព្រះអង្គ​។ បទ​គម្ពីរ រ៉ូម ១០:៨-១៣ បាន​បង្រៀន​យើង​ថា ព្រះ​ទ្រង់​បាន​ស្វាគមន៍​មនុស្ស​ទាំង​អស់​ចូល​ក្នុង​មហា​គ្រួសារ​របស់​ព្រះអង្គ ដោយ​ស្មើ​ភាព​គ្នា គឺ​គ្មាន​ការ​រើសអើង​នោះ​ទេ​។ មនុស្ស​ទាំង​អស់​ត្រូវ​ចូល​តាម​ផ្លូវ​តែមួយ តាមរយៈ​ការ​ជឿ​លើ​ការ​សុគត​របស់​ព្រះយេស៊ូវ ដែល​បាន​លាង​សម្អាត​បាប និង​អត់​ទោស​បាប​ឲ្យ​យើង​។ ព្រះ​ទ្រង់​បាន​ប្រទាន​សេចក្តី​សង្រ្គោះ​សម្រាប់​មនុស្ស​គ្រប់​ពណ៌​សម្បុរ ដោយ​មិន​រើស​មុខ មិន​ប្រកាន់​ឋានៈ​ក្នុង​សង្គម ឬ​ពូជ​សាសន៍​ឡើយ​។ ក្នុង​ព្រះអង្គ​មនុស្ស​គ្រប់​គ្នា មាន​ភាព​ស្មើ​គ្នា​។ គឺ​ដូច​ដែល​ព្រះ​គម្ពីរ​បាន​ចែងថា “អស់​អ្នក​ណា​ជឿ​ដល់​ទ្រង់ នោះ​នឹង​គ្មាន​ហេតុ​នាំ​ឲ្យ​ខ្មាស​ឡើយ» ហើយ​សាសន៍​យូដា និង​សាសន៍​ក្រេក​មិន​ខុស​អំពី​គ្នា​ឡើយ ដ្បិត​ព្រះអម្ចាស់​ដដែល​នៃ​គ្រប់​គ្នា ទ្រង់​មាន​ជា​បរិបូរ សំរាប់​អស់​អ្នកណា ដែល​អំពាវនាវ​រក​ទ្រង់”(ខ.១១-១២)។ ចំពោះ​ព្រះបន្ទូល​ក្នុង​ព្រះ​គម្ពីរ​ខាងលើ​នេះ…

Read article
សេចក្តីសប្បុរសដែលមិននឹកស្មានដល់

សូមអាន : យេរេមា ៥២:៣១-៣៤ កាល​សេចក្តី​សប្បុរស របស់​ព្រះ​ដ៏​ជា​ព្រះ​អង្គ​សង្គ្រោះ​នៃ​យើង និង​សេចក្តី​ស្រឡាញ់ របស់​ទ្រង់​ដល់​មនុស្ស បានលេចមក​ឲ្យ​ឃើញ នោះ​ទ្រង់​បាន​ជួយ​សង្គ្រោះ​យើង​។ ទីតុស ៣:៤-៥ លោកខេវិន ហ្វ៊ឌ(Kevin Ford) បាន​ធ្វើ​ការ​នៅ​ភោជនីយ​ដ្ឋាន​លក់​អាហារ​រហ័ស ​មិន​ដែល​បាន​ខកខាន មក​ធ្វើ​ការ​សូម្បីតែ​ម្តង ក្នុងរយៈ​ពេល​២៧​ឆ្នាំ​។ នៅ​ក្នុង​វីដេអូ​ដែលគេ​បាន​បង្ហោះ​តាម​បណ្ដាញ​សង្គម គាត់​បាន​បង្ហាញ​ចេញ​នូវ​ការ​ដឹង​គុណ​ចំពោះ​អំណោយ​តូច​មួយ ដែល​គេ​បាន​ជូន​គាត់ ដើម្បី​រំឭក​ខួប​នៃ​ការងារ ដែល​គាត់​បាន​ធ្វើ​ជាង​ពីរ​ទសវត្សរ៍​មកនេះ​។ មនុស្ស​រាប់​ពាន់​នាក់​ដែល​បាន​មើល​វីដេអូ​នោះ​ ក៏បាន​រួម​គ្នា​បង្ហាញ​ចិត្ត​សប្បុរស​ដល់​គាត់ ដោយ​រៃ​អង្គាស​ប្រាក់​បាន​២៥ម៉ឺន​ដុល្លា សម្រាប់​គាត់ ក្នុងរយៈ​ពេល​ជាង​១​សប្តាហ៍​។ គាត់​មាន​អារម្មណ៍​ថា វា​ជា​ការ​ស្រមៃ គឺ​ការ​ស្រមៃ​ដែល​ក្លាយ​ជា​ការ​ពិត​។ ស្តេច​យេហូយ៉ាគីន ជា​ស្តេច​នៃ​នគរ​យូដា ដែល​បាន​ក្លាយ​ជា​ឈ្លើយសឹក​។ ទ្រង់​ក៏​ជា​អ្នក​ទទួល​សេចក្តី​សប្បុរស ដែល​មិន​នឹក​ស្មាន​ដល់​ផង​ដែរ​។ បន្ទាប់ពី​ទ្រង់​បាន​ជាប់ឃុំ​ខ្លួន​អស់​រយៈ​ពេល៣៧ឆ្នំាំ ស្តេច​បាប៊ីឡូន​ដែល​មាន​ចិត្ត​សប្បុរស ក៏​បាន​ដោះ​លែង​ទ្រង់​ឲ្យ​មាន​សេរី​ភាព​។ ស្តេច​បាប៊ីឡូន “ក៏​លើក​មុខ​យ៉ូយ៉ាគីន ជា​ស្តេច​យូដា​ឡើង នៅ​ក្នុង​ឆ្នាំទី១នៃ​រាជ្យ​ទ្រង់ ហើយ​ដោះ​ទ្រង់​ឲ្យ​រួច​ចេញ​ពី​គុក ក៏​មាន​ព្រះបន្ទូល​នឹង​ទ្រង់​ដោយ​ផ្អែម​ពីរោះ ហើយ​តាំង​បល្ល័ង្ក​ទ្រង់​ឲ្យ​ខ្ពស់​ជាង​បល្ល័ង្ក​នៃ​ពួក​ស្តេច ដែល​នៅ​ជាមួយ​ក្នុង​ក្រុង​បាប៊ីឡូន”(យេរេមា ៥២:៣១-៣២)។ ស្តេច​យេហូយ៉ាគីន​ទទួល​បាន​មុខ​តំណែង​ថ្មី សំលៀក​បំពាក់​ថ្មី និង​ដំណាក់​ថ្មី​។ ព្រះ​ទ្រង់​បាន​ប្រទាន​ជីវិត​ថ្មី​ដល់​ទ្រង់ តាមរយៈ​ការ​ឧបត្ថម្ភ​ទាំង​ស្រុង​ពី​ស្តេចបាប៊ីឡូន​។ រឿង​នេះ​បាន​ធ្វើ​ឲ្យ​ខ្ញុំ​នឹក​ចាំ…

Read article
ជួបទុក្ខលំបាកខ្លាំង តែនៅមានសង្ឃឹម

សូមអាន ទំនុក​ដំកើង ២២:១៤-២៤ ទូល​បង្គំ​នឹង​សរសើរ​ដំកើង​ទ្រង់ នៅ​កណ្តាល​ពួក​ជំនុំ​។ ទំនុក​ដំកើង ២២:២២ មាន​ពេល​មួយ លោក​គ្រូ​គង្វាល​បាន​អញ្ជើញ​អ្នក​ស្រី ឡាទ្រីស(Latriece) ឲ្យ​ឡើង​ធ្វើ​ទី​បន្ទាល់ នៅ​ចុង​បញ្ចប់​នៃ​កម្មវិធី​ថ្វាយបង្គំ​ព្រះ នៅ​ថ្ងៃ​អា​ទិត្យ​។ ពេល​ដែល​គាត់​ឡើង​ទៅ​ឈរ​នៅ​ចំពោះ​មុខ​ពួក​ជំនុំ គ្មាន​នរណា​ម្នាក់​នឹក​ស្មានថា ពាក្យ​ពេចន៍​ដែល​គាត់​និយាយ​ចេញ​មក បាន​នាំ​ឲ្យ​មាន​ការ​ប៉ះ​ពាល់​ចិត្ត​ខ្លាំង​ប៉ុណ្ណា​ទេ​។ គាត់​បាន​ផ្លាស់ទី​លំនៅ​មកពី​រដ្ឋ​ខេនថាក់ឃី(Kentucky) បន្ទាប់ពី​ខ្យល់កួច​យក្ស​ថូនេដូ​បាន​វាយ​ប្រហារ​មក​លើ​រដ្ឋ​នេះ កាល​ពី​ខែ​ធ្នូ ឆ្នាំ២០២១ ដោយ​បាន​ឆក់​យក​ជីវិត​សមាជិក​គ្រួសារ​គាត់ ៧នាក់​។ គាត់​បាន​ចែក​ចាយ​ថា “ខ្ញុំ​នៅតែ​អាច​ញញឹម ព្រោះ​ខ្ញុំ​ដឹង​ថា ព្រះអង្គ​នៅតែ​គង់នៅ​ជាមួយ​ខ្ញុំ”។ ទោះ​បេះ​ដូង​គាត់​បាន​ខ្ទេច​ខ្ទាំ ដោយសារ​ទុក្ខ​លំបាក​យ៉ាងណា​ក៏ដោយ ក៏ទី​បន្ទាល់​របស់​គាត់​បាន​ផ្តល់​ឲ្យ​នូវ​ការ​លើក​ទឹក​ចិត្ត​ដ៏​មាន​អំណាច សម្រាប់​អ្នក​ដែល​កំពុង​ប្រឈម​មុខ​ដាក់​បញ្ហា​ប្រឈម​ដ៏​ពិបាក​។ ព្រះបន្ទូល​របស់​ស្តេច​ដាវីឌ ក្នុង​បទ​គម្ពីរ ទំនុក​ដំកើង ជំពូក២២(ដែល​បាន​ចង្អុល​បង្ហាញ​ទៅ​រក​ការ​រង​ទុក្ខ​របស់​ព្រះយេស៊ូវ) គឺជា​ពាក្យ​ពេចន៍ ដែល​ស្តេច​ដាវីឌ​បាន​បន្លឺ​ឡើង ពេល​ដែល​ទ្រង់​មាន​អារម្មណ៍​ថា ព្រះអម្ចាស់​បាន​បោះបង់​ចោល​ទ្រង់(ខ.១) អ្នក​ដទៃ​បាន​ស្អប់​ខ្ពើម និង​ចំអក​ឲ្យ​ទ្រង់(ខ.៦-៨) ហើយ​កំពុង​ស្ថិត​ក្នុង​ការ​ហ៊ុម​ព័ទ្ធ​របស់​ពួក​មនុស្ស​ដែល​កំពុង​តាម​សម្លាប់​ទ្រង់(ខ.១២-១៣)។ ទ្រង់​មាន​អារម្មណ៍​ទន់​ខ្សោយ ហើយ​ខ្សោះ​អស់​កម្លាំង(ខ.១៤-១៨) តែ​ទ្រង់​មិន​ទាន់​អស់​សង្ឃឹម​ទេ​។ គឺ​ដូច​ដែល​ទ្រង់​មាន​បន្ទូល​ថា “ឱ​ព្រះយេហូវ៉ា​អើយ សូម​កុំ​គង់​ឆ្ងាយ​ពី​ទូល​បង្គំ​ឡើយ ឱ​ព្រះ​ដ៏​ជា​កំឡាំង​នៃ​ទូល​បង្គំ​អើយ សូម​យាង​មក​ជួយ​ទូល​បង្គំ​ជា​ប្រញាប់​ផង”(ខ.១៩)។ បញ្ហា​ប្រឈម​ដែល​អ្នក​កំពុង​ជួប​ប្រទះ ប្រហែល​មិន​ពិបាក​ដូច​ស្តេច​ដាវីឌ ឬ​អ្នក​ស្រីឡាទ្រីស​ទេ តែ​ពិតជា​អាច​ធ្វើ​ឲ្យ​អ្នក​មាន​ការ​ពិបាក​។ តែ​យើង​អាច​រក​ឃើញ​ការ​កម្សាន្ត​ចិត្ត​ដ៏​មានន័យ…

Read article