Blog – Page 32 – នំម៉ាណាប្រចាំថ្ងៃ

You are here:

Home

សាររបស់ពួកហោរា

September, នំម៉ាណាប្រចាំថ្ងៃBy Tim Gustafson 15/09/2023

សូមអាន : យេរេមា ២៨:២-៤,១០-១៦ ឯព្រះដែលពីដើម ទ្រង់មានព្រះបន្ទូលនឹងពួកឰយុកោ ដោយពួកហោរា …នៅជាន់ក្រោយបង្អស់នេះ ទ្រង់បានមានព្រះបន្ទូលនឹងយើងរាល់គ្នា ដោយសារព្រះរាជបុត្រាវិញ។ ហេព្រើរ ១:១-២ មុនពេលការប្រកួតកីឡាវាយកូនបាល់បេសប៊លអន្តរជាតិ ចាប់ផ្តើម នៅឆ្នាំ១៩០៦ លោកយូ ហ្វ៊ូឡឺតុន(Hugh Fullerton) ជាអ្នកនិពន្ធអំពីកីឡា បានធ្វើការព្យាករណ៍ទុកជាមុន។ គេបានរំពឹងថា ក្រុមឈីកាហ្គោ ខាប់(Chicago Cubs) នឹងឈ្នះការប្រកួត តែគាត់បានព្យាករណ៍ថា ក្រុមនេះនឹងចាញ់ការប្រកួតក្នុងគូរទី១និងទី៣ ហើយនឹងឈ្នះការប្រកួតគូរទី២។ ហើយភ្លៀងនឹងធ្លាក់ចុះមក នៅក្នុងការប្រកួតគូរទី៤។ គាត់បានព្យាករណ៍ត្រូវទាំងអស់។ បន្ទាប់មក នៅឆ្នាំ១៩១៩ គាត់បានប្រើជំនាញវិភាគរបស់គាត់ ហើយក៏បានធ្វើការសន្និដ្ឋានថា មានកីឡាករណាខ្លះ ដែលមានចេតនាធ្វើឲ្យក្រុមរបស់ខ្លួនចាញ់ការប្រកួតអន្តរជាតិ។ គាត់បានសង្ស័យថា ពួកគេបានទទួលសំណូកពីអ្នកភ្នាល់បាល់។ មនុស្សជាទូទៅក៏បានសើចចម្អកឲ្យគាត់។ តែលើកនេះ គាត់បានព្យាករណ៍ត្រូវទៀត។ លោកហ្វ៊ូឡឺតុនមិនមែនជាហោរានោះទេ គឺគ្រាន់តែជាមនុស្សឆ្លាតវ័យម្នាក់ ដែលអាចព្យាករណ៍ហេតុការណ៍ ផ្អែកទៅលើការវិភាគទៅលើភស្តុតាង។ តែលោកយេរេមាជាហោរាដ៏ពិតរបស់ព្រះ ដែលទំនាយរបស់គាត់ តែងតែបានសម្រេច។ គាត់បានយកនឹម និងខ្សែពាក់លើកគាត់ ហើយប្រកាសប្រាប់នគរយូដាឲ្យចុះចាញ់ចក្រភពបាប៊ីឡូន ដើម្បីឲ្យមានជីវិតរស់(យេរេមា ២៧:២,១២)។ លោកហាណានា…

Read article

ថ្វាយបន្ទុករបស់អ្នកដល់ព្រះអង្គ

September, នំម៉ាណាប្រចាំថ្ងៃBy Karen Wolfe 14/09/2023

សូមអាន : ទំនុកដំកើង ៤៦ ចូរបង្អង់សិន ឲ្យបានដឹងថា អញជាព្រះ។ ទំនុកដំកើង ៤៦:១០ ម្ចាស់បណ្ណាគារ ដែលខេត(Keith)ធ្វើការ បានទៅសម្រាកវិស្សមកាល តែពីរថ្ងៃទេ តែក្នុងនាមខេតជាជំនួយការ គាត់មានអារម្មណ៍ថា គាត់បានបាត់បង់ម្ចាស់ការ ដោយសារការទទួលខុសត្រូវច្រើនពេក។ ការងារមានដំណើរការយ៉ាងរលូន តែខេតមានការថប់បារម្ភថា គាត់មិនអាចមើលការខុសត្រូវឲ្យបានល្អ។ គាត់ក៏បានខិតខំគ្រប់គ្រងការងារបណ្ណាគារ យ៉ាងវក់វី។ ទីបំផុត នៅក្នុងការជួបចៅហ្វាយនាយរបស់គាត់តាមទូរស័ព្ទ ចៅហ្វាយនាយគាត់ក៏បានប្រាប់គាត់ ឲ្យសម្រួលអារម្មណ៍ ហើយប្រាប់ថា អ្វីដែលគាត់ត្រូវធ្វើ គឺត្រូវធ្វើតាមការណែនាំដែលគាត់បានផ្ញើមកគាត់តាមអ៊ីមែលរៀងរាល់ថ្ងៃ។ ហើយក៏បានប្រាប់គាត់កុំឲ្យព្រួយបារម្ភ ព្រោះចៅហ្វាយនាយគាត់ជាអ្នកទទួលបន្ទុកការងារទាំងអស់។ ក្នុងពេលដែលពួកអ៊ីស្រាអែលមានជម្លោះជាមួយនគរដទៃ ពួកគេក៏បានទទួលពាក្យលើកទឹកចិត្តស្រដៀងនេះពីព្រះអម្ចាស់ផងដែរ។ គឺដូចដែលព្រះអង្គបានប្រាប់ពួកគេថា “ចូរបង្អង់សិន” ដែលមានន័យថា “ចូរឈប់ច្រាស់ច្រាល់ ចូរធ្វើតាមបង្គាប់ព្រះអង្គ ព្រោះព្រះអង្គនឹងប្រយុទ្ធជំនួសពួកគេ”។ ពេលដែលព្រះទ្រង់ប្រាប់ពួកអ៊ីស្រាអែលឲ្យឈប់បង្អង់ គឺមិនមែនប្រាប់ពួកគេឲ្យនៅស្ងៀម មិនធ្វើអ្វីសោះនោះទេ តែឲ្យស្តាប់បង្គាប់ព្រះ ដោយចិត្តស្មោះត្រង់ ដោយចុះចូលនឹងការគ្រប់គ្រងរបស់ព្រះអង្គ ហើយថ្វាយលទ្ធផលនៃការប្រឹងប្រែងរបស់ពួក ទុកឲ្យព្រះអង្គជាអ្នកសម្រេច។ ព្រះអង្គក៏បានត្រាស់ហៅយើងឲ្យធ្វើដូចនេះផងដែរ។ ហើយយើងអាចធ្វើបាន ព្រោះព្រះដែលយើងទុកចិត្ត មានអំណាចគ្រប់គ្រងលើអ្វីៗគ្រប់យ៉ាង។ ព្រះអង្គអាចធ្វើឲ្យផែនដីរលាយ ដោយមានបន្ទូលតែមួយព្រះឱស ព្រះអង្គក៏អាចធ្វើឲ្យសង្គ្រាមលែងមាន រហូតដល់ចុងផែនដី(ខ.៦,៩)…

Read article

ការស្វាគមន៍មនុស្សដែលយើងមិនស្គាល់

September, នំម៉ាណាប្រចាំថ្ងៃBy Sheridan Voysey 13/09/2023

សូមអាន : ចោទិយកថា ១០:១៧-២០ ទ្រង់សំរេចសេចក្តីសុចរិត ដល់ពួកកំព្រា និងពួកមេម៉ាយ ក៏ស្រឡាញ់អ្នកប្រទេសក្រៅ ទាំងប្រទានឲ្យមានអាហារ និងសំលៀកបំពាក់ផង។ ចោទិយកថា ១០:១៨ ខណៈពេលដែលស្រ្តី និងកុមារជនជាតិអ៊ុយក្រែនរាប់ពាន់នាក់ បានធ្វើដំណើរមកដល់ស្ថានីយរថភ្លើង នៅទីក្រុងប៊ែរឡាំង បន្ទាប់ពីបានរត់គេចពីសង្រ្គាមនៅប្រទេសកំណើតរបស់ខ្លួន ពួកគេបានជួបរឿងដ៏ភ្ញាក់ផ្អើលមួយ។ ក្រុមគ្រួសារជនជាតិអាឡឺម៉ង់ជាច្រើនបានឈរកាន់បដា ដែលបានសរសេរដោយដៃ ដើម្បីផ្តល់កន្លែងជ្រកកោនដល់ពួកគេ ក្នុងផ្ទះរបស់ខ្លួន។ មានបដាខ្លះសរសេរថា “ខ្ញុំអាចទទួលស្នាក់នៅមនុស្សពីរនាក់!” ខ្លះទៀតសរសេរថា “មានបន្ទប់ធំមួយ សម្រាប់ស្នាក់អាស្រ័យ”។ គេក៏បានសម្ភាសស្រ្តីម្នាក់ ដោយសួរគាត់អំពីមូលហេតុ ដែលគាត់បានទទួលស្វាគមន៍មនុស្ស ដែលគាត់មិនដែលស្គាល់ឲ្យចូលស្នាក់នៅផ្ទះគាត់។ ពេលនោះ គាត់ក៏បានឆ្លើយថា កាលសម័យមុន ម្តាយគាត់ក៏ត្រូវការកន្លែងជ្រកកោន ពេលម្តាយគាត់កំពុងរត់គេចពីពួកណាស៊ីអ៊ីត្លែផងដែរ ដូចនេះ គាត់ចង់ជួយអ្នកដែលកំពុងត្រូវការជំនួយដូចនេះ។ ក្នុងបទគម្ពីរចោទិយកថា ព្រះទ្រង់បានត្រាស់ហៅពួកអ៊ីស្រាអែល ឲ្យយកអសារអ្នកដែលមកពីស្រុកឆ្ងាយ។ តើហេតុអ្វី? ព្រោះព្រះអង្គជាអ្នកការពារក្មេងកំព្រា ស្រ្តីមេម៉ាយ និងជនបរទេស(១០:១៨) ហើយដោយសារប្រជាជនអ៊ីស្រាអែលក៏ធ្លាប់រស់នៅជាជនបរទេស ក្នុងទឹកដីអេស៊ីព្ទផងដែរ(ខ.១៩) នោះពួកគេក៏ដឹងផងដែរថា ការរស់នៅក្នុងទឹកដីប្រទេសដទៃមានភាពងាយរងគ្រោះប៉ុណ្ណា។ ការអាណិតក៏បានបណ្តាលចិត្តពួកគេឲ្យជួយយកអសារ។ តែម្ចាស់ផ្ទះក៏ជាអ្នកទទួលព្រះពរផងដែរ។ ជាក់ស្តែង ពេលដែលស្រ្តីមេម៉ាយនៅភូមិសារិបតា ទទួលស្វាគមន៍លោកអេលីយ៉ា ចូលស្នាក់នៅផ្ទះរបស់គាត់…

Read article

សេចក្តីជំនឿជាអំណោយ

UltimatelyBy Ultimately with R.C. Sproul 12/09/2023

ជំនឿដែលសង្គ្រោះឲ្យរួចពីបាប មិនបានកើតចេញពីការសម្រេចចិត្តរបស់មនុស្សនោះទេ តែជាអំណោយមកពីព្រះ។ នៅថ្ងៃនេះដែរ លោកគ្រូ អរ ស៊ី ស្ព្រោល(R.C. Sproul) សូមលើកទឹកចិត្តយើង ឲ្យកោតស្ញប់ស្ញែងសេចក្តីមេត្តាដ៏អស្ចារ្យរបស់ព្រះអម្ចាស់ ដែលបានបង្ហាញចេញមក នៅពេលដែលគ្រីស្ទបរិស័ទម្នាក់ៗប្រែចិត្តទទួលជឿព្រះអង្គ។ អត្ថបទ នៅពេលដែលអ្នកទទួលជឿព្រះយេស៊ូវ គឺមិនមានន័យថា អ្នកបានធ្វើឲ្យជំនឿនោះកើតមាន ក្នុងចិត្តអ្នកឡើយ។ ជំនឿនោះមិនបានកើតចេញ ឬលេចឡើងពីសណ្ឋាននៃការស្លាប់ខាងវិញ្ញាណរបស់អ្នកនោះទេ។ ពេលនោះ អ្នកប្រហែលបានឮដំណឹងល្អជាលើកដំបូង ហើយក៏បានឆ្លើយតបចំពោះដំណឹងល្អ ដោយការពេញចិត្ត ហើយក៏បានឱបក្រសោបយកដំណឹងល្អ ហើយអ្នកប្រហែលជាគិតថា “ទីបំផុត ខ្ញុំបានសម្រេចចិត្តទទួលជឿព្រះយេស៊ូវហើយ”។ តាមពិត សេចក្តីជំនឿដែលនាំឲ្យបានសង្រ្គោះ មិនបានកើតចេញពីការសម្រេចចិត្តរបស់មនុស្សឡើយ។ តែជាអំណោយមកពីព្រះ។ សូមយើងនឹកចាំ អំពីការបកស្រាយរបស់សាវ័កប៉ុល អំពីបញ្ហានេះ ក្នុងសំបុត្រ ដែលគាត់បានសរសេរផ្ញើពួកជំនុំនៅទីក្រុងអេភេសូរ យ៉ាងដូចនេះថា “ពីដើម អ្នករាល់គ្នាក៏ស្លាប់ក្នុងការរំលង ហើយក្នុងអំពើបាបដែរ ជាការដែលអ្នករាល់គ្នាបានប្រព្រឹត្ត តាមរបៀបលោកីយ៍នេះ គឺតាមមេគ្រប់គ្រងរាជ្យលើអាកាស ជាវិញ្ញាណ ដែលសព្វថ្ងៃនេះ បណ្តាលមកក្នុងពួកមនុស្សរឹងចចេស យើងរាល់គ្នាទាំងអស់ក៏បានប្រព្រឹត្តក្នុងពួកនោះពីដើមដែរ ដោយសេចក្តីប៉ងប្រាថ្នារបស់សាច់ឈាមយើង ទាំងប្រព្រឹត្តសេចក្តីដែលសាច់ឈាម និងគំនិតយើងចង់បានផង ហើយតាមកំណើតយើង នោះយើងជាមនុស្សជាប់ក្នុងសេចក្តីខ្ញាល់ ដូចជាមនុស្សឯទៀតដែរ”(អេភេសូរ ២:១-៣)។…

Read article

អំណាចនៃការនៅស្ងៀម

September, នំម៉ាណាប្រចាំថ្ងៃBy Kimya Loder 12/09/2023

សូមអាន : ទំនុកដំកើង ៣៧:៥-៧ ចូរស្ងៀមនៅចំពោះព្រះយេហូវ៉ា ហើយរង់ចាំទ្រង់ចុះ។ ទំនុកដំកើង ៣៧:៧ មានបន្ទប់មួយ ដែលមានទឹកធ្វើឲ្យខ្លួនមនុស្សអណ្តែតយ៉ាងមានផាសុខភាព ហើយគេក៏បានបិទភ្លើងក្នុងបន្ទប់នោះ រួចភ្លេងដ៏ស្រទន់ដែលគេបានចាក់ឲ្យស្តាប់ ក៏បានប្រែជាស្ងប់ស្ងាត់។ ខ្ញុំបានអានអត្ថបទមួយ ដែលបានបកស្រាយថា បន្ទប់ដ៏ស្ងប់ស្ងាត់នេះជួយឲ្យយើងមានភាពធូរស្រាល ពីភាពតានតឹង និងការថប់បារម្ភ។ ខ្ញុំមិនដែលបានដឹងអំពីរឿងនេះពីមុនមកទេ។ បន្ទប់នោះ ធ្វើឲ្យគេមានអារម្មណ៍ថា ភាពវឹកវរក្នុងលោកិយបានឈប់ ហើយគេអាចមានការគិតដ៏ច្បាស់លាស់ នៅក្នុងចិត្ត។ រឿងនេះ បានធ្វើឲ្យខ្ញុំនឹកចាំថា មានអំណាច ក្នុងការនៅស្ងៀម។ យើងអាចសម្រាក យ៉ាងមានផាសុខភាពបំផុត ពេលណាយើងនៅស្ងៀម ក្នុងព្រះវត្តមានព្រះ ដែលបានជួយឲ្យយើងមានកម្លាំងឡើងវិញ ហើយប្រទានយើងនូវប្រាជ្ញា ដែលយើងត្រូវការ ដើម្បីប្រឈមមុខដាក់បញ្ហា ដែលយើងជួបប្រទះជារៀងរាល់ថ្ងៃ។ ពេលណាយើងនៅស្ងៀម ក្នុងព្រះវត្តមានព្រះអង្គ ក្នុងពេលស្ងប់ស្ងាត់ ដោយដកចេញការរំខានក្នុងជីវិតយើង ព្រះអង្គនឹងប្រទានកម្លាំងយើង ឲ្យអាចស្តាប់ឮព្រះសូរសៀងព្រះអង្គកាន់តែច្បាស់(ទំនុកដំកើង ៣៧:៧)។ បន្ទប់ដែលជួយឲ្យអារម្មណ៍ស្ងប់នោះ ទោះស្ងាត់ស្ងៀមយ៉ាងណាក៏ដោយ បើគ្មានការចំណាយពេលស្ងាត់ស្ងៀមជាមួយព្រះអង្គទេ នោះវាគ្មានប្រយោជន៍ខាងវិញ្ញាណឡើយ។ ហេតុនេះហើយ ព្រះអង្គបានប្រទានយើងនូវរបៀបដ៏សាមញ្ញ សម្រាប់ចំណាយពេលស្ងាត់ស្ងៀម ដោយគ្មានការរំខានជាមួយព្រះអង្គ។ ព្រះអង្គមានបន្ទូលថា “តែឯអ្នក កាលណាអធិស្ឋាន…

Read article

ប្រាជ្ញារបស់លោកិយ ឬប្រាជ្ញាពីស្ថានសួគ៌?

September, នំម៉ាណាប្រចាំថ្ងៃBy Sheridan Voysey 11/09/2023

សូមអាន : យ៉ាកុប ៣:១៣-១៨ ក្នុងពួកអ្នករាល់គ្នា បើមានអ្នកណាមានប្រាជ្ញា និងយោបល់ ត្រូវឲ្យអ្នកនោះសំដែងចេញជាកិរិយាល្អ ដោយសារការដែលខ្លួនប្រព្រឹត្ត ដោយសេចក្តីសុភាពនៃប្រាជ្ញាចុះ។ យ៉ាកុប ៣:១៣ មុនពេលបុណ្យព្រះយេស៊ូវមានព្រះជន្មរស់ឡើងវិញ នៅឆ្នាំ២០១៨ ភេរវករម្នាក់បានចូលទៅក្នុងផ្សា សម្លាប់មនុស្សពីរនាក់ ហើយក៏បានចាប់ស្រ្តីម្នាក់ធ្វើជាចំណាត់ខ្មាំង។ ការប្រឹងប្រែងរំដោះស្រ្តីនោះបានទទួលបរាជ័យ តែប៉ូលិសម្នាក់ក៏បានធ្វើការដោះដូរជាមួយភេរវករនោះ ដោយឲ្យរំដោះស្រ្តីនោះ ហើយយកគាត់ធ្វើជាចំណាប់ខ្មាំងវិញ។ ការដោះដូរនោះបានធ្វើឲ្យគេគ្រប់គ្នាភ្ញាក់ផ្អើល ព្រោះជាទង្វើដែលផ្ទុយនឹងផ្នត់គំនិតដ៏ពេញនិយម ដែលលោកិយចាត់ទុកជាប្រាជ្ញា។ យើងតែងតែអាចដឹងថា “ប្រាជ្ញា”របស់វប្បធម៌ណាមួយមានលក្ខណៈដូចម្តេច ដោយគ្រាន់តែមើលពាក្យសម្តី ដែលវប្បធម៌នោះអបអរ ដូចជាសម្រង់ពាក្យរបស់ជនល្បីឈ្មោះ ដែលគេបង្ហោះតាមបណ្តាញសង្គមជាដើម។ ឧទាហរណ៍មានសម្រង់សម្តីដ៏ពេញនិយមមួយចំនួនពោលថា “ការផ្សងព្រេងធំបំផុត ដែលអ្នកអាចមាន គឺត្រូវរស់នៅក្នុងជីវិត ដែលអ្នកស្រមៃចង់បាន”។ “ចូរស្រឡាញ់ខ្លួនឯងជាមុនសិន នោះបញ្ហាអ្វីផ្សេងទៀតនឹងមានដំណោះស្រាយ”។ “ចូរធ្វើអ្វីដែលអ្នកត្រូវធ្វើសម្រាប់ខ្លួនឯង”។ បើសិនជាមន្ត្រីប៉ូលិសរូបនោះស្តាប់តាមយោបល់ទាំងអស់នេះ គាត់មុខជាមិនអាចលះបង់ជីវិតដើម្បីរំដោះស្រ្តីនោះបានឡើយ។ សាវ័កយ៉ាកុបបានមានប្រសាសន៍ថា មានប្រាជ្ញាពីរប្រភេទ ក្នុងលោកិយនេះ គឺប្រាជ្ញា “របស់លោកិយ” និងប្រាជ្ញា “មកពីស្ថានសួគ៌”។ ប្រភេទប្រាជ្ញាទី១ គឺមានលក្ខណៈអាត្មានិយម និងគ្មានសណ្តាប់ធ្នាប់(យ៉ាកុប ៣:១៤-១៦) ប្រភេទប្រាជ្ញាទី២ មានលក្ខណៈបន្ទាបខ្លួន ការចុះចូលនឹងព្រះ ហើយបង្កើតឲ្យមានសន្តិភាព(ខ.១៣,១៧-១៨)។…

Read article

តើសេចក្តីខ្មាសដ៏ត្រឹមត្រូវ គឺជាអ្វី?

Solid JoysBy John Piper 10/09/2023

ពីព្រោះកាលពីដើម ដែលនៅជាបាវបំរើរបស់អំពើបាប នោះអ្នករាល់គ្នាមិននៅក្នុងអំណាចនៃសេចក្តីសុចរិតទេ កាលណោះតើអ្នករាល់គ្នាបានផលអ្វីខ្លះក្នុងអំពើដែលឥឡូវនេះអ្នករាល់គ្នាអៀនខ្មាសវិញ ដ្បិតទីបំផុតនៃអំពើទាំងនោះជាសេចក្តីស្លាប់។ រ៉ូម ៦:២០-២១ ពេលណាគ្រីស្ទបរិស័ទម្នាក់បើកភ្នែក មើលទៅទង្វើអាក្រក់របស់ខ្លួន ដែលបង្ខូចព្រះនាមព្រះ នោះការដែលគាត់មានអារម្មណ៍អៀនខ្មាស គឺត្រឹមត្រូវហើយ។ សាវ័កប៉ុលបានប្រាប់ពួកជំនុំ នៅទីក្រុងរ៉ូមថា “ពីព្រោះកាលពីដើម ដែលនៅជាបាវបំរើរបស់អំពើបាប … តើអ្នករាល់គ្នាបានផលអ្វីខ្លះក្នុងអំពើដែលឥឡូវនេះអ្នករាល់គ្នាអៀនខ្មាសវិញ?” មានពេលដ៏ត្រឹមត្រូវដែលយើងត្រូវក្រឡេកមកក្រោយ ហើយមានអារម្មណ៍ឈឺចាប់ ចំពោះការរស់នៅ តាមរបៀបដែលបន្ទាបព្រះនាមព្រះយ៉ាងខ្លាំង។ យើងត្រូវដឹងច្បាស់ថា យើងមិនត្រូវនៅជាប់ក្នុងបញ្ហានេះ ដោយរកធ្វើអ្វីមិនកើតនោះឡើយ។ ប៉ុន្តែ ចិត្តរបស់គ្រីស្ទបរិស័ទដែលបើកចំហ មិនអាចក្រឡេកមកមើកភាពល្ងីល្ងើនៃយុវភាពរបស់ខ្លួន ដោយមិនមានអារម្មណ៍ខ្មាសអៀននោះឡើយ ទោះយើងបានដោះស្រាយបញ្ហានេះ ជាមួយព្រះអម្ចាស់ហើយក៏ដោយ។ ភាពអាម៉ាស់ដ៏ត្រឹមត្រូវអាចមានប្រយោជន៍ ហើយនាំមកនូវការប្រោសលោះផងដែរ។ សាវ័កប៉ុលបានប្រាប់ពួកជំនុំ នៅទីក្រុងថែស្សាឡូនីចថា “បើអ្នកណាមិនស្តាប់តាមពាក្យរបស់យើងខ្ញុំ ក្នុងសំបុត្រនេះទេ នោះចូរសំគាល់អ្នកនោះទុក ហើយកុំឲ្យភប់ប្រសព្វនឹងគេឲ្យសោះ ដើម្បីឲ្យគេមានសេចក្តីខ្មាស”(២ថែស្សាឡូនីច ៣:១៤)។ បានសេចក្តីថា ការមានសេចក្តីខ្មាស គឺជាការបោះជំហានដ៏ត្រឹមត្រូវ នៅក្នុងការប្រែចិត្តជឿព្រះ ដែលនាំមកនូវការប្រោសលោះ ហើយសូម្បីតែនៅក្នុងការប្រែចិត្តរបស់គ្រីស្ទបរិស័ទ ចេញពីអំពើបាប និងរដូវកាលនៃភាពត្រជាក់ខាងវិញ្ញាណ។ ការមានសេចក្តីខ្មាស គឺមិនមែនជាអ្វីដែលយើងត្រូវជៀសវាងទាំងស្រុងនោះឡើយ។ ព្រះទ្រង់ក៏អាចប្រើសេចក្តីខ្មាសរបស់យើង ដើម្បីដោះស្រាយបញ្ហាដែលយើងមានជាមួយព្រះអង្គផងដែរ។ យើងអាចសន្និដ្ឋានថា ការបង្រៀនក្នុងព្រះគម្ពីរ…

Read article

តែងតែធ្វើតាមព្រះបន្ទូលសន្យា

September, នំម៉ាណាប្រចាំថ្ងៃBy Cindy Hesskasper 10/09/2023

សូមអាន : លូកា ១:២៦-៣៨ នាងមានពរហើយ ដោយនាងបានជឿ ដ្បិតសេចក្តីដែលព្រះអម្ចាស់មានព្រះបន្ទូលមកនាង នោះនឹងបានសំរេចជាមិនខាន។ លូកា ១:៤៥ កាលពីក្មេង ខ្ញុំតែងតែធ្វើដំណើរចម្ងាយប្រហែល៣រយគីឡូម៉ែត្រ ទៅលេងតាយាយរបស់ខ្ញុំ នៅរដូវក្តៅ។ ជាច្រើនឆ្នាំក្រោយមក ខ្ញុំក៏បានដឹងថា ក្នុងរយៈពេលប៉ុន្មានឆ្នាំនោះ ខ្ញុំទទួលបានប្រាជ្ញាច្រើនប៉ុណ្ណាពីអ្នកទាំងពីរ ជាមនុស្សដែលខ្ញុំស្រឡាញ់។ បទពិសោធន៍ និងរបៀបដែលពួកគាត់បានដើរជាមួយព្រះ បានផ្តល់ឲ្យគាត់នូវទស្សនវិស័យ ដែលគំនិតដ៏ក្មេងខ្ចីរបស់ខ្ញុំមិនទាន់អាចយល់បាន។ ការសន្ទនារបស់ខ្ញុំជាមួយពួកគាត់ អំពីសេចក្តីស្មោះត្រង់របស់ព្រះអង្គ បានធានាដល់ខ្ញុំថា ព្រះទ្រង់មានលក្ខណៈសម្បត្តិដែលអាចឲ្យយើងទុកចិត្តបាន ហើយព្រះអង្គធ្វើតាមព្រះបន្ទូលសន្យានីមួយៗរបស់ព្រះអង្គ។ កាលទេវតាកាព្រីយ៉ែលយាងមកជួបនាងម៉ារា ជាព្រះមាតារបស់ព្រះយេស៊ូវ នាងគ្រាន់តែជាក្មេងជំទង់ម្នាក់ប៉ុណ្ណោះ។ ដំណឹងគួរឲ្យភ្ញាក់ផ្អើល ដែលទេវតាកាព្រីយ៉ែលប្រាប់នាង ប្រាកដជាពិបាកឲ្យនាងទទួល តែនាងបានស្ម័គ្រចិត្តទទួលយក ដោយការស្តាប់បង្គាប់(លូកា ១:៣៨)។ តែពេលនាងទៅសួរសុខទុក្ខនាងអេលីសាបិតជាសាច់ញាតិមានវ័យចាស់ ដែលកំពុងមានផ្ទៃពោះដោយការអស្ចារ្យ(ប្រហែលនៅអាយុ៦០ឆ្នាំ) នាងប្រហែលជាការទទួលការកម្សាន្តចិត្ត ខណៈពេលដែលនាងអេលីហ្សាបិតបានបញ្ជាក់ពាក្យសម្ដីរបស់ទេវតាកាព្រីយ៉ែល ដោយចិត្តក្លៀវក្លា ដែលបានប្រកាសថា នាងគឺជាម្តាយរបស់ព្រះមែស៊ីដែលនឹងយាងមកតាមព្រះបន្ទូលសន្យា(ខ.៣៩-៤៥)។ ពេលណាយើងលូតលាស់ និងមានភាពពេញវ័យក្នុងព្រះគ្រីស្ទ ដូចតាយាយរបស់ខ្ញុំ យើងក៏បានដឹងថា ព្រះអង្គធ្វើតាមព្រះបន្ទូលសន្យារបស់ព្រះអង្គ។ ព្រះអង្គបានធ្វើតាមព្រះបន្ទូលសន្យា ចំពោះនាងអេលីសាបិត និងលោកសាការីជាស្វាមី(ខ.៥៧-៥៨)ថា ពួកគេនឹងមានកូនប្រុសម្នាក់។ ហើយជាច្រើនឆ្នាំក្រោយមកកូនប្រុសនោះ គឺលោកយ៉ូហាន…

Read article

ចូរនិយាយទៅកាន់ព្រះ គឺមិនគ្រាន់តែនិយាយអំពីព្រះអង្គឡើយ

Solid JoysBy John Piper 09/09/2023

ទោះបើទូលបង្គំដើរកាត់ច្រកភ្នំនៃម្លប់សេចក្តីស្លាប់ក៏ដោយ គង់តែមិនខ្លាចសេចក្តីអាក្រក់ណាឡើយ ដ្បិតទ្រង់គង់នៅជាមួយនឹងទូលបង្គំ។ ទំនុកដំកើង ២៣:៤ ទម្រង់នៃការប្រើប្រាស់ពាក្យ ក្នុងបទគម្ពីរទំនុកដំកើង ជំពូក២៣ ពិតជាមានប្រយោជន៍ណាស់។ ក្នុងបទគម្ពីរទំនុកដំកើង ២៣:១-៣ ស្តេចដាវីឌបានមានបន្ទូលសំដៅទៅលើព្រះអម្ចាស់ ដោយប្រើពាក្យ “ទ្រង់” ជាសព្វនាមទី៣ (ដូចពាក្យ “គាត់”)៖ ព្រះយេហូវ៉ាទ្រង់ជាអ្នកគង្វាលខ្ញុំ… ទ្រង់ឲ្យខ្ញុំដេកសំរាកនៅទីមានស្មៅខៀវខ្ចី… ទ្រង់នាំខ្ញុំទៅក្បែរមាត់ទឹកដែលហូរគ្រឿនៗ… ទ្រង់កែព្រលឹងខ្ញុំឡើងវិញ… បន្ទាប់មក ក្នុងខ៤ និង៥ ស្តេចដាវីឌ មានបន្ទូលសំដៅទៅលើព្រះអម្ចាស់ ដោយប្រើពាក្យ “ទ្រង់” ជាសព្វនាមទី២ (ដូចពាក្យ “អ្នក”)៖ គង់តែមិនខ្លាចសេចក្តីអាក្រក់ណាឡើយ ដ្បិតទ្រង់គង់នៅជាមួយនឹងទូលបង្គំ ព្រនង់ ហើយនឹងដំបងរបស់ទ្រង់កំសាន្តចិត្តទូលបង្គំ ទ្រង់រៀបតុនៅមុខទូលបង្គំ ចំពោះពួកខ្មាំងសត្រូវផង ទ្រង់ចាក់ប្រេងលាបលើក្បាលទូលបង្គំ។ បន្ទាប់មក ក្នុងខ.៦ ទ្រង់ក៏បានប្តូរសព្វនាម យ៉ាងដូចនេះវិញ ៖ ខ្ញុំនឹងនៅក្នុងដំណាក់នៃព្រះយេហូវ៉ាជារៀងដរាបទៅ។ មេរៀនដែលយើងអាចរៀនបាន ពីទម្រង់នៃការប្រើពាក្យនេះគឺថា យើងចាំបាច់ត្រូវនិយាយទៅកាន់ព្រះ គឺមិនគ្រាន់តែនិយាយអំពីព្រះអង្គប៉ុណ្ណោះទេ។ គ្រីស្ទបរិស័ទម្នាក់ៗយ៉ាងហោចណាស់ ជាទេវវិទូមិនផ្លូវការ គឺអ្នកដែលព្យាយាមយល់អំពីចារិកលក្ខណៈ និងផ្លូវរបស់ព្រះ ហើយបន្ទាប់មក ក៏ប្រើពាក្យ ដើម្បីបកស្រាយអំពីអ្វីដែលខ្លួនបានយល់នោះ។…

Read article

ចុះចូលនឹងការដឹកនាំរបស់ព្រះវិញ្ញាណ

September, នំម៉ាណាប្រចាំថ្ងៃBy Jennifer Benson Schuldt 09/09/2023

សូមអាន : យ៉ាកុប ៣:២-១១ តែឯអណ្តាតវិញ នោះគ្មានអ្នកណាអាចនឹងផ្សាំងបានឡើយ។ យ៉ាកុប ៣:៨ ខ្យល់ដែលបក់មកមានក្លិនក្រោលសត្វ និងស្រូវសាឡីសម្រាប់សត្វសេះ ខណៈពេលដែលយើងកំពុងឈរ នៅកន្លែងដែលមិត្តភក្តិខ្ញុំឈ្មោះ មីស៊ែល(Michelle) កំពុងបង្រៀនកូនស្រីខ្ញុំអំពីរបៀបជិះសេះ។ កូនសេះរបស់មីស៊ែលបានហារមាត់ឡើង ខណៈពេលដែលនាងកំពុងបង្ហាញរបៀបដាក់បង្ហៀរនៅក្នុងមាត់របស់វា។ មីស៊ែលក៏បានបត់ខ្សែបង្ហៀរមកដល់ខាងក្រោយត្រចៀករបស់វា ហើយក៏បានពន្យល់ថា បង្ហៀរសំខាន់ណាស់ ព្រោះវាជួយអ្នកជិះសេះ ឲ្យអាចបន្ថយល្បឿនរបស់សេះ ហើយបត់វាទៅឆ្វេង ឬទៅស្តាំបាន។ បង្ហៀររបស់សត្វសេះតូចទេ តែមានសារៈសំខាន់ មិនខុសពីអណ្តាតរបស់យើងទេ។ គឺសុទ្ធតែមានឥទ្ធិពលខ្លាំងមកលើអ្វីដែលធំ និងមានអំណាច។ គឺដូចដែលបង្ហៀរមានអំណាចមកលើសត្វសេះ ហើយអណ្តាតមានអំណាចមកលើពាក្យសម្តីរបស់យើង(យ៉ាកុប ៣:៣,៥)។ ពាក្យសម្តីរបស់យើងអាចបន្លឺចេញមក ទៅតាមទិសដៅខុសគ្នា។ “ដោយសារអណ្តាត នោះយើងសរសើរដំកើងដល់ព្រះអម្ចាស់ដ៏ជាព្រះវរបិតាផង ហើយដាក់បណ្តាសាដល់មនុស្ស ដែលកើតមកតាមរូបអង្គព្រះផង”(ខ.៩)។ គួរឲ្យសោកស្តាយណាស់ ព្រះគម្ពីរបានដាស់តឿនយើងថា យើងពិបាកគ្រប់គ្រងពាក្យសម្តីរបស់យើងខ្លាំងណាស់ ព្រោះពាក្យសម្តីចេញពីចិត្តរបស់យើង(លូកា ៦:៤៥)។ តែអរព្រះគុណព្រះអង្គ ដ្បិតព្រះវិញ្ញាណរបស់ព្រះអង្គ ដែលគង់នៅក្នុងចិត្តអ្នកជឿម្នាក់ៗ ជួយយើងមានភាពអត់ធ្មត់ ស្លូតបូត និងដឹងខ្មាត(កាឡាទី ៥:២២-២៣)។ ពេលណាយើងចុះចូលនឹងការដឹកនាំរបស់ព្រះវិញ្ញាណបរិសុទ្ធ ចិត្តរបស់យើងក៏បានផ្លាស់ប្រែ ហើយការនិយាយស្តីរបស់យើងមានការផ្លាស់ប្តូរផងដែរ។ ការប្រទេចផ្តាសាក៏បានប្រែជាការសរសើរដំកើង។ ការនិយាយកុហកក៏ប្រែជាការនិយាយតែការពិត។ ការរិះគន់ក៏បានកែប្រែជាការលើកទឹកចិត្ត។…

Read article

នំម៉ាណាប្រចាំថ្ងៃ - Daily Manna

Useful links

Contact info

[email protected]

Newsletter signup